Һошээ 2:13 - Библи

¹³ Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Һошээ 2:13 Referencias Cruzadas

4 Хаан түрэнүүд 1:2

Ахазияа Самаридахи өөрынгөө ордоной дээдэ дабхарһаа унажа, хэрэлсынгээ тохойлуур эбдэжэ бэрхэтээд, «Энэ бэрхэтэлгэһээ һайжарха гүб гэжэ Экрооной бурхан Баалзэбүүлһээ һурагты» гэһэн даабаритайгаар элшэдээ эльгээбэ.

4 Хаан түрэнүүд 10:28

Тиигэжэ Еһүү Баалые Израильда үгы хэжэ усадхаба.

4 Хаан түрэнүүд 21:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Израилиин хаан Ахаабые һажаажа Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

Иоов 8:13

Бурханда бэшэрдэггүй хүн энээнтэй адли юм.

Псалманууд 106:13

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа абарба,

Псалманууд 106:21

Энэрэл хайрынь, зоной аша туһада Тэрэнэй хэдэг гайхамшагта хэрэгэй түлөө зон Эзэниие магтан байха болтогой!

Псалманууд 78:11

Шорондо байгаашадай ёолохонь Танда дуулдаг, үхэхэ ёһотой зониие агууехэ хүсэ шадалаараа абарыт!

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Исай 17:10

Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 2:32

Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Ерэмияа 23:2

Тиимэһээ арад түмэнииень харууһалжа байгаа удамаршад тушаа Израилиин Эзэн Бурхан иигэжэ айладхана: – Таанад Минии арад зон тушаа һанаагаа табяагүйт. Тэдэниие тараагаат, бутаруулаат. Мүнөө Би таанадые муу муухай үйлэ хэрэгүүдэйтнай түлөө хэһээхэб.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Ерэмияа 7:9

Таанад хулгай хэжэ, алажа, забхайржа, худалаар тангариглажа, Баалда үргэл үргэн, мэдэхэгүй ондоо бурхадта мүргэжэ байгаад,

Гашуудал 1:4

Сионой харгынууд шаналан байна: һайндэртэ ошохо хүн байхагүй. Иерусалимай бартаанууд хооһон, санаартадынь ёолоно, басагадынь зобон уйдана, Сион өөрөөшье зобоно.

Гашуудал 5:14

Хотын бартаануудай хажууда ахатан һуунагүй, залуушуул дуулалданагүй.

Эзэкээл 16:12

Хамарай, шэхэнэй сахариг, толгойдош гоё һайхан титим бэлэглээ һэм.

Эзэкээл 16:17

Минии шамда үгэгшэ алта, мүнгэн шэмэглэлнүүдые абажа, эрын дүрсэтэй онгонуудые өөртөө дархалжа, ши тэдээндэ мүргэн,

Эзэкээл 22:12

Хэнииешьеб алахын тула эдилгэ абагшад, нэгэ угсаатан болохо Израилиин хүндэ мүнгэ зээлеэр үгэжэ, түрэсынь ашаар баяжагшад таанадай дунда бии. Таанад Намайе, Эзэн Бурханиие, мартаат.

Эзэкээл 23:35

Ши Намайе мартажа, буруу харааш, тиимэһээ һальхай забхай байһанайнгаа түлөө хэһээгдэхэш.

Һошээ 11:2

Теэд Минии дуудаха бүри тэрэ Намһаа буруу хаража байгаа. Минии арад түмэн Баалнуудта үргэл үргэжэ, онгонуудта уталга ууюулжа байгаа бэлэй.

Һошээ 13:1

Эпрааимай обогой зоной үгэ хэлэхэдэ, бусад обогуудай улад зон шэшэрэлдэн айжа байдаг бэлэй. Эпрааимайхид бусадта хүндэтэй һэн. Теэд тэдэ Баалда шүтэжэ, нүгэл үйлэдэжэ, хосоржо байна.

Һошээ 13:6

Үрэжэлтэй һайн газар олоходоо, таанад садхалан боложо, бардамлажа эхилээт, тиигээд Намайе мартаат.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Һошээ 2:7

Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Һошээ 4:13

Хада уулануудай болон гүбээнүүдэй орой дээгүүр тэдэ тахил үргэнэ, һүүдэртэ, һалбагар мүшэр, набшатай модод доро уталгануудые ууюулна. Иимэ жэшээ хараад, басагад болон бэреэдтнай янхан ябадал гаргана.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Амоос 8:10

Һайндэрнүүдыетнай – гашуудал, дуунуудыетнай хүдөөлүүлгын уйлаан болгохоб. Таар таһардаһанда бүгэдые хубсалуулхаб, хүн бүхэн толгойгоо хюһаха. Ори ганса хүбүүн тухайгаа гашуудаһантай адли ехэ гашуудал болохо, үдэр бүхэн гай гашуудалай үдэр болохо.

Хуули дабталга 32:18

Мүндэлүүлһэн Хабсагайгаа тэдэ мартаа, ами наһа үршөөһэн Бурхаяа ой ухаандаашье оруулаагүй.

Хуули дабталга 6:12

тиихэдээл одоо болгоомжологты! Египедэй газар дайдаһаа, богоол байдалһаа таанадые гаргаһан Эзэниие бү мартагты!

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.

Ударидагшад 3:7

Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.

1 Хаан түрэнүүд 12:9

Теэд тэдэнэй өөһэдынгөө Эзэн Бурханаа мартахадань, Тэрэ урдаһаань дайлалдажа байгаа Хацоорой сэрэгэй жанжан Сисэраагай, пилиштүүдэй болон Моһаабай хаанай гарта тэдэниие дамжуулаа һэн.