Һошээ 2:7 - Библи

⁷ Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Һошээ 2:7 Referencias Cruzadas

2 Угай бэшэг 28:23

Тэрэ иигэжэ хэлэгшэ һэн: – Дамааскын бурхад Араамай хаашуулда туһалаа, минии тэдээндэ үргэл үргөө һаа, тэдэ намдашье туһалха. Иигэжэ тэрэ өөрыень дайлажа байгааша Дамааскын бурхадта үргэл үргэдэг байба. Гэбэшье энэнь өөртэнь болон Израилиин бүхы улад зондо гай тодхор ушаруулба.

Исай 30:16

Энээнэй орондо таанад дайсадһаа тэрьедэхэеэ, хурдан морёор гүйлгэхэеэ һананат. Моримнай хурдан гэжэ һанахадатнай танһаа хурдан моритой дайсад байхал.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Ерэмияа 2:36

Ондоо арад зоной бурхадта мүргэжэ, өөһэдыгөө доромжолбот. Ассириин таанадые наада хараһандал адли Египедшье баһа таниие наада харахал.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 31:18

Эпрааимай гашуудан иигэжэ хэлэхые би соносооб: «Эзэн, бидэ һургагдаагүй буха шэнги байгаабди. Та бидэниие хэһээжэ һургаал заагаат. Эзэн Бурхамнай, бидэниие бусаагыт, бидэ Тандаа бусаха һанаатайлди.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Эзэкээл 16:18

Минии шамда үгэгшэ угалзатуулан шэрэһэн гоё һайхан хубсаһа абажа, тэдэ онгонуудта үмдэхүүлбэш, Минии шамда үршөөгшэ оливын тоһо, уталгануудые тэдэнэй урда табибаш.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Эзэкээл 20:32

Бусад үндэһэ яһатадтал, уг угсаатанда адли боложо, модо, шулуугаар бүтээһэн онгонуудта мүргэжэ, һайн байхабди гэжэ тэдэ һанана. Теэд иимэ юумэн хэзээшье бүтэхэгүй!

Эзэкээл 23:12

Тэрэ мүн лэ Ассириин гоё һайхан түшэмэл ноёдой, һайхан хубсаһа үмдэһэн, мори унаһан сэрэгшэдэй хойноһоо гүйдэг, тэдээнтэй унтахаяа ехэ хүсэдэг бэлэй.

Эзэкээл 23:22

Эзэн Бурхан иигэжэ айладхана: «Оһолибаа, амарагуудтаяа хамта байхаяа шинии арсажа эхилээшье хадаш Би тэдэниие урдаһааш эрьюулэн, дайсад мэтээр бүхы зүгһөө асархаб.

Эзэкээл 23:4

Тэдэнэй нэрэнь гэбэл, эгэшэнь Оһолаа, дүүнь Оһолибаа бэлэй. Тэдэ Намда хадамда гаража, үхибүүдые түрөө һэн. Оһолаа болбол Самари, Оһолибаа Иерусалим болоно гээшэ.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:25

Навуходоносор хаантай эдэ бүгэдэ үнэхөөрөө тохёолдоо бэлэй.

Даниил 4:32

Газар дэлхэй дээрэ амидарагшад юуншье бэшэ. Өөрын һанаһаар лэ Тэрэ огторгойн сэрэгтэй, газарай зонтой юумэ хэхэ. Хэншье гартань һөөргэдэжэ шадахагүй, «Яанабта?!» гэжэ хэлэхэгүй.

Даниил 5:21

Тэрэ зоной дунда амидархаяа болижо, ухааниинь балартан, ан арьяатан мэтэ болоод, зэрлиг элжэгэнүүдтэй байдаг, малдал адли үбһэ ногоогоор хооллодог, бэеынь шүүдэр угаадаг – юрэдөө, хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэн нэгэниие хан шэрээдэ Тэрэл һуулгадаг гэжэ ойлготороо тэрэ иимэ байдалда байгаа.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Һошээ 13:6

Үрэжэлтэй һайн газар олоходоо, таанад садхалан боложо, бардамлажа эхилээт, тиигээд Намайе мартаат.

Һошээ 14:1

Минии урдаһаа буһалгаалһанайнгаа түлөө Самари усадхагдаха. Улад зониинь һэлмээр сабшагдаха, нарай нялхануудынь тэһэ хаюулагдаха, хээлитэй эхэнэрнүүдынь хаха зүһэгдэхэ.

Һошээ 2:16

Тэрэ үдэр тэрэ Намайе «Минии Үбгэн» гэжэ нэрлэжэ, «Минии Ноён» гэжэ нэрлэхэеэ болёод байха.

Һошээ 5:13

Израиль үбшэ хабшангаа ойлгоходоо, Иуда шарха ярануудаа харахадаа, Ассири руу ошожо, асари ехэ хүсэ шадалтай хаанһаа туһа эрибэ. Теэд тэрэ танай шарха, үбшэнгые эдэгээжэ шадахагүй.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.