Һошээ 12:11 - Библи

¹¹ Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха».

Һошээ 12:11 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

4 Хаан түрэнүүд 17:13

Эзэн Өөрынгөө бүхы лүндэншэдээр ба абаралдагшадаар уридшалан дамжуулжа, израильшуудта ба иудынхидтэ иигэжэ айладаа юм: – Бусагты, муу замһаа зайсагты! Минии захяа заабариие сахигты! Би таанадта үбгэ эсэгэнэртэтнай үгэгшэ Һургаал заабаринуудаа Өөрынгөө барлаг лүндэншэдээр дамжуулааб. Минии айладагша захяа заабаринууд тэрэ Һургаал соо байха.

Ерэмияа 10:15

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 10:8

Модон шүтөөнүүд юундэ һургаха юм? Тэдэ бултадаа тэнэг, мунхаг.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Эзэкээл 17:2

– Хүнэй үри Эзэкээл! Израилиин улад зондо иимэ һургаалта үгэ хөөрэжэ үгэ.

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Һошээ 10:2

Урбадаг зүрхэ сэдьхэлтэйшүүл хэһээгдэхэ. Бурхан тэдэнэй үргэлэй шэрээнүүдые һандаргаха, мүргэдэг модонуудыень бута сохихо.

Һошээ 4:15

Израилиин улад зон, таанад ондоо бурхадай хойноһоо ябанат. Нүгэл хэжэ ябаа хадаа ябаад, Иудын зониие бү дахуулагты! Гилгаал болон Бэт-Аавэн руу ябажа мүргэхэеэ болигты! Амиды Эзэнэй нэрээр хуурмаг тангариг үргэхэеэ болигты!

Һошээ 6:8

Галаад хадаа муу зоноор, алууршадаар дүүрэнхэй хото мүн.

Һошээ 8:11

Нүгэл үйлэдэхэеэ Израилиин арад зон олон гэгшын үргэлэй шэрээнүүдые баряа, олон нүгэл хээ.

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Амоос 4:4

Бэт-Ээл руу ерэжэ, гэм хэгты! Гилгаалда гэм зэмээ олошоруулагты! Үглөө бүри үргэлнүүдээ асаржа, гурбан үдэрэй нэгэ удаа арбанай нэгэ хубиие үргэн байгыт!

Амоос 5:5

Бэт-Ээл руу бү эрьегты! Гилгаал ошохо хэрэггүй. Бэһээр-Шээбэ руу бү ошогты! Гилгаалай улад зон баряанда туугдаха, Бэт-Ээлдэ гай тодхор тохёолдохо!

Иона 2:8

Үхэхэ туйлдаа хүрэжэ байхадаа, Таниие – Эзэнээ дурсааб, Танда, нангин Ордондотнай минии гуйлта хүрөөл.

Тоололго 12:6

Эзэн тэдэ хоёрто иигэжэ айладаба: – Минии үгэ шагнагты! Хэрбэеэ Минии лүндэншэн таанадай дунда бии болоһон байбал, Би, Эзэн, тэрээндэ үзэгдэл үзүүлдэгби. Зүүдэлжэ байхадань, тэдээндэ айладхал буулгадагби.