Гэршэлгэ 5:8 - Библи

⁸ Номые Тэрэнэй абахадань, дүрбэн амитад, хорин дүрбэн ахамадууд Үргэлэй Хурьганай урда һүгэдэн, доро дохибо. Тэдэнэр тус бүридөө нэгэ нэгэ ятагануудые, хүжэ санзай дүүрэтэр хэһэн алтан аягануудые гартаа баряад байгаа. Эдэ бүгэдэнь Бурханай зоной бүтээдэг мүргэл зальбаралынь мүн бэлэй.

Шэнэ Хэлсээн

⁸ Номые тэрэнэй абахадань, дүрбэн амитад, хорин дүрбэн ахамадууд Үргэлэй Хурьганай урда һүгэдэн, доро дохибо. Тэдэнэр тус бүридөө нэгэ нэгэ ятагануудые, хүжэ санзай дүүрэтэр хэһэн алтан аягануудые гартаа баряад байгаа. Эдэ бүгэдэнь Бурханай зоной бүтээдэг мүргэл зальбаралынь мүн бэлэй.

Гэршэлгэ 5:8 Referencias Cruzadas

Псалманууд 141:2

Урдань гомдолоо урасхуулнам, зоболонгоо Тэрээндэ хөөрэнэм.

Псалманууд 150:3

Тэрэниие бүреэ дуугаруулан магтагты! Тэрэниие ятаг, морин хуураар дэмжэн магтагты!

Псалманууд 33:2

Саг үргэлжэ Эзэниие үреэнэб, магтаал үгэнүүд аманһаам һаладаггүй. ב Бээт

Псалманууд 43:4

Тэдэ һэлмээрээ газар нютаг эзэлээ бэшэ, хүсэтэй байһань илалта туйлуулаа бэшэ, харин Танай гар, хүсэ шадалтнай, Танай шарайн гэрэл туяа! Юуб гэбэл, Та тэдээндэ онсо һайнаар хандадаг бэлэйт.

Псалманууд 81:2

«Хэды болотор таанар буруу шүүбэрилхэбта, хорото муу зоной талые баримталхабта?! [Хүгжэм]

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Еврейнүүдтэ 1:6

Тиихэдэ Бурхан Өөрынгөө ууган Хүбүүе дэлхэй руу эльгээхэдээ: «Бурханай бүхы Эльгээмэлнүүд Тэрээндэ мүргэхэнь болтогой», – гэжэ хэлээ.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 15:2

Галтай холиһон шэл далай шэнги юумэ харабаб. Энэ шэл далайн хажууда арьяатаниие, тэрэнэй хүрэг дүрсые, арьяатанай нэрын тоое илаашад байна. Тэдэнэр тус бүридөө Бурханай ятага баряад зогсоно.

Гэршэлгэ 15:7

Дүрбэн амитадай нэгэниинь долоон Эльгээгдэмэлнүүдтэ хэтэ мүнхэ оршодог Бурханай угаа ехэ уур сухалай долоон алтан аягануудые барюулба.

Гэршэлгэ 19:4

Хорин дүрбэн ахамадууд, дүрбэн амитад ерэжэ, хаан шэрээдээ һууһан Бурханай урда һунан унаад, һүгэдэн мүргэхэ зуураа: «Болтогой! Бурханда магтаал соло!» – гэжэ хэлэбэд.

Гэршэлгэ 4:10

хорин дүрбэн ахамадууд хаан шэрээ дээрэ Һуугаашын урда тээ унан һүгэдэн мүргэхэ, хэтэ мүнхэ Амидарагшын урда доро дохин мүргэхэ, тиин хаан шэрээгэйнь урда титим малгайнуудаа табяад, иигэжэ хэлэхэ:

Гэршэлгэ 4:4

Энэ хаан шэрээе тойроод, баһа хорин дүрбэн хаан шэрээнүүд байгаа. Тэдэ хаан шэрээнүүд дээрэ хорин дүрбэн ахамадууд һуугаа. Эдэ ахамадууд сагаан хубсаһа үмдэнхэй, толгойдонь алтан титим малгайнууд табяатай.

Гэршэлгэ 4:6

Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!

Гэршэлгэ 5:11

Хаан шэрээе, амитадые, ахамадуудые тойроод, олон Эльгээмэлнүүдэй дуугаржа байхые би харааб, шагнааб. Тэдэнэр үй түмэн, тоо томшогүй олон байгаа.

Гэршэлгэ 5:12

Тэдэ шанга шангаар иигэжэ хашхаралдаа: Тахил болгогдожо табигдаһан Үргэлэй Хурьган засаг түрэ, зөөри баялиг, сэсэн бодол, хүсэ шадал, нэрэ түрэ, алдар соло, магтаал юрөөлдэ хүртэхэ эрхэтэй.

Гэршэлгэ 5:14

Дүрбэн амитадынь: – Болтогой! – гэбэд. Ахамадуудынь газарта дохин унажа, һүгэдэн мүргэбэ.

Гэршэлгэ 5:6

Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй. Эдэнь бүхы газар дэлхэйдэ Бурханай эльгээһэн долоон һүлдэнь байгаа.

Гэршэлгэ 6:1

Долоон тамгын түрүүшынхииень Үргэлэй Хурьганай эбдэхые би харааб, тиигээд: «Наашаа ерэ!» – гэжэ түрүүшын амитанайнь тэнгэри дуугарһандал адляар хүнхинэмэ шангаар хэлэхые дуулааб.