Гэршэлгэ 7:3 - Библи

³ «Бурханай бүхы албатанай магнай духадань тамга даража тэмдэглээдүйдэмнай газар дайдадашье, уһан далайдашье, ой модондошье гэм бү хэгты».

Шэнэ Хэлсээн

³ «Бурханай бүхы албатанай магнай духадань тамга даража тэмдэглээдүйдэмнай газар дайдадашье, уһан далайдашье, ой модондошье гэм хоро бү хэгты».

Гэршэлгэ 7:3 Referencias Cruzadas

Египедһээ гаралга 12:13

Харин танай байһан гэрнүүдтэ шуһан тэмдэг байгуужаг, шуһа харахадаа, хажуугаартнай гарахаб. Египедэй зониие һүнөөхэдэм, үхэл таанадай хажуугаар гараха.

Египедһээ гаралга 12:23

Египет ороной ууган хүбүүдэй ами хороохо гэжэ ябаһан Эзэн тотого, хүндэлэбшэдэ байһан шуһа харахадаа, хажуугаартнай гараха, усадхагша элшые таанадта оруулхагүй.

Исай 27:8

Эзэн Өөрын арад түмэниие сүлэлгэдэ эльгээжэ хэһээгээ. Дорно зүгэй халуун һалхяар Тэрэ тэдээн руу үлеэн хаяа.

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Исай 65:8

Эзэн иигэжэ айладхана: Үзэмэй модоной мүшэр шүүһэтэй байбал, тэрээн тушаа «бү һалгаагты, тэрэ үреэлтэй» гэдэг. Бишье Өөрын арад түмэниие бултыень усадхахагүйб, Намда мүргэдэг зониие абархаб.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Эзэкээл 9:6

Хүгшэн зониие, залуушуулые, эхэнүүдые, хүүгэдыешье алагты. Харин магнай дээрээ тэмдэгтэй зондо гар бү хүрэгты. Нангин үргөөһөөм эхилэгты. Тиигэжэ нангин үргөө соо байгааша ахамадуудһаа тэдэ эхилбэ.

Даниил 3:17

Манай шүтэдэг Бурхан абарха аргатай гээшэ һаа, галаар дүрэлзэһэн пеэшэнһээшье, танай мэдэлһээшье маанадые абархал.

Даниил 3:26

Тиигээд тэрэ аһажа байгша пеэшэнэй амһартада дүтэлөөд: – Шадраах! Мэшаах! Абээд-Нэгоо! Дээдэ Бурханай богоолнууд! Гарагты тэндэһээ! – гэбэ. Тиихэдэнь Шадраах, Мэшаах болон Абээд-Нэгоо гал дүлэн сооһоо гараба.

Даниил 6:16

Тиихэдэнь хаан Даниилые асаржа, арсаланай нүхэн руу хаяхыень захирба. Тэрэ Даниилда: – Саг үргэлжэ шүтэдэг Бурханшни шамайе абархань болтогой! – гэбэ.

Цэпаанияа 2:3

үрдижэ, дэлхэйн юрын улад зон, Эзэнэй үгэ дуулыта, тогтоол хуулинуудыень сахижа, үнэн зүб хэрэгүүдые хэгты, даруу номгон байгты. Тиигэбэл, Эзэнэй хилэнсэгтэ үдэр таанад амиды үлэжэ магадгүйт.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Иоанн 3:33

Тэрээндэ этигэһэн хүн Бурханай үнэн зүб байдагыень гэршэлнэ.

Римэйхиндэ 6:22

Мүнөө таанад нүгэл шэбэлһээ сүлөөлэгдөөд, Бурханай барлагууд болобот. Тэрэнэй үрэ дүндэнь таанад арюун гэгээн болобот, мүнхын амидаралда хүртэбэт.

Гэршэлгэ 13:16

Энэ хоёрдохи арьяатан бүхы хүнүүдые: юрыншье, засаг баридагшье, баяншье, үгытэйшье уладые, эрхэ сүлөөтэйшье зониие, богоол барлагуудыешье баруун гартаа гү, али духа магнайдаа тамга табюулха гэжэ баадхана.

Гэршэлгэ 13:17

Тамгагүй һаа, хэншье юумэ наймаалха, худалдажа абаха эрхэгүй. Тамга гээшэнь арьяатанай нэрэ гү, али тэрэнэй нэрын тоо мүн.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Гэршэлгэ 14:9

Тэдэнэй хойноһоо баһа ондоо, гурбадахи Эльгээмэл шанга шангаар иигэжэ хашхаран ооглобо: «Арьяатанда, тэрэнэй хүрэг дүрсэдэ мүргэн һүгэдэжэ, духадаа гү, али баруун гартаа тамгатай байгаа һаа,

Гэршэлгэ 19:2

Ушарынь хэлэбэл, Тэрэнэй шиидхэбэринүүд үнэн зүб юм! Бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ! Зарасанарайнь шуһа адхаруулһанайнь түлөө Янхан эмые Бурхан хэһээгээ!

Гэршэлгэ 20:4

Зарга шүүбэри хэхэ эрхэтэй хүнүүдэй һууһан хаан шэрээнүүдые харабаб, мүн Иисүүс тухай, Бурханай Үгэ тухай гэршэлһэнэйнгээ түлөө толгойгоо таһа сабшуулаашадай һүнэһэнүүдые, арьяатанда, тэрэнэй хүрэг дүрсэдэ һүгэдэн мүргөөгүйшүүлэй, духадаа гү, али гартаа тэрэ арьяатанай тамга табюулаагүйшүүлэй һүнэһэнүүдые би харабаб. Тэдэнэр дахин амидыруулагдажа, мянган жэл соо Христоостой хамта зонхилжо байгаа.

Гэршэлгэ 22:4

Зарасанарынь тэрэнэй нюурые хараха, тэрэнэй нэрэнь тэдэнэй магнайда байха.

Гэршэлгэ 6:6

Тиигээд дүрбэн амитанай зүгһөө иимэ абяанай гарахые дуулабаб: «Нэгэ хэмжээ шэниисын түлөө бүхэли үдэр ажаллаха, гурбан хэмжээ ешмээнэй түлөө бүхэли үдэр ажаллаха! Теэд оливай модо үзэмэй модо хоёрые бү гутаа!»

Гэршэлгэ 7:1

Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.

Гэршэлгэ 7:2

Гартаа амиды Бурханай тамга баряад, зүүн зүгһөө ерэжэ ябаһан баһа нэгэ Эльгээмэлые харабаб. Тэрэ Эльгээмэлынь газар дайдада, уһан далайда гэм хоро хүргэхэ эрхэтэй дүрбэн Эльгээмэлнүүдтэ хандан, иигэжэ шангаар хашхарба:

Гэршэлгэ 9:4

Теэд үбһэ ногоондошье, ургамал модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаа шумуулда хэлэгдээ.