Гэршэлгэ 7:1 - Библи

¹ Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.

Шэнэ Хэлсээн

¹ Тэрэнэй һүүлээр газар дэлхэйн дүрбэн буланда Бурханай дүрбэн эльгээмэлнүүдэй зогсожо байхые харабаб. Тэдэ эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.

Гэршэлгэ 7:1 Referencias Cruzadas

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 27:3

Би тэрэниие харууһалжа, таһалгаряагүй уһалжа байнаб. Хэншье тэрэниие бү гэмтээг гэһэндээ Би тэрэниие үдэр, һүнигүй харууһалнаб.

Исай 27:8

Эзэн Өөрын арад түмэниие сүлэлгэдэ эльгээжэ хэһээгээ. Дорно зүгэй халуун һалхяар Тэрэ тэдээн руу үлеэн хаяа.

Ерэмияа 49:36

Найман зүгһөө Элаам руу һалхи шуурга эльгээжэ, бүхы зонииень бүгэдэ орон нютагаар тараахаб.

Эзэкээл 37:9

Эзэн намда иигэжэ айладхаба: – Хүнэй үри Эзэкээл, дүрбэн талаһаа һалхилжа, эдэ үхэһэн бэенүүд руу ами оруулхыень һалхинда Намайе захирна гээд дуулга. Тиихэдэ тэдэ амидырха.

Эзэкээл 7:2

Тэрэ иигэбэ: – Хүнэй үри Эзэкээл! Израилиин орон нютаг бүхыдөө хосорон һалахань гэжэ Эзэн Бурхан айладхана гээд ши тунхагла.

Даниил 11:4

Харин гэнтэ хан түрэнь һандаржа, дүрбэн хуби болон таһарха, уг удамданьшье хүртэхэгүй, урдынхидаал адли шанга засаг тэндэнь байхагүй. Хан түрэнь иигэжэ бутаржа, хариин зондо үгтэхэ.

Даниил 7:2

Даниил иигэжэ хөөрэнэ: – Һүниндөө иимэ үзэгдэл зүүдэн соогоо харааб – тэнгис далай дээрэ дүрбэн зүгһөө һалхи шуурган үлеэн-һүүен байба.

Даниил 8:8

Тэхэ угаа ехэ хүсэ шандааһатай болобо. Тиихэдэнь мантан эбэрынь хухаржа, орондонь дүрбэн зүг руу хараһан дүрбэн эбэр ургаба.

Иона 1:4

Эзэн далай дээрэ үзэгдөөгүй шанга һалхи шуурга буулгаба, далай дээрэ болоһон тэрэ һалхи шуурганһаа онгосо шэнгэхэ туйлдаа хүрэбэ.

Захарияа 6:1

Дахяад дээшээ харахадам, хоёр хадын хоорондохи хабшалһаа дүрбэн дайшалхы тэргэ гаража ябаба. Тэдэ хадануудынь үргэлжэ зэд байба.

Захарияа 6:5

– Дүрбэн һалхин гээшэ. Тэдэ хамаг юртэмсын Эзэнэй урда гараад байна.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Марк 13:27

Тиигээд Тэрэ Бурханай шэлэжэ абаһан зониие суглуулхын тула газар дэлхэйн заха хизаарһаа огторгойн заха хизаар хүрэтэр Эльгээмэлнүүдээ ябуулха.

Гэршэлгэ 20:8

Тиигээд сатана арадуудые мэхэлхэеэ ошохо, дайн сэрэг үүдхэхын тула дэлхэйн бүхы дүрбэн зүгүүдээр ябаха, гоог, магоог гэжэ арадуудта ошохо. Далайн эрьеын элһэ хайр мэтэ үй түмэн хүнүүдые сатана гулидхан суглуулха.

Гэршэлгэ 6:6

Тиигээд дүрбэн амитанай зүгһөө иимэ абяанай гарахые дуулабаб: «Нэгэ хэмжээ шэниисын түлөө бүхэли үдэр ажаллаха, гурбан хэмжээ ешмээнэй түлөө бүхэли үдэр ажаллаха! Теэд оливай модо үзэмэй модо хоёрые бү гутаа!»

Гэршэлгэ 7:3

«Бурханай бүхы албатанай магнай духадань тамга даража тэмдэглээдүйдэмнай газар дайдадашье, уһан далайдашье, ой модондошье гэм бү хэгты».

Гэршэлгэ 8:7

Түрүүшын Эльгээмэлэй бүреэгээ дуугаргахадань, шуһатай холисолдоһон мүндэр оробо, гал дүлэн гараба, тиихэдэнь газар дэлхэйн гурбанай нэгэ хубинь, ой модоной гурбанай нэгэ хубинь, бүхы үбһэ ногоон шаташаба.

Гэршэлгэ 9:14

Томо бүреэ бариһан зургаадахи Эльгээмэлдэ тэрэ абяан иигэжэ хэлэбэ: «Агууехэ Евфрат мүрэнэй шадар хүлеэтэй дүрбэн Эльгээмэлнүүдые таби».

Гэршэлгэ 9:4

Теэд үбһэ ногоондошье, ургамал модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаа шумуулда хэлэгдээ.