Һошээ 2:8 - Библи

⁸ Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!

Һошээ 2:8 Referencias Cruzadas

1 Угай бэшэг 29:16

Манай Эсэгэ Бурхан! Гэр барилгада бэлдэһэн эдэ бүхыгөө Танай нангин нэрэдэ зорюулан, Танһаа хүртэлгэ, эдэ бүхыдөө Танһаал.

Иоов 19:8

Харин Тэрэ зам дээрэм шулуу хаяжа, манан харанхы буулгаба.

Исай 1:3

Сар өөрынгөө эзэниие танидаг, элжэгэншье хооллодог тэбшэеэ мэдэдэг лэ. Харин Израиль мэдэдэггүй, Минии арад түмэн ойлгодоггүй!»

Исай 46:6

Зарим зон түриибшэһөө алтаа хайра гамгүй үгэжэ, мүнгэ шэгнүүрээр шэгнэн, бурхан хэхыень алташа дарханиие хүлһэлдэг. Тиигээд тэдэ шүтөөнэй урда унажа, мүргэдэг.

Ерэмияа 7:18

Үхибүүдынь түлеэ суглуулжа, эсэгэнэрынь гал носоожо, эхэнэрнүүдынь Тэнгэриин хатанда бообо хэхын тула талха зуурана. Намайе гомдоохын тула тэдэ ондоо бурхадта сэржэм үргэнэ.

Эзэкээл 23:41

Шэрээ урдань табяатай гоё һайхан буйдан дээрэ тэдэ хэбтэдэг бэлэй. Тэрэ шэрээ дээрэнь Минии үршөөһэн оливын тоһон, уталганууд байдаг һэн.

Даниил 3:1

Навуходоносор хаан жаран тохой ута, зургаан тохой арай болохогүй үргэн алтан хүрэг бүтээжэ, Вавилооной Дураа гэдэг нюруу газарта табиха тухай захирал гаргаба.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Һошээ 13:1

Эпрааимай обогой зоной үгэ хэлэхэдэ, бусад обогуудай улад зон шэшэрэлдэн айжа байдаг бэлэй. Эпрааимайхид бусадта хүндэтэй һэн. Теэд тэдэ Баалда шүтэжэ, нүгэл үйлэдэжэ, хосоржо байна.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Һошээ 4:11

Арад түмэн ондоо бурхадта зальбарна, ухааень манаруулха шэнэ аргануудые бэдэрнэ.

Һошээ 8:4

Намһаа асуунгүй, тэдэ хаашуулые өөһэдтөө табяа; Намда мэдүүлэнгүй түшэмэлнүүдые табяа; алта мүнгөөрөө тэдэ өөһэдтөө онгонуудые дархалаа, – эдэ бүгэдэһөөл тэдэ хосорхо.

Аввакуум 1:16

Тэрэ губшууртаа мүргэжэ, үргэл үргэжэ байна, юуб гэхэдэ, губшуурынь тэрэниие эрхим хоолоор хангана шуу.

Лука 15:13

Нэгэ хэды хоноод, бага хүбүүниинь хубита зөөриеэ абаад, холын газарта ошожо, ехээр һэбхиржэ, зөөриеэ үрижэрхибэ.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Хуули дабталга 8:18

Баян болохо шадал таанадта гансал Эзэн Бурхантнай үршөөнэ гээд мартангүй һанажа ябагты. Үбгэ эсэгэнэртэйтнай баталһан хэлсээгээ Тэрэ мүнөөшье бэелүүлнэ.

Ударидагшад 9:27

Нэгэтэ шэхээмэйхид хээрэ гаража, уһан үзэм хуряагаад, тэрэнээ шахан даража, үзэмэй дараһан архи хэбэ. Тиигээд тэдэнэр һайндэрлэн сэнгэһэнэй һүүлдэ өөһэдынгөө бурханай һүмэ соо эдеэлбэд, ундалбад, муу муухайгаар Абимээлэхые хараажа эхилбэд.