Гэршэлгэ 9:4 - Библи

⁴ Теэд үбһэ ногоондошье, ургамал модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаа шумуулда хэлэгдээ.

Шэнэ Хэлсээн

⁴ Теэд үбһэ ногоондошье, ургамал, модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаануудта хэлэгдэһэн байгаа.

Гэршэлгэ 9:4 Referencias Cruzadas

Иоов 1:10

Та тэрэниие, орон гэр, зөөри хамагыень хэрэм мэтээр хорёолон хамгаалаа бэшэ аалта? Та тэрэнэй ажал үйлэ үреэн арьбажуулаат, зөөри баялигынь, мал һүрэгынь ехэ боложол байна.

Иоов 1:12

«Тиигэбэлнь, бүхы байһан юумэниинь шинии гарта орохо болоно. Өөртэнь лэ гар хүрэжэ болохогүй», – гэбэ Эзэн. Тиин эрлиг Эзэнэй хажууһаа зайлан ошобо.

Иоов 2:6

Эзэн эрлигтэ иигэбэ: – Үзэлши, тэрэ шинии гарта байна, зүгөөр тэрэнэй аминда хүрэжэ болохогүй.

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Египедһээ гаралга 12:23

Египет ороной ууган хүбүүдэй ами хороохо гэжэ ябаһан Эзэн тотого, хүндэлэбшэдэ байһан шуһа харахадаа, хажуугаартнай гараха, усадхагша элшые таанадта оруулхагүй.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Эзэкээл 9:6

Хүгшэн зониие, залуушуулые, эхэнүүдые, хүүгэдыешье алагты. Харин магнай дээрээ тэмдэгтэй зондо гар бү хүрэгты. Нангин үргөөһөөм эхилэгты. Тиигэжэ нангин үргөө соо байгааша ахамадуудһаа тэдэ эхилбэ.

Матвей 24:24

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Эфесэйхиндэ 4:30

Ойртожо байгаа тэрэ Үдэр таанадай сүлөөтэй болохые баталан, Бурхан таанад дээрэ Арюун Һүлдын тамга табяа. Тиимэһээ Арюун Һүлдые бү гуниглуулагты.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Гэршэлгэ 6:6

Тиигээд дүрбэн амитанай зүгһөө иимэ абяанай гарахые дуулабаб: «Нэгэ хэмжээ шэниисын түлөө бүхэли үдэр ажаллаха, гурбан хэмжээ ешмээнэй түлөө бүхэли үдэр ажаллаха! Теэд оливай модо үзэмэй модо хоёрые бү гутаа!»

Гэршэлгэ 7:1

Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.

Гэршэлгэ 8:7

Түрүүшын Эльгээмэлэй бүреэгээ дуугаргахадань, шуһатай холисолдоһон мүндэр оробо, гал дүлэн гараба, тиихэдэнь газар дэлхэйн гурбанай нэгэ хубинь, ой модоной гурбанай нэгэ хубинь, бүхы үбһэ ногоон шаташаба.