Гэршэлгэ 18:2 - Библи

² Тэрэ Эльгээмэл бардаастай шангаар иигэжэ хашхарба: – Агуу ниислэл Вавилоон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.

Шэнэ Хэлсээн

² Тэрэ эльгээмэл бардаастай шангаар иигэжэ хашхарба: Агуу ниислэл Вавилон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.

Гэршэлгэ 18:2 Referencias Cruzadas

Исай 14:23

Вавилоониие заряануудай байра, намаг болгохоб. Бүхы юумэ усадхадаг шүүрээр Вавилоониие хаман гаргахаб. Энэ хадаа Би, Түмэн Сэрэгтэ Эзэн, айладхана мүн!»

Ерэмияа 25:30

Ерэмияа, ши Минии айладхал бултыень тэдэ зондо дуулга. Тэдээндэ иигэжэ хэлэ: Эзэн огторгойһоо архиржа, нангин үргөөһөө аянгатаха, Өөрын зоной урдаһаа хэрхирхэ. Үзэмэй жэмэс дэбһэжэ байһан хүндэл адли Тэрэ дэлхэйн бүхы улад зоной урдаһаа хашхарха.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Ерэмияа 51:8

Гэнтэ тэрэ унажа, тэһэ бутаршабал! Тэрээн тушаа гашуудан байгыт! Аргалхаяа эм дом абагты, эдэгэжэ болохо аалам.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Цэпаанияа 2:14

Тэндэ мал һүрэг, элдэб ан амитад бэлшэхэ, шара шубуун һандархай шулуунууд соо байрлажа, сонхоорнь һүхирэн байха. Үүдэнэй бахананууд дээр мүн лэ һандарал үзэгдэхэ, юуб гэхэдэ, үнэтэ хуша модон бүреэһэниинь үгы болохо.

Гэршэлгэ 1:15

Хүлнүүдынь шатама халуун пеэшэндэ халаажа улайлгаһан зэд шэнги, хоолойнь хүүюур уһан мэтэ хүнхинэжэ байгаа һэн.

Гэршэлгэ 10:3

Тиигээд Эльгээмэл арсаланай хэрхирһэндэл шангаар хашхарба. Тиихэдэнь долоон аянганууд өөһэдынгөө абяагаар дуугаралдаба.

Гэршэлгэ 11:8

Тэдэнэй үхэһэн бэень Содом гү, али Египедтэл адли муу суутай хотонуудай нэгэ тон ехэ хотын гудамжада хэбтэхэ. Тэрэ хотодо мүн тэдэнэй Эзэн хэрээһэндэ хадагдажа саазалуулаа.

Гэршэлгэ 14:15

Һүмэ сооһоо баһа нэгэ Эльгээмэл гараад, үүлэн дээрэ Һуугшада хандан, иигэжэ шангаар ооглон дуугарба: «Хадуураа наашань эльгээгты, тиигээд таряагаа хадагты! Газар дээрэ ургаса таряан эдеэшээ – хуряаха саг ерээ!»

Гэршэлгэ 14:8

Дары хойноһоонь баһа ондоо, хоёрдохи Эльгээмэл иигэжэ хашхаран ниидэжэ ябаа: «Бүхы арад үндэһэтэниие забхайралайнгаа бузар архи уулгажа хорлоһон агуу ниислэл Вавилоон хото хосороо, хосороо!»

Гэршэлгэ 16:13

Луугай аман сооһоо, арьяатанай аман сооһоо, худал хуурмаг лүндэншын аман сооһоо бахын түхэлтэй гурбан һүнэһэ һүлдэнүүдэй гаража байхые харабаб.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.

Гэршэлгэ 17:18

Шинии хараһан эхэнэр болбол газар дэлхэйн хаануудые зонхилогшо агууехэ ниислэл мүн гээшэ».

Гэршэлгэ 17:5

Духа дээрэнь нюуса удхатайгаар иигэжэ бэшээтэй: «Агуу ниислэл Вавилоон – газар дэлхэйн янхан эмэнүүдэй жэрхэштэй муухай юумэнүүдэй эхэ».

Гэршэлгэ 18:10

Тиин хаашуул холо зогсон тэрээниие хараад, ядарал зоболонһоонь үхэтэрөө айжа, иигэжэ хэлэхэ: – Аргагүй хүсэтэй, агуу ниислэл Вавилоон, аймшагтай ехэ гашуудал зоболон шамда тудаба – зарга шүүбэридэ шаамайе үгэжэ хэһээхэ саг гэб гэнтэ ерэбэ!

Гэршэлгэ 18:21

Удаань баатар ехэ хүсэтэй Эльгээмэл тээрмын шулуунай зэргын томо гэгшын шулуу үргэжэ, далай руу шэдэхэ зуураа, иигэжэ үгүүлбэ: «Агуу ниислэл Вавилоониие иимэл хүсэтэйгөөр холо шэдэжэ хаяхань! Энэ ниислэл саашадаа оршохоёо болёо!

Гэршэлгэ 5:2

Түгэлдэр хүсэтэ Эльгээмэлые харабаб. – Хэн тамгыень эбдэжэ, энэ ном нээжэ шадахаб? – гэжэ тэрэ Эльгээмэл шангаар дуугарба.