Һошээ 1:10 - Библи

¹⁰ Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Һошээ 1:10 Referencias Cruzadas

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

Эхин 32:12

Та намда һайн һайханиие хүргэжэ, уг удамыем далайн эрьеын элһэн мэтэ тоо томшогүй болгохоб гэжэ айладаа бэлэйлта. Тэрэ үгэеэ һанажа, намда туһалыт!

2 Хаан түрэнүүд 7:24

Израилиин арад зониие хэтэ мүнхэдөө Өөрын арад түмэн болгобот. Эзэн, Та тэдэнэй Бурхан болобот.

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 48:19

Үри һадаһадтнай элһэн мэтэ тоо томшогүй, уг удамтнай орооһон мэтэ тоолошогүй байха байгаал! Тэдэнэй нэрэ Минии урда үгы болохогүй, хосорхогүй байгаал!

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Исай 65:1

Эзэн иигэжэ айладхана: Намайе гуйгаагүй зондо Би Өөрыгөө элирхэйлээб, Намайе бэдэрээгүйшүүлдэ Өөрыгөө олуулааб. Нэрыем дуудаагүй арад зондо «Би эндэ байнаб! Би эндэб!» гэжэ байгааб.

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Ерэмияа 33:22

Огторгойн одо мүшэдые гү, али далайн эрьеын элһэ тооложо барахагүйдэл адли олон Давидай уг удамые, мүн левит санаартадые болгохоб.

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Һошээ 1:9

Эзэн Һошээдэ айладхаба: – Тэрээндэ Ло-Аммии гэжэ нэрэ үгэ. Юуб гэбэл, Израилиин арад зон Минии бэшэ, Би тэдэнэй Бурхан бэшэб.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Иоанн 1:12

Теэд Гэрэл туяае угтан абагшадта, Тэрээнэй алдар нэрэдэ этигэгшэдтэ Бурханай үхибүүд болохо эрхэ Тэрэ үршөөгөө.

Римэйхиндэ 8:19

Бүтээгдэһэн бүхы юумэнүүд Бурханай Өөрын үхибүүдые элирүүлэн харуулхыень аргагүй ехээр хүлеэжэ байна.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Еврейнүүдтэ 11:12

Үхэхын наана болоод байһан ганса Абраһаамһаа огторгойн мүшэдтэл адли, далайн эрьеын элһэндэл адли тоогүй олон үри һадаһад түрөө.