Һошээ 4:14 - Библи

¹⁴ Зальхай забхай ябадалтай басагад, бэреэдыетнай усадхахаяа Би үшөө хүлеэхэм, юуб гэбэл, таанад өөһэдөө янхан ябадалтайт, хариин бурхадта мүргэн, тахил үргэнэт. Тэнэг мунхаг иимэ арад хадаа таанад усадхагдахат!

Һошээ 4:14 Referencias Cruzadas

3 Хаан түрэнүүд 15:12

Тэрэ янхан эхэнэр болон эрэшүүлые орон нютагһаа үлдэжэ гаргаа, эсэгэнэрэйнгээ бүтээгшэ онгонуудые зайлуулба.

4 Хаан түрэнүүд 23:7

Тиигээд тэрэ Эзэнэй һүмэ соо урдандаа байһан «зорюулагдаһануудай» таһалгые, Ашэраада эхэнэрнүүдэй хубсаһа хунар оёдог таһалга үгы хэбэ.

Һургаал 28:5

Хара һанаатан шударга ёһые ойлгодоггүй, харин Эзэниие бэдэрэгшэд тэрээниие ойлгохо.

Исай 1:5

Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 56:11

Тэдэ болбол садахаа мэдэхэгүй, өөрын олзо оршодо шунахайрһан нохойнууд гээшэ.

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Һошээ 4:1

Израилиин арад зон, Эзэнэй үгэ соносогты! Энэ газарта этигэмжэтэ байдал, энэрхы сэдьхэл, Намайе, Бурханиие, мэдэхэеэ һанаһан эрмэлзэл үгы гээд, Эзэн энэ газарай улад зониие гэмнэн, урдаһаань зарга болоод байна.

Һошээ 4:17

Израилиин арад зониие онгонууд эльбэ жэльбэ дороо оруулаа. Орхиё тэрэ зандань!

Һошээ 5:4

Хэжэ байгаа хэрэгүүдынь Бурхандаа дахин тэдэнэй эрьен ерэхые табинагүй. Онгонуудта мүргэхэ гээшэнь досоонь байһан зандаа, Эзэниие тэдэ мэдэнэгүй.

Амоос 2:7

Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Амоос 7:17

Тиимэһээ Эзэн иимэ айладал дуулгана: «Һамганшни янхан эхэнэр болохо, үхи хүүгэдшни һэлмээр усадхагдаха, газар хэмжэгшэ газарыеш бусадта хубаан тарааха, өөрөө ши нангин бэшэ газарта хосорхош. Израиль баряанда хариин дайда руу туугдаха!»

Тоололго 25:3

Израильшууд Пэһоорой Баалда шүтэн мүргэжэ эхилбэ. Тиихэдэнь тэдээндэ Эзэнэй уур сухал бусалба.

Иоанн 8:43

Юундэ таанар Минии хэлэһэн үгые ойлгохо, дуулаха шадалгүй байнабта!

Римэйхиндэ 3:11

юумэ ойлгодог, Бурханиие бэдэрдэг хүн нэгэшье үгы.

Коринфынхидтэ 1-дэхи 6:16

Янхан эмэтэй ниилэһэн хүн тэрээнтэй нэгэ бэе болоно гэжэ таанад мэдэхэгүй аалта? «Хоёр хүн ганса бэе болон эблэрхэ», – гэжэ Нангин Бэшэг соо элеэр бэшээтэй.

Хуули дабталга 23:17

Шажан мүргэлэй тусхай ёһолол – хурисалда бэеэ зорюулһан эмэ, эрэшье хүн Израилиин улад зоной дунда бү үзэгдэг.

Еврейнүүдтэ 12:8

Бүхы үхибүүдтэнь лэ адли хэһээгдээгүй һаа, таанад бодото хүбүүдынь бэшэт, тиимэһээ энэ ушарта Бурхан танай хуулита эсэгэ бэшэ.