Һошээ 12:2 - Библи

² Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Һошээ 12:2 Referencias Cruzadas

4 Хаан түрэнүүд 17:4

Һүүлдэнь Ассириин хаан Һошээе урбалта хэжэ, элшэдээ Египедэй Соо хаанда эльгээбэ гэжэ соносхобо. Ушар юуб гэхэдэ, тэрэ жэл бүхэндэ Ассириин хаанда албата татабари түлэхэ аад, тэрэнээ түлөөгүй байба. Тиихэдэнь Ассириин хаан Һошээе баряад, түрмэдэ һуулгаба.

Иоов 15:2

– Зүүн зүгэй хуурай һалхяар дотороо дүүргэхые сэсэн хүн хүсэхэгүйл, тэрээндэ адли хооһон үгөөр харюу үгэхэнь хэн хэндэмнай ашаггүй бэшэ юм гү?

Экклезиаст 5:15

Хүн ерэһэн шэгтээл бусахань хайшаа юмбэ? Иигэжэ хооһон хүдэлхэдэнь юуштэб?

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 24:21

Огторгойн сэрэг, газарай хаашуулые Эзэнэй хэһээхэ сагынь тэрэ үдэр!

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 59:18

Тэрэ дайсадаа хэһэн хэмээрнь хэһээхэ, аяар холын орон нютагуудаар ажаһуугшадыешье мартангүй хэһээхэл.

Ерэмияа 25:31

Дэлхэйн заха хүрэтэр абяаниинь сууряатаха. Эзэн үндэһэтэдэй урдаһаа тулгаха, бүхы зониие шүүбэрилхэ, хорото муу зониие дайнда һалгааха. Энээниие Эзэн айладхаа!

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Һошээ 4:1

Израилиин арад зон, Эзэнэй үгэ соносогты! Энэ газарта этигэмжэтэ байдал, энэрхы сэдьхэл, Намайе, Бурханиие, мэдэхэеэ һанаһан эрмэлзэл үгы гээд, Эзэн энэ газарай улад зониие гэмнэн, урдаһаань зарга болоод байна.

Һошээ 4:9

Арад зониие яажа хэһээнэбиб, тон тиимээр санаартадые хэһээхэб. Хэһэн үйлэ хэрэгэйнь хэмээр тэдээндэ хэһээлтэ амасуулхаб.

Һошээ 7:1

Израилиин арад түмэниие аргалжа байхадаа, тэдэнэй гэмтэ ябадалнуудые хараа бэлэйб. Хулгайшан хулгайлхаяа орожо байна, дээрмэшэн үйлсэнүүдээр дээрмэшэлэн ябана.

Һошээ 7:11

Израиль тэнэг гулабхаадал иишэ-тиишээ ниидэжэ, Египет болон Ассириин хоорондуур һэнжэлзэжэ байна.

Һошээ 7:2

Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Һошээ 8:10

Ондоо арадуудта бэлэг-сэлэг үгэн, нүхэсөөшье һаань, Би тэдэниие хамта суглуулаад, усадхахаб. Хаанай, түшэмэлнүүдэй хүндэ дарлалтаһаа тэдэ һаяар зобожо-тулижа эхилхэ.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 8:9

Үсэрхүү зэрлиг элжэгэн мэтэ болоод, Израилиин арад зон өөһэдөө өөһэдыгөө мэдэн ябана. Тэдэ туһа эрин Ассири руу ябаа, нюуса амарагуудтаа түлбэри үгэдэгтэл тэдэ түлбэреэр нүхэсэл эреэ.

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Михей 6:2

Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Римэйхиндэ 2:6

Бурхан хүн бүхэнииемнай хэһэн хэрэгүүдээрнь шиидхэхэ юм.

Галадуудта 6:7

Бурханиие мэхэлхэ аргагүй юм. Тиимэһээ бү эндүүрэгты. Хүн тариһанаал хададаг.