Һошээ 2:18 - Библи

¹⁸ Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Һошээ 2:18 Referencias Cruzadas

Иоов 5:22

Үгырэл сүйрэл, үлэсхэлэн зоболон, зэрлиг арьяатан – алинһааншье айха хэрэггүй.

Иоов 5:23

Шулуу шоройшье һаа, шамда түшэг болохо, хээрын амитан шамтай эбтэй байха.

Псалманууд 148:10

зэрлиг ба гэрэй амитад, мүлхидэг амитад ба жэгүүртэн.

Псалманууд 23:2

Далайнууд дээгүүр һууриинь Тэрэ табяа, гүнзэгы уһан дээгүүр байгуулаа.

Псалманууд 46:9

Үндэһэтэдые Бурхан захиран байна; Бурхан нангин сэнтиидээ залараа.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:17

Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 26:1

Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 32:18

Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.

Исай 54:5

Шамайе Бүтээгшэ бол үбгэншни мүн, нэрэнь – Түмэн Сэрэгтэ Эзэн. Израилиин арюун Бурхан шинии Абарагша мүн, бүхы дэлхэйн Бурхан гэжэ нэрлэгдэдэг.

Исай 65:25

Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 33:16

Тэрэ сагта Иудын хан түрын улад зон абарагдаха, Иерусалимай зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Эзэкээл 39:1

– Хүнэй үри Эзэкээл! Гоогые шүүмжэлжэ, иигэжэ тэрээндэ дуулга: Мээшэх болон Тубаалай ноёншье һэн гэлэйш, харин Би, Эзэн, шинии урдаһаа тулахаб!

Захарияа 14:4

Тэрэ Иерусалимһаа зүүн тээшэ оршодог Элеон хада гэшхэхэ, тэрэ уула зүүнһээ баруун тээшээ хахаржа, уулын нэгэ талань хойшоо, нүгөө талань урагшаа нүүхэ.

Захарияа 14:9

Тэрэ үдэр Эзэн бүхы дэлхэйн хаан боложо, Эзэн ганса, Тэрэнэй нэрэнь ганса байха.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 3:10

Тэрэ үдэр хүнүүд бэе бэеэ уһан үзэм, инжир модонууд доро һуулгахаар уриха. Иигэжэ Түмэн Сэрэгтэ Эзэн айладана.

Захарияа 9:10

Энэ хаан тунхаглана: «Эпрааимай дайшалхы тэргэнүүдые бута сохихоб, Иерусалимда моритониие таһа татахаб. Дайнай һурша номо усадхагдаха». Энэ хаан энхэ тайбаниие тунхаглажа, Тэрэнэй эзэрхэл далайһаа далай хүрэтэр, Евфрадай заха хүрэтэр оршохо.