Һошээ 10:8 - Библи

⁸ Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Һошээ 10:8 Referencias Cruzadas

Эхин 3:8

Сэсэрлиг соо үдэрэй һэбшээндэ Эзэн Бурханай ябахые соносоод, модод соогуур тэдэ хоргодобод.

3 Хаан түрэнүүд 13:2

Тэрэ үргэлэй шэрээдэ Эзэнэй айладхал хашхаран соносхобо: – Үргэлэй шэрээ, үргэлэй шэрээ! Эзэн иигэжэ айладхаа: «Давидай уг удамда Ёшияа гэжэ нэрэтэй хүбүүн түрэхэ. Тэрэ шам дээрэ уталга ууюулдаг, мүргэлэй обоонуудай санаартадые үргэл болгон шатааха, хүнэй яһануудые шам дээрэ галдаха!»

3 Хаан түрэнүүд 13:34

Иимэ нүгэлтэ хэрэгүүд тэрэнэй уг удамые һэе мүргүйгөөр усадхагдаха тээшэнь хүтэлэн байгаа бэлэй.

3 Хаан түрэнүүд 14:16

Еробоһаамай нүгэлэй түлөө, Израилиин уладые нүгэлдэ оруулһанайнь түлөө Эзэн Израилиие орхихо, – гэжэ хэлэбэ.

4 Хаан түрэнүүд 23:15

Хаан Набаадай хүбүүн Еробоһаамай Бэт-Ээлдэ барюулһан, тэрэнэй зэмээр бүхы Израиль нүгэл хэжэ байһан үргэлэй шэрээе мүргэдэг обоонуудай онгонуудтай хамта үгы хэбэ. Тиигээд тэрэ Ашэраагай модон сэргэнүүдые шатаажа үнэһэн тоборог болгобо.

2 Угай бэшэг 31:1

Эдэ бүгэдын удаа тэндэ байгааша Израилиин бүхы зон Иудын хотонууд руу ошожо, хариин бурхадай хүрэгүүдые бута сохибо, Ашэраагай модон сэргэнүүдые таһар сабшан унагааба, бүхы Иудын газараар болон Бэньямиинэй, Эпрааимай, Мэнашшээгэй обогуудай харьяата газарнуудаар үргэлэй обоонуудые болон үргэлэй шэрээнүүдые үгы болоторынь һандаргааба. Тиигээд хүн бүхэн гэртээ бусаа һэн.

Исай 2:19

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хадын агынууд руу, газарай габа руу хорохо.

Исай 2:21

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хабсагайн хабшал руу, хадын агынууд руу хорохо.

Исай 32:13

Минии арад түмэнэй газар нютагта үүргэнэ ба халаахай ургаха. Зугаа наадаар дүүрэн хото, баяр жаргалтай зонтой эдэ гэрнүүд һалан һандархал, тэдээн тушаа гашуудан уйлыта!

Исай 34:13

Ордонгуудаарнь, бүхэлэгдэһэн хотонуудаарнь үүргэнэ, халаахай ургажа, сүүбэн шонын, шара шубуудай байра тэрэ болохо.

Һошээ 10:2

Урбадаг зүрхэ сэдьхэлтэйшүүл хэһээгдэхэ. Бурхан тэдэнэй үргэлэй шэрээнүүдые һандаргаха, мүргэдэг модонуудыень бута сохихо.

Һошээ 10:5

Бэт-Аавэндэ шудхаһан алтан бухынгаа түлөө Самариин арад түмэн шэшэрэлдэн айха, бархиралдаха. Онгоноор омогорходог санаартад тэрээн тушаа гашуудажа эхилхэ. Юуб гэхэдэ, ялагар толон тэрэ онгонһоо бэшэ гарахаяа болихо.

Һошээ 10:9

Эзэн иигэжэ айладана: – Гибаада нүгэл хэһэнһээ бүри ехээр Израилиин зон нүгэл үйлэдэжэ эхилээ. Гибаада урдаһаатнай эхилһэн дайн таанадые юундэшье һургаагүй!

Һошээ 2:6

Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.

Һошээ 4:13

Хада уулануудай болон гүбээнүүдэй орой дээгүүр тэдэ тахил үргэнэ, һүүдэртэ, һалбагар мүшэр, набшатай модод доро уталгануудые ууюулна. Иимэ жэшээ хараад, басагад болон бэреэдтнай янхан ябадал гаргана.

Һошээ 4:15

Израилиин улад зон, таанад ондоо бурхадай хойноһоо ябанат. Нүгэл хэжэ ябаа хадаа ябаад, Иудын зониие бү дахуулагты! Гилгаал болон Бэт-Аавэн руу ябажа мүргэхэеэ болигты! Амиды Эзэнэй нэрээр хуурмаг тангариг үргэхэеэ болигты!

Һошээ 5:8

Гибаада үхэр бүреэгээр үлеэжэ, һэргылһэн дохёо үгэгты! Рамаада бүреэ дуугаргагты! Бэньямиинэй зон, Бэт-Аавэндэ добтолгын тэмдэг үгэгты!

Һошээ 8:5

Тугалай дүрсэтэй алтан онгонһоош боложо Би шамда ехэ уурланаб, Самари! Хэзээ таанад онгон шүтээнүүдһээ бэеэ сэбэрлэхэбта?!

Һошээ 9:6

Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.

Амоос 1:5

Дамааск хотын хаалга эбдэхэб, Аавэн нюруугай уладые хюдахаб, Бэт-Ээдэнэй удамаршые һалгаахаб! Араамай арад зон баряанда сүлэгдэн Киир руу туугдаха.

Амоос 3:14

Юуб гэбэл, Израилиие гэм зэмынь түлөө шиидхэхэ үдэртөө Би мүн лэ Бэт-Ээлэй үргэлэй шэрээнүүдыешье шиидхэхэб, үргэлэй шэрээгэй эбэрнүүд таһа татагдажа, газарта унахал!

Амоос 7:9

Исаагай нангин зүйлнүүд үгырэн-хооһорон байха, Израилиин нангин юумэнүүд һандарал болохо. Еробоһаамай бүлын урдаһаа һэлмэеэ һугалан далайхаб! – гэбэ.

Амоос 8:14

Самариин нүгэлөөр тангариглагша хүн, «Даан, бурханаартнай тангаригланаб», үгышье һаа, «Бэһээр-Шээбэ руу ошоһон харгы замаар тангаригланаб» гэгшэд бүдэрэн унаха, бэшэ бодохогүй.

Михей 1:13

Лахиишдэ ажаһуугшад, дайшалхы тэргэнүүдтэ моридоо хүллэгты! Таанад Израилиин хэрэгүүдые даган, Иерусалимые нүгэлдэ оруулаат.

Михей 1:5

Энэ бүгэдэ Яковай үринэрэй үгэ дууладаггүй, Израилиин зоной нүгэлтэй байһанһаа болохонь. Яковай үринэрэй үгэ дууладаггүйнь хэнһээ гараа болоно бэ? Самариһаал юм бэшэ гү?! Иудын газар дайдада обоонуудаар тахил үргэдэгынь хэнһээ үүсхэлэн гарааб? Иерусалимһаал ха юм!

Наум 3:11

Нинэвээ, ши тон лэ тиимээр шал һогтожо, дайсанһаа яажа хоргодохоёо бэдэрхэш.

Лука 23:30

Тиимэ сагай ерэхэдэ: «Маанад дээрэ уныт» гэжэ хада уулануудта, «Маанадые хушыт» гэжэ гүбээнүүдтэ хүнүүд хандаха.

Хуули дабталга 9:21

Танай хэһэн нүгэлые – тугалай шудхамал дүрсэ абажа, гал дүлэндэ хаябаб. Бута сохижо, үнэһэн тоборог болоторынь бутаргаад, хадаһаа урдаһан горхон руу хаяа һэм.

Гэршэлгэ 6:16

Тэдэ хүнүүд хада, хабсагайнуудта хандан, иигэжэ гуйба: – Дээрэмнай унажа, хаан шэрээдэ Һуугшаһаа, Үргэлэй Хурьганай уур сухалһаа абарыт!

Гэршэлгэ 9:6

Тиихэ үедэнь хүнүүд зобоходоо үхэлөө бэдэрхэ, теэд үхэлынь олдохогүй, үхэхэ гэжэ ехэ оролдохо, теэд үхэлынь тэдэндэ ерэхэгүй.