Гэршэлгэ 7:9 - Библи

⁹ Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.

Шэнэ Хэлсээн

⁹ Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсожо байгаа. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай байһан юм.

Гэршэлгэ 7:9 Referencias Cruzadas

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Псалманууд 2:8

Намһаа гуй! Би үндэһэ арадуудые шинии мэдэлэй болгохоб, дэлхэйе заха хизаартайньшье шинии болгохоб.

Псалманууд 76:4

Бурханиие һанаад, зобон шаналан байхаб, хээли алдан иигэжэ хэлэхэб: [Хүгжэм]

Псалманууд 77:2

Амаа нээхэдээ һургаалта үгэнүүдые хэлэхэб, эртэ урдын нюусануудые дуугархаб.

Псалманууд 98:3

Танай агуу, һүрдэмөөр нэрые тэдэ магтан дуулаг! Тэрэ хадаа арюун!

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 3:17

Тэрэ үедэ Иерусалим Эзэнэй хан шэрээ гэжэ нэрлэгдэжэ, Намда мүргэхэеэ бүхы уласууд тэндэ сугларха. Тэдэ өөһэдынгөө муу муухай зүрхэ сэдьхэл шагнахагүй, тэрэниие дагахагүй.

Эзэкээл 47:5

Тэрэнэй дахин мянган тохой хэмжэхэдэнь, тэндэ минии ябаад гарахын аргагүй, гансал һамархаар гүнзэгы уһан байба.

Даниил 4:1

Би, Навуходоносор хаан, гэртээ амар амгалан, ордон соогоо баян бардам ажаһуужа байгааб.

Даниил 6:25

Энээнэй удаа Даарий хаан иигэжэ бэшэн тунхаглаба: – Дэлхэйн бүхы арадуудта, обогуудта, бүлээлингүүдтэ. Амар амгалан, баян байдал танда оршохонь болтогой!

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Левит 23:40

Түрүүшын үдэр һайхан модоной жэмэс суглуулагты, дал модоной набша, үдхэн набшаһатай модоной мүшэр, голой бургааһанай мүшэр суглуулагты. Тиигээд Эзэнэй, өөрын Бурханайнгаа урда долоон үдэр хүхилдэн сэнгэн байгты.

Захарияа 10:8

«Би тэдээндэ дохёо үгэжэ, нэгэ газарта суглуулхаб, юундэб гэхэдэ, тэдэниие түлөөһөөр бусаагааб. Тэдэ урданайхи шэнги тоо томшогүй олон болохо.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Лука 12:1

Тоолошогүй олон зоной сугларжа, бэе бэеэ дарахаһаа нааша шахасалдаха үедэнь Иисүүс түрүүн шабинартаа хэлэжэ эхилбэ: – Нюур сахидаг фарисейнүүдэй эһээбэриһээ болгоомжолжо ябагты. Тэдэ һургаалаараа зоной толгой эрьюулдэг.

Лука 21:36

Тэрэ сагта тохёолдохо хамаг аюул дабажа гарахын тула, Хүн түрэлхитэнэй Хүбүүнэй урда зохистой байхын тула үргэлжэ зальбаржа, һэргэг хёрхо байгты!

Иоанн 12:13

Тэдэ зон пальма модоной мүшэрнүүдые баряад, Иисүүсые угтахаяа гараа. Тэдэ иигэжэ хашхаралдабад: – Бурханда алдар соло! Эзэнэй нэрээр заларан Ерэгшэ үреэл магтаалда хүртэһэй! Израилиин Хаан үреэл магтаалда хүртэһэй!

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Эфесэйхиндэ 6:13

Тиимэһээ Бурханай үгэжэ байһан хуяг дуулга үмдэгты. Тиигэбэл харата үдэрэй ерэхэдэ, таанад өөһэдыгөө дайсадһаа хамгаалха аргатай байхат; байлдаанда сухаришагүй зогсохот.

Еврейнүүдтэ 11:12

Үхэхын наана болоод байһан ганса Абраһаамһаа огторгойн мүшэдтэл адли, далайн эрьеын элһэндэл адли тоогүй олон үри һадаһад түрөө.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 22:3

Бурханай хараалда хүрэмөөр муу юумэн тэндэ хэзээдэшье болохогүй. Бурханай ба Үргэлэй Хурьганай хаан шэрээ тэрэ хотодо байха. Бурханай зарасанар тэрээндэ алба хэхэ байна.

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.

Гэршэлгэ 4:4

Энэ хаан шэрээе тойроод, баһа хорин дүрбэн хаан шэрээнүүд байгаа. Тэдэ хаан шэрээнүүд дээрэ хорин дүрбэн ахамадууд һуугаа. Эдэ ахамадууд сагаан хубсаһа үмдэнхэй, толгойдонь алтан титим малгайнууд табяатай.

Гэршэлгэ 5:11

Хаан шэрээе, амитадые, ахамадуудые тойроод, олон Эльгээмэлнүүдэй дуугаржа байхые би харааб, шагнааб. Тэдэнэр үй түмэн, тоо томшогүй олон байгаа.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.

Гэршэлгэ 6:11

Тэдэнэй хүн бүхэндэнь сагаан хубсаһа үгтэбэ. Тэдэ алуулагшадта: «Христоосто алба хэһэн тусгаар тооной аха дүүнэрэйтнай алуултар таанар үшөө нэгэ бага амаржа байгты. Тэдэтнай таанартал адляар алуулха», – гэжэ хэлэгдэбэ.

Гэршэлгэ 7:8

Зэбүлүүнэй угсаатанһаа арбан хоёр мянга, Иосифой угсаатанһаа арбан хоёр мянга, Бэньямиинэй угсаатанһаа арбан хоёр мянган хүн духадаа тамга даруулаа.