Гэршэлгэ 3:12 - Библи

¹² Илагшые Би Өөрынгөө Бурханай Һүмэ доторхи бахана тулгань болгохоб, тиин тэрэ илагша хэтэ заяандаа тэндэ үлэхэ. Бурханайгаа нэрые, Минии Бурханай үршөөлөөр тэнгэриһээ бууха Бурханайгаа хотын, шэнэ Иерусалимай нэрые, мүн Өөрынгөө шэнэ нэрые тэрэ Һүмын бахана дээрэ бэшэхэб.

Шэнэ Хэлсээн

¹² Илагшые би өөрынгөө Бурханай Һүмэ доторхи бахана тулгань болгохоб, тиин тэрэ илагша хэтэ заяандаа тэндэ үлэхэ. Өөрынгөө Бурханай нэрые, минии Бурханай үршөөлөөр тэнгэриһээ бууха өөрынгөө Бурханай хотын, шэнэ Иерусалимай нэрые, мүн өөрынгөө шэнэ нэрые тэрэ Һүмын бахана дээрэ бэшэхэб.

Гэршэлгэ 3:12 Referencias Cruzadas

3 Хаан түрэнүүд 7:21

Хираам хоёр бахана Һүмын гол үүдэнэй хоёр талаар табижа, баруун талын баханые Яхиин, зүүн талынхиинь Бооһаз гэжэ нэрлэбэ.

Псалманууд 46:4

Тэрэ бидэн доро арадуудые, ула доромнай арад зониие оруулаа.

Псалманууд 48:8

ямаршье хүн ямаршье аргаар аха дүүгээ абаржа шадахагүй, тэрэнэй түлөө түлбэри Бурханда үгэжэ шадахагүйл.

Псалманууд 87:3

Зальбарални Тан руу ошог лэ, гуйхадам шэхээ табиит.

Исай 62:2

Иерусалим, үндэһэ яһатад шинии илалта хараха. Тэдэнэй хаашуул алдар солыншни мандахые обёорхо. Тиигээд Эзэнэй үгэһэн нэрээр шамайе нэрлэхэ.

Исай 65:15

Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.

Ерэмияа 1:18

Харыш, Ерэмияа, Би таанадые мүнөө бүхы газар нютагай урдаһаа бүхэлэлтэтэй хото, түмэр бахана, гуулин хэрэм мэтэ болгон табибаб. Иудын хаашуул, амбан захирагшад, санаартад болон газар нютагай арад түмэн бултадаа таанадай урдаһаа эсэргүүсэхэ, гэбэшье тэдэ таанарые диилэхэгүй. Юуб гэхэдэ, Би таанарые хамгаалхын тула таанадтай хамта байлсахаб. Энээниие Би, Эзэн, тунхаглан айладхажа байна мүн!

Эзэкээл 40:49

Үүдэн үргэнөөрөө хорин тохой, дотогшоо хэмжэбэл, арбан хоёр тохой байба. Арбан табсантай шата тэрэ үүдэндэ хүргэнэ, хоёр хажууһаань бахананууд байгаа бэлэй.

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Марк 12:16

Нүгөөдүүлынь нэгэ динари асаржа үгэбэ. – Эндэ хэнэй дүрсэ зураатай, хэнэй нэрэ бэшээтэй байнаб? – гэжэ Иисүүс һураба. – Римэй хаанай, – гэжэ тэдэнь харюусаба.

Эфесэйхиндэ 3:15

Тэнгэри дээрэшье, газар дэлхэйдэшье байһан бүхы изагуур угсаатан Эсэгэһээ эхитэй.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Еврейнүүдтэ 13:14

Бидэ газар дэлхэй дээрэ хододоо оршодог хотогүйбди, бидэ ерээдүйн хото бэдэрнэбди.

Иоаннай 1-дэхи хандалга 4:4

Үхибүүд, таанар Бурханһаат, тиимэһээ худал хуурмаг лүндэншэдые диилээт, яахадааб гэбэл, таанарай досоо байдаг Бурхан газар дэлхэйдэ байдаг шолмосһоо ехэ юм.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Гэршэлгэ 2:11

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илаашые хоёрдохиёо һүнөөхэгүй».

Гэршэлгэ 2:17

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илагшада Би далда хадагалаатай манна эдеэ үгэхэб, сагаан шулуу үгэхэб. Шулуун дээрэнь шэнэ нэрэ бэшээтэй байха, тиин шулуу абагшаһаа ондоо хэншье тэрэ нэрые мэдэхэгүй».

Гэршэлгэ 2:7

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Бурханай сэсэрлигтэ ургадаг мүнхэ амидаралай модоной жэмэсые амталха эрхэ илаашада үгэхэб».

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 22:4

Зарасанарынь тэрэнэй нюурые хараха, тэрэнэй нэрэнь тэдэнэй магнайда байха.

Гэршэлгэ 3:5

Илагша баһал сагаан хүбсаһа үмдэхэ; тэрэнэй нэрые амидаралай номһоо Би хэзээшье зуража хаяхагүйб, тэрэ хүн Минии юм гэжэ Өөрынгөө Эсэгын урда, Бурханай Эльгээмэлнүүдэй урда айладхахаб.