Һошээ 13:15 - Библи

¹⁵ Бусад обогуудта орходоо Эпрааим үнэр олоншье хадаа, зүүн зүгһөө бодоһон һалхинда, сүл губиһаа Минии эльгээһэн һалхинда тэрэнэй үрэжэл хаташаха, булагынь шэргэхэ. Би үнэтэ сэнтэй юумэ нөөсэлһэн һангыень хооһолхоб.

Һошээ 13:15 Referencias Cruzadas

Эхин 41:23

Тэрэнэй һүүлээр үшөө долоон хоршогор, зүүн зүгэй халуун һалхинда хаташаһан хоолос ургаба.

Эхин 41:52

Хоёрдохи хүбүүнэйнгээ түрэхэдэ, Иосиф иигэжэ хэлэбэ: – Би Египет руу ерээд, зоболон үзэһэншье һаа, Эзэн Бурханай туһаламжаар үлзы һайхан үрэ дүн туйлааб. Тиигээд тэрэ хүбүүндээ «Эпрааим», оршуулбал, «Һайн үрэ дүн» гэжэ нэрэ үгэбэ.

Эхин 41:6

Тэрэнэй хойноһоо газарһаа хоршогор, халуун һалхинда хайруулжа муудаһан долоон хоолос ургаба.

Эхин 48:19

– Би мэдэнэб, – гэбэ Израиль. – Мэдэнэб, хүбүүмни. Энээнһээш мүн лэ агууехэ арад гараха. Тиигэбэшье, дүү хүбүүниинь тэрээнһээ үлүү байха, олон арадай эхи табиха.

Эхин 49:22

Иосиф хүбүүмни! Булагай дэргэдэ ургаһан, үрэ жэмэсээр элбэг үзэмэй модоной эшэ мэтэ үнэр баян байхаш, һалаа ехэтэ уян эшээрээ ханада аһаһан модон мэтэ гээшэш.

Иоов 18:16

Тэрэ хүн үндэһэ мүшэрынь хатаһан модонтой адли боложо, түрэһэн нютагтань тэрэниие таниха хүн үгы болошодог.

Псалманууд 1:4

Хорото муу зон тиимэ бэшэ. Тэдэ һалхинда хиидэдэг мэхиинэ мэтэ.

Исай 14:21

Эсэгынь гэмэй түлөө хүбүүдтэнь саазын табсан бэлдэгты! Тэдэнэй хэнииньшье орон нютагые зонхилон һуухагүй, хотонуудаараа дэлхэйе бүрхөөхэгүй!

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 27:8

Эзэн Өөрын арад түмэниие сүлэлгэдэ эльгээжэ хэһээгээ. Дорно зүгэй халуун һалхяар Тэрэ тэдээн руу үлеэн хаяа.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Ерэмияа 20:5

Энэ хотын бүхы эд баялигые, бүхы зөөрииень болон бүхы үнэтэй зүйлыень, Иудын хаашуулайшье эрдэни зэндэмэниие, дайсадтань үгэхэб. Тэдэ бүхы юумэ тоножо, үбэршэлжэ, Вавилоон руу абаашаха.

Ерэмияа 4:11

Элһэн сүл губиин нюсэгэн добо толгойһоо бүгшэм халуун һалхин һалхилжа эхилээ гэжэ Иерусалимай улад зондо хэлэхэ саг тиихэдэ ерэхэ. Энэ хадаа орооһо хальһанһаань сэбэрлэн һэбшээлдэг һулахан һалхин бэшэ,

Ерэмияа 4:12

энэ хадаа тэрээнһээ бүри хүсэтэй һалхин Эзэнһээ гаран һалхилжа байха. Тиигээд Эзэн Иудын арад зониие шүүбэрилхэ.

Ерэмияа 51:1

Эзэн иигэжэ айладхана: – Вавилоон руу болон ажаһуугшад руунь Би һандарал асардаг һалхи эльгээхэб.

Ерэмияа 51:36

Тиимэһээ Эзэн Иерусалимай улад зондо иигэжэ айладхана: – Би танай хэрэг үмэглэжэ, танай түлөө дайсадһаатнай үһөөгөө абахаб. Би Вавилооной булагые хатаахаб, гол мүрэнүүдыень хуурай болгохоб.

Эзэкээл 17:10

Мүнөөдөө энэ модон һэргэг, дорюун, харин элһэн сүл губиин һалхинай һалхилхада, тэрэ дары түргэн хатажа эхилхэл.

Эзэкээл 19:12

Харин Би уур хилэнтэжэ, тэрэниие газарһаань һуга татан газарта хаябаб. Элһэн сүл губиин халуун һалхин жэмэсынь хатаагаа. Хүдэр гэшүүһэдынь хатажа, галда шатаагдаба.

Даниил 11:8

Шүтөөнүүдынь, шудхамал хүрэгүүдынь, алта, мүнгэн амһартануудынь тэрэ эзэмдэжэ, Египет руу абаашаха. Тиигээд хэдэн жэл соо хойто хаанда тэрэ хамаархахагүй.

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Һошээ 2:3

Үгы һаань, Би тэрэниие анха мүндэлһэн үдэртэнь адляар шараа нюсэгэлжэ, газаашань гаргахаб. Сүл губидал адли үрэжэлгүй хооһон болгожо, ангаан-хатаан алахаб.

Һошээ 4:19

Һалхиндал адляар тэдэ оро һэегүй үлеэгдэн үгы хэгдэхэ. Ондоо бурхадта тахил үргэжэ байһандаа тэдэ эшэжэ эхилхэ.

Һошээ 9:11

Израилиин алдар соло шубуундал адли ниидэн ошохо, үхи хүүгэдшье түрэхөө болихо, һамгадшье хээлитэй болохогүй.

Иона 4:8

Наранай гарамсаар Эзэн зүүн зүгһөө халуун һалхи үлеэлгүүлбэ. Халуун наран хайра гамгүйгөөр Ионын толгойе шаража эхилбэ. Иона тэнхээ тамираа алдахадаа, бэедээ үхэл эрин иигэжэ хэлэбэ: – Амиды ябанхаар үхэһэмни дээрэ.

Наум 2:9

Мүнгэ алта дээрмэшэлэгты! Элдэб үнэтэ хэрэгсэлнүүдэй нөөсэ дууһашагүй.

Хуули дабталга 33:17

Иосиф – бухын түрүүшын түл! Зэрлиг үхэрэй эбэртэл адли эбэртэй, тэдэ эбэрынь гэбэл, Эпрааимай үри һадаһад, Мэнашшээ гэгшын хэдэн мянгаад уг удам юм. Тэдэ эбэрнүүдээрээ ондоо арадуудые мүргэжэ, газарай заха руу түринэл!»