Гэршэлгэ 15:3 - Библи

³ Тиихэ зуураа, Бурханай зараса Моисейн дууе, Үргэлэй Хурьганай иимэ дууе дууланад: Танай бүтээһэн хэрэг аргагүй ехэл, гайхалтай һайхан лэ, Хамагые зонхилогшо Дээдэ Бурхан! Арадуудай Хаан! Танай хэрэгүүд үнэхөөр зүб, үнэн сэхэ лэ!

Шэнэ Хэлсээн

³ Тиихэ зуураа, Бурханай зараса Моисейн дууе, Үргэлэй Хурьганай иимэ дууе дууланад: шинии бүтээһэн хэрэг аргагүй ехэл, гайхалтай һайхан лэ, Хамагые зонхилогшо Дээдын Бурхан! Арадуудай Хаан! Шинии хэрэгүүд үнэхөөр зүб, үнэн сэхэ лэ!

Гэршэлгэ 15:3 Referencias Cruzadas

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

1 Угай бэшэг 6:49

Израилиин алишье талаһаа арюун сэбэр байлгые Бурханай богоол Моисейн заабарилһанай ёһоор, Аһароон болон тэрэнэй хүбүүд Хамагай Нангин газарта элдэб мүргэлнүүдые бүтээхэһээ гадна, түгэс шатаалта үргэлэй шэрээ дээрэ тахилай үргэл шатаадаг, уталгын шэрээ дээрэ сан санзай ууюулдаг, мүн бэшэшье үргэлнүүдые бэелүүлдэг байгаа.

2 Угай бэшэг 24:6

Тиихэдэнь хаан тэдэнэй толгойлогшо Ёядаа гэгшые дуудажа асаруулаад, хэлэбэ: – Иуда болон Иерусалимһаа мүнгэ татабари суглуулхыень юундэ левидүүдые эльгээнэгүйбши? Суглаанай майханиие заһабарилан байха хэрэгтэ мүнгэ суглуулдаг байха гээд Эзэнэй богоол Моисей болон израильшуудай суглаан шиидээ һэм шуу.

Нэхэмьяа 9:14

Та тэдэнэртэ Өөрынгөө субботые нангин наринаар сахижа ябахыень заабарилаат, Өөрынгөө зараса Моисейгээр захяа заабаринуудые, хуулинуудые, һургаалнуудые тэдэнэртэ захиржа үгөөт.

Иоов 36:24

Хүнүүд хэһэн юумыень магтан дурдадаг. Танайшье тиигэбэл, зохистой.

Иоов 5:9

Тэрэнэй хэрэгүүд агууехэ, ухаанда орошогүй, гайхамшаг зүйлнүүдынь тоо томшогүй.

Псалманууд 100:5

Дүтын хүнөө нюусаар муулажа байгаашадые усадхахаб, бардам харасатай, дээрэлхүү зантай хүниие тэсэжэ байхагүйб.

Псалманууд 105:5

Танай шэлэһэн зоной жаргалые харахым тула, Танай арад түмэнтэй хүхилдэхын, Танай уг залгамжатай хамта Таниие магтахын тула!

Псалманууд 111:2

Тэрэнэй үри һадаһад дэлхэй дээрэ хүсэ шадалтай байха, ד Даалэт сэхэ шударга зоной уг удам юрөөгдэхэ. ה Һээ

Псалманууд 111:7

Тэрэ муу мэдээнһээ айхагүй, נ Нүүн зүрхэ сэдьхэлынь Эзэндэ бата этигэнэ. ס Саамэх

Псалманууд 139:14

Зүб шударга зон Тэрэнэй нэрэ алдаршуулха, үнэн сэхэ зон Тэрэнэй урда амидархал.

Псалманууд 145:6

Тэрэ огторгой, газар, далай бүтээгээд, досоонь байгааша бүхы юумэ байгуулаа. Тэрэ үнэн сэхэеэ хэтэ мүнхэдөө сахин,

Псалманууд 78:12

Эзэн, Таниие баһаһанайнь түлөө баһалтыень хүршэнэртэмнай долоо дахин үлүүгээр бусаагаарайт!

Псалманууд 92:5

Танай һургаал заабаринууд үнэн зүб. Эзэн, нангин үргөөтнай хэтэдээ арюун.

Псалманууд 99:4

Хаалгаарнь һайе хүргэн, хашаа руунь магтаал үргэн орогты. Тэрээндэ талархал үргэжэ, нэрыень алдаршуулагты!

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Даниил 6:20

Нүхэндэ дүтэлхэдөө тэрэ сошон-мэгдэн иигэжэ Даниилые дуудаба: – Амиды Бурханай богоол болохо Даниил! Саг үргэлжэ зальбардаг Бурханшни шамайе арсалануудһаа абаржа шадаа гээшэ гү?!

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Иоанн 1:17

Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Хуули дабталга 31:30

Израилиин бүхы улад зон сугларжа, Моисей тэдээндэ бултандань сэхэ энэ дууе, бүхы үгэнүүдыень эсэс хүрэтэрынь иигэжэ үгүүлэн дуулаба:

Хуули дабталга 32:3

Эзэнэй нэрэ дуулан магтанаб! Бурханайнгаа агууехые магтагты!

Хуули дабталга 34:5

Иигэжэ Моисей, Эзэнэй зараса, тэндэ, Моһаабай газарта, Эзэнэй айладаһанай ёһоор, наһанһаа нүгшэһэн байна.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Еврейнүүдтэ 3:5

Моисей Бурханай гэртэ зарасадал адли найдабаритай байхадаа, Бурханай ерээдүйдэ хэлэхэ юумые гэршэлэн хэлэхэ ёһотой байгаа.

Нүүнэй Иисүүс 22:5

Гансал Эзэнэй богоол Моисейн танда захиһан захяа хуулиие жэншэдгүй сахихые оролдогты: Эзэндэ, танай Бурханда дуратай байгты, Тэрээнэй замаар ябагты, Тэрээнэй захяае хадагалжа ябагты, Тэрээндэ няалдажа, бүхы зүрхөөрөө, бүхы сэдьхэлээрээ алба хэгты.

Гэршэлгэ 1:8

«Би хадаа Альфа, Омега гээшэб!» – гэжэ Эзэн Бурхан хэлэнэ. Тэрэ хододоо байгаа, байнашье, байхашье, Хамагые зонхилогшо мүн.

Гэршэлгэ 11:17

Тэдэ иигэжэ хэлэбэ: – Хододоо байһан, мүнөөшье байгаа Хамагые зонхилогшо Бурхан, Танда баяр баясхалан хүргэнэбди, Та агууехэ һүр хүсэеэ харуулжа, Хаан болобот.

Гэршэлгэ 14:3

Тэдэнэр хаан шэрээгэй урда, дүрбэн амитадай болон ахамадуудай урда байгаад, магтаал дуу зэдэлүүлнэ. Газар дэлхэйһээ сүлөөлэгдэһэн зуун дүшэн дүрбэн мянган тэдэ хүнүүдһээ бэшэ ондоо хэншье эдэ дуунуудые дуулажа шадаагүй.

Гэршэлгэ 14:8

Дары хойноһоонь баһа ондоо, хоёрдохи Эльгээмэл иигэжэ хашхаран ниидэжэ ябаа: «Бүхы арад үндэһэтэниие забхайралайнгаа бузар архи уулгажа хорлоһон агуу ниислэл Вавилоон хото хосороо, хосороо!»

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Гэршэлгэ 19:16

Тэрэнэй суба дээрэ, гуя дээрэ иигэжэ бэшээтэй: хаашуулай Хаан, эзэдүүдэй Эзэн.

Гэршэлгэ 19:2

Ушарынь хэлэбэл, Тэрэнэй шиидхэбэринүүд үнэн зүб юм! Бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ! Зарасанарайнь шуһа адхаруулһанайнь түлөө Янхан эмые Бурхан хэһээгээ!

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!