Һошээ 14:2 - Библи

² Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Һошээ 14:2 Referencias Cruzadas

2 Хаан түрэнүүд 12:13

Давид Натаанда хэлэбэ: – Би Эзэнэй урда нүгэлтэйб. – Эзэн шамайе хүлисөө. Ши үхэхэгүйш.

2 Хаан түрэнүүд 24:10

Арад түмэниие тоолоһоной удаа Давид шаналжа, Эзэндэ иигэжэ зальбарба: – Би энэ юумэ хэжэ, ехэ нүгэл үйлэдэбэб. Эзэн, Өөрынгөө зарасын нүгэлые хүлисыт гэжэ мүнөө гуйнаб. Би ухаагүй юумэ хээб.

Иоов 7:21

Би Танда тиимэ хэсүүгээр үзэгдэнэ гээшэ гүб? Та юундэ хэһэн гэмыем сагаадханагүй гээшэбта? Удахагүй үхэхэ намайе хүлисэхэнь дээрэ бэшэ юм гү? Эсэ тиигэбэл намайе энэ дэлхэйдэ бэдэрээд олохогүйт.

Псалманууд 50:14

Танаар абарагдаха баяр намда һэргээгыт, хүсэлэнтэ Һүлдөөр намайе тэдхыт.

Исай 44:22

Би шинии хилэнсэгые манан мэтээр, нүгэлыешни үүлэн мэтээр тунаан һалгаагааб. Би болбол танай Абарагшаб, Нам руу эрьегты!»

Исай 6:7

Тэрэ сог нүүрһээр уралдамни хүрэжэ, иигэжэ үгүүлбэ: – Энэ шинии уралда хүрэхэдэм, гэм зэмэшни үгы болоо, нүгэлшни арюудхагдаа.

Ерэмияа 3:12

Тэрэ минии хойто зүг руу ошожо, Израильда иигэжэ хэлэхыемни захирба: – Израилиин найдабаригүй арад зон, бусан ерэгты. Таанадта уурлажа байхагүйб, нигүүлэсхы мэдэрэл досоомни түрэнэ. Хододоо таанадта уурлан хилгэнтэжэ байхагүйлби.

Һошээ 12:7

Эзэн иигэжэ айладана: «Ханаһаанай зондол адли, Израилиин арад худал шэгнүүрээр зониие мэхэлхэ дуратай байна.

Һошээ 5:5

Израилиин зоной дээрэлхүү зан өөһэдтэнь мууе хэнэ. Хэһэн нүгэлһөө боложо Израиль бүдэрэн унаха, Иудашье тэрээнтэй хамта унаха.

Һошээ 6:6

Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.

Ёһээл 2:17

Эзэнэй зарасанар, санаартад Һүмын үүдэнэй танхим болон үргэлэй шэрээгэй хоорондо уйлалдаг. Тэдэ бүгэдэ зальбаран хэлэг: – Эзэн манай, арад түмэнөө хайрлыт. Бусад угсаатанай доромжодо тэрэниие бү үгыт. Яахадаа бусад угсаатан «Эдэнэйш Бурхан хаана юун бэ? гэжэ хэлсэхэ болооб?» гэжэ хэлэг.

Иона 2:9

Хооһон шэнжэтэй, хуурмаг бурхадта шүтэгшэд өөрынгөө Энэрилтые орхёол.

Захарияа 3:4

Эльгээмэл урдань зогсогшодто хэлэбэ: – Иисүүсэй муухай хубсаһыень тайлагты. Өөртэнь хэлэбэ: – Харыт, иигэжэ Би гэмытнай сагааруулбаб, жабхалангай хубсаһаар хубсалуулхаб.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Лука 11:13

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Арюун Һүлдэеэ бүришье дуратайгаар үршөөхэл!

Лука 18:13

Харин тээ холохоно зогсоһон алба татаашань нюдэеэ тэнгэри өөдэ шэглүүлхэеэшье зүрхэлбэгүй, харин үбсүүгээ шаажа байгаад: «Бурхан, нүгэлтэ намайе үршөөн хайрлыт!» – гэжэ зальбарба.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Римэйхиндэ 11:27

Тэдэнэй нүгэл шэбэлыень зайсуулаад, Би тэдэнтэй энэ хэлсээ баталхаб», – гэжэ Нангин Бэшэг соо бэшээтэй байдаг.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 13:15

Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

Иоаннай 1-дэхи хандалга 3:5

Христоос Өөрөө нүгэл хээгүй аад, хүнүүдые хэһэн нүгэлһөөнь сүлөөлхэеэ ерээ гэжэ таанар мэдэнэт.