Һошээ 2:14 - Библи

¹⁴ Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб.

Һошээ 2:14 Referencias Cruzadas

Эхин 34:3

Тиигээд Шэхээм Диинэдэ, Яковай басаганда, сэдьхэл зүрхөөрөө татагдан дурлажа, басаганда инаглан һайхан үгэнүүдые хэлэбэ.

Иоов 36:16

Тэрэ таниие зоболонһоо абаржа, аюулгүй, түбшэн зохид, унда хоолтой элбэг дэлбэг амидарал үгэхэ хүсэлтэй.

Дуунай дуун 1:4

Иерусалим хотын басагад! Хүрин үнгэтэй болобошье, би харахада булай хөөрхэмби. Кэдаар аймагай майхан мэтэ арһанайм үнгэ хүриншье һаа, Соломооной таһалгын хүшэгэдэл үзэмжэ түгэс, үзэсхэлэн гоёб.

Исай 30:18

Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Ерэмияа 16:14

Эзэн тунхаглажа байна: – Израилиин арад зониие Египедһээ гаргаһан амиды мэндэ Бурхан гээд Минии нэрээр зоной тангариглахаяа болихо саг дүтэлжэ байна.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 45:4

Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб!

Эзэкээл 20:10

Иигэжэ Би тэдэниие Египедһээ гаргажа, элһэн сүл губи руу абаашаа һэм.

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Һошээ 2:3

Үгы һаань, Би тэрэниие анха мүндэлһэн үдэртэнь адляар шараа нюсэгэлжэ, газаашань гаргахаб. Сүл губидал адли үрэжэлгүй хооһон болгожо, ангаан-хатаан алахаб.

Михей 1:7

Бүхы шүтээнүүдынь тэһэ биса сохигдохо, янхан ябадалай ордоной түлбэри бэлэгүүд галда шатаагдаха. Бүхы хүрэгүүдынь Би хаясаанай болгохоб. Юу гэбэл, эдэ бүгэдые Самари янхан забхайралгын түлбэриһөө түлэн суглуулжа байгаа, дайсадынь янхан хэрэгтэ тэдэниие шэглүүлэг лэ».

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Иоанн 12:32

Зүгөөр Би газарһаа дээшээ дэгдээгдэхэдээ бүхы зониие Өөртөө хабаадуулхаб!

Иоанн 6:44

Минии Эсэгэ хэниие Намда ерүүлнэб, тэрэл хүн Намда ерэжэ шадаха. Иимэ хүниие һүүлшын Үдэртэ Би амидыруулхаб.

Гэршэлгэ 12:14

Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Гэршэлгэ 12:6

Харин эхэнэр сүл губи руу тэрьелжэ ошобо. Тэндэ эхэнэрэй байха байрые Бурхан түхеэрээ һэн. Мянга хоёр зуун жаран үдэрэй турша соо тэрэ байрадань эхэнэрые харууһалжа байха.

Ударидагшад 19:3

Левит хүн зарасаяа болон хоёр элжэгэ абаад, үнөөхи эхэнэрээ аргадажа, өөрынгөө гэртэ асархын тула тэрэ хото ерэбэ. Тэрэ эхэнэр үбгэеэ эсэгынгээ гэртэ оруулба.