Һошээ 3:5 - Библи

⁵ Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Һошээ 3:5 Referencias Cruzadas

3 Хаан түрэнүүд 12:16

Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: «Давидай гэр бүлэ маанарта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанарта бү хамаархаг». Тиигэжэ Израилиин бүхы улад зон гэр гэртээ тараа бэлэй.

Исай 17:7

Тэрэ сагай ерэхэдэ, зон туһа эрижэ, Бүтээгшэдээ, Израилиин арюун Бурханда, эрьехэ.

Исай 2:2

Һүүлшын үдэрнүүдтэ иимэ юумэн болохо: Эзэнэй үргөөгэй оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Тэрээн руу бүхы үндэһэтэд урдан хүүехэл.

Исай 2:3

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.

Исай 60:5

Эдэ бүгэдые хараад, баярлахаш, зүрхэншни хүдэлэн баясаха. Үндэһэ яһатадай баялиг таанадай болохо, далайгаар дамжан тэрэ ерэхэ.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 30:24

Тэрэнэй һанаһанаа бэелүүлээгүйдэ уур хилэнгынь буурахагүй. Ерээдүй сагта зон эдэ бүгэдые ойлгохо.

Ерэмияа 30:9

Харин Намда, Өөрынгөө Эзэн Бурханда, мүн Минии хан шэрээдэ һуулгаһан Давидай уг удамда тэдэ алба хэжэ эхилхэл.

Ерэмияа 33:17

Давидай үри һадаһан хододоо Израилиин хаан шэрээ эзэлдэг байха гээд Би, Эзэн, найдуулнаб.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 38:16

Шуургата үүлэн мэтэ хушан, Минии улад зондо добтолхош. Минии орон нютаг болохо Израиль руу нэбтэрэн орохыеш Би зүбшөөхэб. Юуб гэхэдэ, Намайе, Эзэниие, арюун нангин гэжэ дэлхэйн арад бүхэнэй мэдэдэг болохын тула иимэ юумэ эрхилхэб».

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Даниил 10:14

Сагай үнгэрхэдэ шинии арад түмэнтэй юун тохёолдохо байһан тухай шамда ойлгуулхаяа би мүнөө ерээб. Юуб гэхэдэ, энэ үзэгдэл ерээдүй саг тушаа юм, – гэбэ.

Даниил 2:28

Харин огторгойдо нюуса нээдэг Бурхан бии. Эсэсэй эсэстэ юун болохоб гэжэ Тэрэл Навуходоносор хаанда элирүүлэн харуулаа. Унтаридаа унтажа байхадаа та иимэ зүүдэ хараат:

Һошээ 1:11

Иудын болон Израилиин улад зон хамтаржа, өөһэдтөө нэгэ удамаршые шэлэжэ табиха, өөрын газар уһанда бусаха. Энэ болбол Езрээлэй агууехэ үдэр болохо!

Һошээ 11:10

Минии арад түмэн хойноһоом дахан ябаха. Арсаландал Би архиран, дайсадынь һүрдөөхэб. Минии арад зон баруун зүгһөө шэшэрэлдэн бусаха.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Һошээ 5:6

Эзэндэ хони, үхэр тахил болгон үргэхэеэ тэдэ ошохо, Эзэниие бэдэрхэ, теэд олохогүй. Эзэн тэдээнһээ холодоо.

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Михей 4:1

Һүүлшын үдэрнүүдтэ иимэ юумэн болохо: Эзэнэй Һүмын оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Арад түмэн тэрээн руу урдан хүүехэл.

Тоололго 24:14

Зай, мүнөө би өөрынгөө арадта бусахам. Гэбэшье ошохынгоо урда тээ би шамда ерээдүй сагта энэ арад түмэн шинии арадтай юу хэхыень уридшалан хэлэхэм, зүбшөөгыш.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?