Һошээ 4:1 - Библи

¹ Израилиин арад зон, Эзэнэй үгэ соносогты! Энэ газарта этигэмжэтэ байдал, энэрхы сэдьхэл, Намайе, Бурханиие, мэдэхэеэ һанаһан эрмэлзэл үгы гээд, Эзэн энэ газарай улад зониие гэмнэн, урдаһаань зарга болоод байна.

Һошээ 4:1 Referencias Cruzadas

3 Хаан түрэнүүд 22:19

Михай харюудань: – Эзэнэй айладхал шагна! Эзэнэй сэнтиидээ залараад, хажуудань баруун, зүүн гараарнь Огторгойн сэрэг барандаа зогсон байна гэжэ би харааб.

Исай 1:10

Иерусалим, удамаршад ба улад зонтнай Содом болон Гоморрын зондо адлил. Эзэнэй таанадта буулгаһан айладхал соносогты! Бурханайнгаа һургаал анхарагты!

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Исай 28:14

Эндэ, Иерусалимда, арад зониие ударидажа байгааша бардам зантай удамаршад, Эзэнэй айладхал шагныта!

Исай 34:1

Бүхы үндэһэ яһатад! Сугларан дүтэлжэ, шагныта! Бүхы газар дэлхэй, дээрэнь амидарагшад бултадаа соносохо болтогой!

Исай 34:8

Эзэнэй Сион абарха, дайсадһаа үһөө абаха саг энэл гээшэ.

Исай 5:3

– Иерусалимда болон Иудын хан түрэдэ ажаһуугша таанад, үзэмэй жэмэсэй сэсэрлигэйм болон Минии хоорондохи зарга хэрэгые шүүбэрилыт!

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Исай 59:8

Энхэ тайбан байдал таанад найруулжа шадахагүйт, зүб шударга хэрэгшье үгы. Харгы замтнай һарюу, хойноһоотнай ябагшад оройдоошье амар амгалан байгаагүй.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Ерэмияа 11:7

Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 19:3

Эзэн намда иигэжэ хэлэхыем захирба: – Иудын хаашуул, Иерусалимай ажаһуугшад, Израилиин Бурханай, Түмэн Сэрэгтэ Эзэнэй, айладхал шагнагты! Энэ газар нютагта Би гай тодхор татахамни, тэрээн тушаа дуулаһан хүн бүхэн угаа ехээр бахардаха.

Ерэмияа 2:4

Яковай үри һадаһад, Израилиин бүхы обогууд, Эзэнэй айладхал соносогты!

Ерэмияа 2:9

Тиимэһээ Би, Эзэн, таанадые дахин гэмнэхэб, уг удамыетнай Би мүн лэ гэмнэн зэмэлхэб.

Ерэмияа 25:31

Дэлхэйн заха хүрэтэр абяаниинь сууряатаха. Эзэн үндэһэтэдэй урдаһаа тулгаха, бүхы зониие шүүбэрилхэ, хорото муу зониие дайнда һалгааха. Энээниие Эзэн айладхаа!

Ерэмияа 34:4

Иудын хаан Цэдэкиия, шам тухай Минии айладхал шагна. Ши дайн дажарта алагдахагүйш.

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 4:28

Хосорһон зонойнгоо хойноһоо улад гашуудан уйлаха, огторгой гүн харанхы болохо. Би айладхааб, Би шиидээб, хожом тэрээн тушаа гэмшэхэгүйб, һөөргөө эрьежэ байхагүйб!

Ерэмияа 5:4

Тиихэдэнь би: «Тэдэ ядуу, мунхаг зон. Юуб гэбэл, тэдэ Эзэнэй ямар эрилтэ табидагые мэдэнэгүй, юу хэхыень Бурханай хүсэдэгые ойлгоногүй.

Ерэмияа 51:5

Би, Түмэн Сэрэгтэ Эзэн Бурхан, Израиль болон Иудын хан түрын Минии, Израилиин Нангинай, урда оло дахин нүгэл хээшье хадань, орхёо бэшэб.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Ерэмияа 7:28

Тиихэдэнь тэдээндэ «Энэ үндэһэн арад Эзэнэй, өөрынгөө Бурханай, үгэ дууланагүй, һургаал абанагүй. Үнэн зүб юумэн хосороо, тэдэнэй аманһаа бэшэ гарахагүй!» гэжэ хэлээрэй.

Ерэмияа 9:20

Би, Ерэмияа, хэлээ һэм: «Эхэнэрнүүд, Эзэнэй үгые шагнагты! Тэрэнэй айладхал анхарагты! Басагадаа шаналан гашуудаха ёһололдо, хүн бүхэнөө – гашуудалай дуунда һургагты.

Ерэмияа 9:3

Татаһан һурша ном мэтэ худал хэлэтэйл тэдэ. Энэ газар нютагта худал үгэ үнэн сэхэһээ хүсэтэй болоо. «Минии арад муу муухай юумэ хойно хойноһоо үйлэдэнэ, Намайе Бурхан гэжэ тооногүй», – гээд Эзэн айладхана.

Ерэмияа 9:7

Тиимэ ушарһаа Түмэн Сэрэгтэ Эзэн иигэжэ тунхаглаа: Түмэрэй шанар мэдэхын тула хайлуулжа шалгадаг гээшэл. Тэрээндэл адляар Өөрынгөө арадые шалгахам. Бэшэ ондоо арга үгы.

Эзэкээл 16:35

Эзэн иигэжэ айладхана: – Янхан эхэнэр Иерусалим, Минии айладхал шагна!

Һошээ 12:2

Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Һошээ 12:3

Яков эхын умайда үшөө байхадаа ахаяа мэхэлээ. Тиигээд томо болоходоо, Бурханай урдаһаа тулаба.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Һошээ 5:4

Хэжэ байгаа хэрэгүүдынь Бурхандаа дахин тэдэнэй эрьен ерэхые табинагүй. Онгонуудта мүргэхэ гээшэнь досоонь байһан зандаа, Эзэниие тэдэ мэдэнэгүй.

Ёһээл 1:2

Аха захатан, энээниие соносогты. Энэ газарта оршон һуугшад, бултадаа Намайе шагнагты. Таанарай гү, али үбгэ эсэгэнэрэйтнай үедэ иимэрхүү ябадал болоо гү?

Амоос 3:1

Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!

Амоос 7:16

Мүнөө ши Эзэнэй айладхал шагна! «Израильда лүндэн бү таби, Исаагай гэр бүлэдэ бү тунхагла» гэнэш.

Михей 6:2

Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.

Иоанн 8:55

Теэд таанар Минии Эсэгые мэдэнэгүйт, харин Би Тэрэниие мэдэнэб. Хэрбээ Би Тэрэниие мэдэхэгүйб гээ һаа, Би таанартайл адли худалша болохо һэм. Теэд Би Тэрэниие мэдэхэб, Тэрэнэй хэлэдэг үгэнүүдые бэелүүлнэб.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Коринфынхидтэ 1-дэхи 15:34

Ой ухаандаа орогты, нүгэл хэхэеэ болигты. Заримантнай Бурханиие мэдэхэгүй, тиин эшэжэ зобожо байхаартнай энээниие хэлэнэб.

Гэршэлгэ 2:11

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илаашые хоёрдохиёо һүнөөхэгүй».

Гэршэлгэ 2:29

Һүзэглэгшэдэй бүлгэмүүдтэ Арюун Һүлдын хэлээшые шэхэтэй юм һаа, шагнаг лэ!»