Һошээ 2:5 - Библи

⁵ Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Һошээ 2:5 Referencias Cruzadas

Исай 1:21

Хэзээ нэгэтэ үнэн сэхэ байһан ниислэл хото янхан эхэнэртэл мэтэ яагаад болоо гээшэб?! Нэгэ үедэ тэндэ үнэн шударга хэрэгүүд ябуулагдадаг, үнэн зүб оршодог бэлэйл, теэд мүнөө гансал алууршад үлэнхэй.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 13:22

Хормойшни шуугдаа, хүсөөр эдлэгдээш – эдэ бүгэдэ яагаад шамтай тохёолдоо гээшэб гэжэ асуубалшни, нүгэл шэбэлэйшни угаа олон байһанда энэ болоо гэһэн харюу үгтэхэ.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 6:8

Иерусалим! Ухаа орыш! Үгы һааш, Би шамһаа буруу хаража, хэнэйшье ажаһуудаггүй хооһон газар шамайе болгохоб», – гэжэ Тэрэ айладхана.

Эзэкээл 16:35

Эзэн иигэжэ айладхана: – Янхан эхэнэр Иерусалим, Минии айладхал шагна!

Эзэкээл 16:39

Тиигээд амарагуудташ шамайе дамжуулхадам, тэдэ хурисал үзэһэн газарнуудыеш һандарган һалгааха. Хубсаһыеш тайлажа, зүүдхэлнүүдыеш саб шүүрэн абаха. Тиигээд шамайе нюсэгэн, салдаган орхихо.

Эзэкээл 16:4

Шинии түрэн мүндэлхэдэ хэншье хүйһыеш хүндөөгүй, сэбэрлэжэ бэеыеш уһаар угаагаагүй, дабһаар үрөөгүй, мансыда орёогоогүй.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Һошээ 2:2

Эхэеэ зэмэлэн урдаһаань тулагты, зэмэлэгты! Тэрэ минии һамган бэшэ, Би тэрэнэй нүхэр бэшэ болооб. Тэрэ забхай ябадалаа болюулжа, урбахаяа бэшэ болиг лэ!

Һошээ 2:8

Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!

Һошээ 3:1

Эзэн намда иигэжэ айладхаба: – Израилиин улад зоной ондоо бурхад руу эрьежэ, үзэмтэй боободо дуратай болодогшье һаань, Эзэн тэдээндэ дуратай байдаг. Энээндэл адли ши дахин ябаад, һальхай ябадалтай болобошье, өөрын нүхэртөө хайрлуулһан эхэнэртэ дурла.

Һошээ 4:5

Ши болон лүндэншэд үдэр, һүнигүй бүдэржэ, унан алдахат. Абяа аниргүй болгон эхыеш усадхахаб!

Һошээ 8:9

Үсэрхүү зэрлиг элжэгэн мэтэ болоод, Израилиин арад зон өөһэдөө өөһэдыгөө мэдэн ябана. Тэдэ туһа эрин Ассири руу ябаа, нюуса амарагуудтаа түлбэри үгэдэгтэл тэдэ түлбэреэр нүхэсэл эреэ.

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.

Амоос 8:13

Удаань залуу, һайхан хүбүүд, басагадшье ехээр ангаһандаа хүсэгүй болон унаха.

Ударидагшад 16:23

Пилиштүүдые зонхилогшод өөһэдынгөө бурхан Дагоондо асари ехэ үргэл үргэжэ, хүхилдэн сэнгэхэеэ эндэ суглараад, иигэжэ хэлэбэд: – Бидэнэй бурхан бидэнтэй дайлалдаһан Самсоониие бидэнэй гарта тушааба!