Гэршэлгэ 4:6 - Библи

⁶ Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.

Шэнэ Хэлсээн

⁶ Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.

Гэршэлгэ 4:6 Referencias Cruzadas

3 Хаан түрэнүүд 7:23

Хираам гуулин түмэрөөр томо түхэреэн амһарта бүтээжэ, Далай гэжэ нэрлэбэ. Утаашаа тэрэ арбан, гүнзэгынь табан, тойруулан гушан тохой хэмжүүртэй һэн.

Иоов 28:17

Үнэтэ алтан болон тунгалаг уһан шэнги шэл тэрээндэ хүрэхэгүй, шэжэр алтаар бүтээһэн шэлдэг һайхан эдлэлшье тэрээнтэй зэргэсэхэгүй.

Египедһээ гаралга 38:8

Мүн майхан һүмын үүдэндэ алба хэдэг эхэнэрнүүдэй толиин зэд абажа, угаабариин амһарта ба табюур хэбэ.

Эзэкээл 10:12

Бүхы бэенүүдынь, нюргануудынь, гарнуудынь, далинуудынь, сахаригуудынь дууһан нюдөөр дүүрэнхэй байгаа.

Эзэкээл 10:14

Амитан бүхэн дүрбэн нюуртай: нэгэдэхи нюурынь бухын, хоёрдохинь хүнэй, гурбадахинь арсаланай, дүрбэдэхи нюурынь бүргэдэй нюур бэлэй.

Гэршэлгэ 14:3

Тэдэнэр хаан шэрээгэй урда, дүрбэн амитадай болон ахамадуудай урда байгаад, магтаал дуу зэдэлүүлнэ. Газар дэлхэйһээ сүлөөлэгдэһэн зуун дүшэн дүрбэн мянган тэдэ хүнүүдһээ бэшэ ондоо хэншье эдэ дуунуудые дуулажа шадаагүй.

Гэршэлгэ 15:2

Галтай холиһон шэл далай шэнги юумэ харабаб. Энэ шэл далайн хажууда арьяатаниие, тэрэнэй хүрэг дүрсые, арьяатанай нэрын тоое илаашад байна. Тэдэнэр тус бүридөө Бурханай ятага баряад зогсоно.

Гэршэлгэ 15:7

Дүрбэн амитадай нэгэниинь долоон Эльгээгдэмэлнүүдтэ хэтэ мүнхэ оршодог Бурханай угаа ехэ уур сухалай долоон алтан аягануудые барюулба.

Гэршэлгэ 19:4

Хорин дүрбэн ахамадууд, дүрбэн амитад ерэжэ, хаан шэрээдээ һууһан Бурханай урда һунан унаад, һүгэдэн мүргэхэ зуураа: «Болтогой! Бурханда магтаал соло!» – гэжэ хэлэбэд.

Гэршэлгэ 21:11

Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа.

Гэршэлгэ 21:18

Ханань хас шулуугаар, харин хотонь нэбтэ харагдадаг шэл шэнги сэбэр алтаар баригданхай.

Гэршэлгэ 21:21

Арбан хоёр хаалгануудынь арбан хоёр һубадаар, хаалга болгониинь үргэлжэ хүжэ һубадаар хэгдээтэй. Хотын гол гудамжань шэл шэнги нэбтэ харагдажа байдаг сула алтаар хэгдэнхэй.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 4:4

Энэ хаан шэрээе тойроод, баһа хорин дүрбэн хаан шэрээнүүд байгаа. Тэдэ хаан шэрээнүүд дээрэ хорин дүрбэн ахамадууд һуугаа. Эдэ ахамадууд сагаан хубсаһа үмдэнхэй, толгойдонь алтан титим малгайнууд табяатай.

Гэршэлгэ 5:11

Хаан шэрээе, амитадые, ахамадуудые тойроод, олон Эльгээмэлнүүдэй дуугаржа байхые би харааб, шагнааб. Тэдэнэр үй түмэн, тоо томшогүй олон байгаа.

Гэршэлгэ 5:14

Дүрбэн амитадынь: – Болтогой! – гэбэд. Ахамадуудынь газарта дохин унажа, һүгэдэн мүргэбэ.

Гэршэлгэ 5:6

Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй. Эдэнь бүхы газар дэлхэйдэ Бурханай эльгээһэн долоон һүлдэнь байгаа.

Гэршэлгэ 5:8

Номые Тэрэнэй абахадань, дүрбэн амитад, хорин дүрбэн ахамадууд Үргэлэй Хурьганай урда һүгэдэн, доро дохибо. Тэдэнэр тус бүридөө нэгэ нэгэ ятагануудые, хүжэ санзай дүүрэтэр хэһэн алтан аягануудые гартаа баряад байгаа. Эдэ бүгэдэнь Бурханай зоной бүтээдэг мүргэл зальбаралынь мүн бэлэй.

Гэршэлгэ 6:1

Долоон тамгын түрүүшынхииень Үргэлэй Хурьганай эбдэхые би харааб, тиигээд: «Наашаа ерэ!» – гэжэ түрүүшын амитанайнь тэнгэри дуугарһандал адляар хүнхинэмэ шангаар хэлэхые дуулааб.

Гэршэлгэ 6:6

Тиигээд дүрбэн амитанай зүгһөө иимэ абяанай гарахые дуулабаб: «Нэгэ хэмжээ шэниисын түлөө бүхэли үдэр ажаллаха, гурбан хэмжээ ешмээнэй түлөө бүхэли үдэр ажаллаха! Теэд оливай модо үзэмэй модо хоёрые бү гутаа!»

Гэршэлгэ 7:11

Хаан шэрээе, ахамадуудые, дүрбэн амитадые тойроод, бүхы Эльгээмэлнүүд зогсожо байба. Тэдэнэр хаан шэрээгэй урда уруугаа хаража бултадаа унаад, Бурханда мүргэбэд.

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».