Гэршэлгэ 17:3 - Библи

³ Удаань тэрэ Эльгээмэл Арюун Һүлдэтэй болгогдоһон намайе сүл губида асарба. Бурханиие доромжолһон нэрэнүүдэй бэшээтэй, улаан арьяатанай дээрэ һуужа байһан эхэнэрые харабаб. Тэрэ арьяатан долоон толгойтой, арбан эбэртэй һэн.

Шэнэ Хэлсээн

³ Удаань тэрэ эльгээмэл Нангин Һүлдэтэй болгогдоһон намайе сүл губида асарба. Бурханиие доромжолһон нэрэнүүдэй бэшээтэй, улаан арьяатанай дээрэ һуужа байһан эхэнэрые харабаб. Тэрэ арьяатан долоон толгойтой, арбан эбэртэй һэн.

Гэршэлгэ 17:3 Referencias Cruzadas

3 Хаан түрэнүүд 18:12

Танһаа холодон ошоболни, Эзэнэй Һүлдэ минии мэдэхэгүй газар руу таниие абаашаха. Ахаабтай тан тухай дуулгабални, тэрэ таниие олонгүй, намайе алахал. Би багаһаа хойшо Эзэнһээ түбэгшөөдэг гээшэлби.

4 Хаан түрэнүүд 2:16

иигэжэ хэлэбэд: – Танай барлагууд болохо маанадай дунда табин хүсэтэй шэрбүүһэтэй эрэшүүл байна. Эдэнэр минии эзэниие бэдэрхэеэ ошог. Магад, Эзэнэй Һүлдэ тэрэниие абаашажа, хадануудай гү, али хүндынүүдэй нэгэндэ хаяа аалам. – Хэнииешье бү эльгээгты, – гэжэ Элишаа хэлэбэ.

Дуунай дуун 8:5

Алас сүл губиһаа хүрэжэ ерээд, амараг хүнөө тэбэрин байгаа энэ басаган хэн бэ? Амарагни! Алим модон мэтэ анхилма дураар анхан би шамайе носоогооб. Иимэ дуранай хүсөөр лэ эхэшни шамайе хэбэлдээ оложо, хүн болгожо түрүүлһэн бэлэй.

Эзэкээл 11:24

Тиигээд үзэгдэл соо Бурханай Һүлдэ намайе үргэжэ, Вавилоондо сүлэлгэдэ байгааша улад зондо абаашаа һэн. Удаань үзэгдэл үгы болошобо.

Эзэкээл 3:12

Удаань Бурханай Һүлдэ намайе өөдэнь үргэжэ, өөрын ара талада нэжэгэнэжэ байгааша иимэ абяа дуулаа һэм: «Тэнгэриһээ дээгүүр Эзэн Бурханай алдар соло үргэгдэхэнь болтогой!»

Эзэкээл 8:3

Тэрэ гарай дүрсэ мэтэ юумэеэ һарбайгаад, намайе үһэнһөөм абаба. Тиигээд Бурханай Һүлдэ намайе агаарта үргэжэ, Иерусалим руу абаашаба. Нангин үргөөгэй дотор хашаагай хойто бартаануудай хажууда табяатай Бурханда харша онгоной байгааша газар руу Тэрэ намайе асарба.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 7:25

Дээдын дээдэ Бурханай урдаһаа һөөргэдэн тэрэ үгэ хэлэдэг болохо, Тэрэнэй гэгээшүүлые харшалха, һайндэрнүүдые, Хуули ёһые үгы хэхэеэ һэдэхэ. Гэгээшүүл тэрэнэй мэдэл доро нэгэ сагай, хоёр сагай, хахад сагай хугасаанууд соо байха.

Даниил 7:8

Минии хараһаар байтар тэдэ эбэрнүүдэй хажуугаар нэгэ багахан эбэр ургажа, хуушан гурбан эбэр ходоро татагдажа, һуурииень тэрэ шэнэ эбэр эзэлбэ. Тэрэ эбэр хүндэл адли нюдэтэй, дээрэлхүүгээр дуугарагша аматай бэлэй.

Матвей 27:28

Тэдэ Иисүүсэй хубсаһа тайлажа хаяад, Тэрээндэ улаан суба үмдэхүүлбэ,

Хэрэгүүд 8:39

Тэдэ хоёрой уһанһаа гарахадань, Эзэнэй Һүлдэ түшэмэл дээрэ тогтобо, харин Филиппые Бурханай Эльгээмэл дээшэнь дэгдээбэ. Түшэмэл тэрэниие ондоо хараагүй, гэбэшье ехэ баяртайгаар замаа саашань үргэлжэлүүлбэ.

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.

Гэршэлгэ 12:14

Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Гэршэлгэ 12:3

Тэнгэридэ баһа ондоо нэгэ дүлгэ тэмдэг бии болобо: долоон толгойтой, арбан эбэртэй, толгойнууд дээрээ долоон титимтэй томо гэгшын улаан луу харагдаба.

Гэршэлгэ 12:6

Харин эхэнэр сүл губи руу тэрьелжэ ошобо. Тэндэ эхэнэрэй байха байрые Бурхан түхеэрээ һэн. Мянга хоёр зуун жаран үдэрэй турша соо тэрэ байрадань эхэнэрые харууһалжа байха.

Гэршэлгэ 17:18

Шинии хараһан эхэнэр болбол газар дэлхэйн хаануудые зонхилогшо агууехэ ниислэл мүн гээшэ».

Гэршэлгэ 17:4

Тэрэ эхэнэр улаабтар хүхэ ба шад улаан бүдөөр оёһон хубсаһатай, шэжэр алта, эрдэниин шулуу, һубад һубһа ялалзуулан зүүгээд байба. Гартаа алтан хундага баринхай. Тэрэ хундага соонь янхан эмын һамуу зальхай ябадалай жэрхэштэй муухай, бузар булай юумэнүүд хэгдээд байгаа.

Гэршэлгэ 18:12

Тэдэнэй обоо собоо алта, мүнгые, үнэтэ шулуунуудые, һубад һубһые, нарин улһые, шад улаан бүдөөр, дардам торгоор, үнэтэй улаабтар бүдөөр оёһон хубсаһыень, хоншуухан үнэртэй модонуудые, заанай яһаар хэһэн бүтээлнүүдые, үнэтэ модоор, гуули, түмэрөөр, гантиг шулуугаар хэһэн амһартануудыень ондоо хэншье саашадаа абахагүйл.

Гэршэлгэ 18:16

иигэжэ хэлэхэ: – Нарин гэгшын улһаар, алта мүнгөөр, үнгэтэ шулуу, һубадаар толоржо байһан үнэтэй сэнтэй улаан бүд хубсаһа үмдэһэн агуу ниислэл, шамда гашуудал зоболон тудаба!

Гэршэлгэ 21:10

Тиин Арюун Һүлдөөр намайе аргагүй үндэр хада дээрэ абаашаад, тэнгэри дээрэһээ Бурханһаа доошоо буужа ябаһан Арюун нангин Иерусалим хотые намда харуулба.

Гэршэлгэ 4:2

Удангүй би Арюун Һүлдын нүлөөдэ абтажа, өөдөө дэгдэшэбэб. Тиин тэнгэридэ хаан шэрээ урдамни байба, дээрэнь Хэншьеб һуужа һууба.