Һошээ 1:4 - Библи

⁴ Эзэн Һошээдэ хандан: – Тэрээндэ Езрээл гэжэ нэрэ үгэ. Юуб гэхэдэ, Езрээлдэ Еһүү хаанай хэһэн алалга-хюдалгын түлөө Би өөрынь үринэрые удахагүй үгы хэхэб!

Һошээ 1:4 Referencias Cruzadas

4 Хаан түрэнүүд 10:1

Еһүү Ахаабай томилһон сэрэгэй дарганарта, аха захатадта отолуулһан болон заһаагаа харуулшадта бэшэг бэшэжэ, тэрэнээ Самари хото эльгээбэ. Еһүү тэрэ бэшэг соогоо иигэжэ бэшэбэ:

4 Хаан түрэнүүд 10:17

Еһүү Самарида ерэмсээрээ, Ахаабай гэр бүлэһөө үлэһэн бүхы уг удамуудыень алаба. Тиигэжэ Элияагаар дамжуулагша Эзэнэй айлдаһан захяа үгэ бэелүүлэгдэбэ.

4 Хаан түрэнүүд 15:29

Израилиин хаан Пээкаагай амиды байхада, Ассириин хаан Тиглаат-Пилэсээр дайгаар добтолжо, Абээл-Бэт-Маһахаа, Ийон, Напталиигай Яноох, Кээдэш, Хацоор, Галаад, Галилей болон бусад бүхы газарнуудыень эзэмдэн абаба. Тэрэ тэдэ газарнуудай хүнүүдые олзолон абаад, Ассиридэ абаашаба.

4 Хаан түрэнүүд 15:8

Иудын хаан Азаарияагай хан түрэеэ гушан наймадахи жэлээ засаглажа байхада, Еробоһаамай хүбүүн Захарияа Израилиин хаан болобо. Тэрэ Самарида зургаан һара хан түрэеэ засаглаба.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 8:3

Тиигээд би һамгантаяа унтажа, һамгамни хээлитэй болоод, хүбүү түрөө бэлэй. Эзэн намда айладхаба: – Хүбүүгээ «Һаяар дээрмэдэлгэ, түргөөр тонолго» гээд нэрлэгты.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 20:3

Үглөөдэрынь Пашхуурай намайе холоодхоһоо табин сүлөөлхэдэ, би тэрээндэ: «Эзэн намайе Пашхуур гээд нэрлээ бэшэ, харин Тойроод-Аймшагтай гэһэн нэрээр нэрлээ.

Ерэмияа 23:2

Тиимэһээ арад түмэнииень харууһалжа байгаа удамаршад тушаа Израилиин Эзэн Бурхан иигэжэ айладхана: – Таанад Минии арад зон тушаа һанаагаа табяагүйт. Тэдэниие тараагаат, бутаруулаат. Мүнөө Би таанадые муу муухай үйлэ хэрэгүүдэйтнай түлөө хэһээхэб.

Ерэмияа 3:8

Намда урбаһан Израилиин бүхы һальхай забхай ябадалыень хараад, Би тэрэниие ябуулжа, һалаһанай гэршэлгэ үгөөб. Харин үнэн сэхэ бэшэ Иуда эгэшэнь энээнһээ айбагүй, тэрэ мүн лэ янхан эхэнэр мэтэ болоо.

Эзэкээл 23:10

Тэдэ Оһолаае нюсэгэлжэ, үхи хүүгэдыень баряанда абажа, өөрыень алаба. Оһолаатай болоһон ушар тушаа эхэнэрнүүд үни удаан шэбэнэлдэн, хоб-жэб хөөрэлдэн байгаа бэлэй.

Эзэкээл 23:31

Эгэшынгээ замаар ябаһанайш түлөө тэрээндэ уулгаһан хэһээлтынгээ шүлэ мүн лэ шамда уулгахаб.

Һошээ 1:6

Удаань һамганиинь дахин хээлитэй боложо, басага түрэбэ. Эзэн Һошээдэ: – Басагандаа Ло-Рухамаа гэжэ нэрэ үгэ. Юуб гэхэдэ, Израилиин уладые Би бэшэ хайрлажа, хүлисэжэ байхагүйб.

Һошээ 1:9

Эзэн Һошээдэ айладхаба: – Тэрээндэ Ло-Аммии гэжэ нэрэ үгэ. Юуб гэбэл, Израилиин арад зон Минии бэшэ, Би тэдэнэй Бурхан бэшэб.

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Һошээ 2:22

Езрээлэй газарта таряа талха, үзэм, олива ургуулхаб.

Һошээ 9:17

Минии Бурхан тэдээнһээ буруу хараха, юуб гэхэдэ, тэдэ үгыень дуулаагүй. Тиигээд тэдэ ондоо арадуудай дунда тэнэжэ-түгэншэлжэ ябаха.

Амоос 9:8

Би, Эзэн Бурхан, Өөрын харасаа энэ нүгэлтэ хан түрэ руу шэглүүлбэб! Газарай хүрьһэнһөө энэ хан түрые үгы хэхэб, гэбэшье Яковай гэр бүлэ усадхахагүйб.

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Лука 1:13

Харин Эльгээмэл хэлэбэ: – Захарияа, бү ай, шинии зальбаралые Бурхан дуулаа, Елизавета һамганшни шамда хүбүү түрэхэ. Хүбүүгээ Иоанн гэжэ нэрлэхэш.

Лука 1:31

Ши хүндэ болохош, хүбүү түрэхэш, тэрээндээ Иисүүс гэжэ нэрэ үгэхэш.

Лука 1:63

Захарияа багахан хабтагай асаруулаад, «Хүбүүнэймни нэрэ – Иоанн!» гэжэ бэшэбэ. Зон булта гайхаа һэн.

Иоанн 1:42

Андрей Симониие Иисүүстэ асаржа харуулба. Иисүүс тэрэниие анхаралтайгаар шэртэн хараад: – Ши Иоаннай хүбүүн Симон байнаш. Теэд шамайе Кефа гэжэ нэрлэдэг болохо («шулуун» гэһэн удхатай, грек хэлэн дээрэ болбол «Пётр»), – гэбэ.

Нүүнэй Иисүүс 19:18

Тэдээнэй заха хилэ гэбэл: Езрээл, Хэсүллоот ба Шүнээм,