Гэршэлгэ 11:2 - Библи

² Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.

Шэнэ Хэлсээн

² Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй юм. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.

Гэршэлгэ 11:2 Referencias Cruzadas

Псалманууд 79:1

[Дуунай бүлэгэй хүтэлбэрилэгшэдэ: «Хэлсээнэй сараананууд» гэдэг аялга. Асаапай псалма.]

Исай 48:2

Таанад өөһэдыгөө нангин хотын ажаһуугшад гээшэбди гэжэ нэрлэнэт, Түмэн Сэрэгтэ Эзэн гэжэ нэрэтэй Израилиин Бурханда түшэглэнэбди гэлдэнэт.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Гашуудал 1:10

Эгээл үнэтэ бүхы зүйлдэнь дайсан гараа һарбайгаад байна. Суглаандань байхые өөрынь хоригшо үндэһэтэдэй Нангин газар руунь орожо байхые тэрэ хаража байна.

Эзэкээл 4:6

Энээнэй дүүрэһэнэй удаа баруун таладаа эрьелдэжэ, жэлһээ жэлдэ, жэлдээ дүшэн үдэрэй туршада, гэм зэмэйнь түлөө хэһээлтэ амасан байхаш.

Эзэкээл 42:20

Иигэжэ нангин үргөө дүрбэн талаһаа тэб тэбхэр, алишье хажууһаа табан зуун тохой байба. Хананууд иигэжэ нангин зүйлые нангин бэшэһээ илгадаг бэлэйл.

Даниил 12:7

Голой урасхал өөдэ байгааша, улһан хубсаһа үмдөөшэ тэрэ нэгэн хоёр гараа тэнгэри өөдэ һунгаад, иигэжэ хэлэбэ: – Хэтэ мүнхын Бурханай нэрээр тангаригланаб: гурбан жэлэй үнгэрхэдэ, нангин арад түмэнэй хүсэ шадалай дууһахада энэ дүүрэхэ.

Даниил 7:19

Тиихэдэнь бусадһаа ондоо, угаа аймшагтай, түмэр шүдэтэй, зэд һабартай, бүхы юумэ үрэбхижэ, һандаргаажа, үлөөшые дэбһэжэ байгша тэрэ дүрбэдэхи амитан тушаа тайлбарилан үгэхыень, мүн тиихэдэ тархи дээрэхи арбан эбэр гээшэ юун бэ, гурбан эбэрэй унахада һууридань ургааша, нюдэдтэй, аматай, дээрэлхүүгээр дуугарагша, бусад эбэрнүүдһээ томошог тэрэ үнөөхи эбэр гээшэ юун бэ гэжэ тайлбарилжа үгэхыень гуйгаа һэм.

Даниил 7:25

Дээдын дээдэ Бурханай урдаһаа һөөргэдэн тэрэ үгэ хэлэдэг болохо, Тэрэнэй гэгээшүүлые харшалха, һайндэрнүүдые, Хуули ёһые үгы хэхэеэ һэдэхэ. Гэгээшүүл тэрэнэй мэдэл доро нэгэ сагай, хоёр сагай, хахад сагай хугасаанууд соо байха.

Даниил 8:10

Огторгойн түмэн сэрэг хүрэтэр тэрэ ургажа, зарим сэрэг, мүшэдые газар руу унагаан, дэбһэбэ.

Даниил 8:13

Нэгэ гэгээнэй нүгөөдэ гэгээнһээ иигэжэ асуужа байһые дуулаа бэлэйб: – Үдэр бүриин үргэл, мүн тиихэдэ доромжолго, дээрмэдэлгэ доро байгааша нангин газар, сэрэг тушаа үзэгдэл удаан үргэлжэлхэ гээшэ гү?

Даниил 8:14

Тэрэнь иигэжэ харюусаба: – Хоёр мянган гурбан зуун үдэшэ, үглөө. Удаань нангин газар дахин һэргээгдэхэ.

Тоололго 14:34

Таанад тэрэ газарые дүшэн үдэр соо тагнан шэнжэлээт. Тиимэһээ мүнөө хэһэн нүгэлэйнгөө түлөө дүшэн жэл соо тулиха зобохот, нэгэ үдэр нэгэ жэлтэй сасуу. Тиихэдээл таанад Намһаа холодолго ямар бэ гэжэ ойлгохот».

Матвей 27:53

Иисүүсэй амидырһан хойно тэдэнэр агы нүхэн хуурсагуудһаа гаража, нангин Иерусалим хото ороо, тэндэ тэдэниие олон хүн хараһан байгаа.

Матвей 4:5

Һүүлдэнь шолмос Иисүүсые нангин Иерусалим хото абаашажа, Һүмын орой дээрэ байлгаба.

Матвей 5:13

Таанад газар дэлхэйн зоной дабһан хужарынь гээшэт. Хэрбээ дабһанай амтаяа гээгээ һаань, тэрэниие яажа дахин гашуун болгохоб? Амтагүй дабһан юундээшье хэрэггүй болоод, миил хаягдажа, хүнэй хүлдэ гэшхүүлхэ зэргэтэйл.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Еврейнүүдтэ 10:29

Зүгөөр Бурханай Хүбүүндэ зэбүүрхэдэг, өөһэдыень нүгэлнүүдһээнь арилгаһан Бурханай хэлсээнэй шуһые нангин гэжэ тоодоггүй хүнүүд, үршөөл хайрын Һүлдые доромжолдог хүнүүд тэрээнһээ долоон доро хэһээлтэдэ хүртэхэ ёһотой!

Гэршэлгэ 11:11

Теэд гурба хахад үдэрэй үнгэрхэдэ тэдэ хоёрой досоонь амидарал үгэдэг Бурханай һүлдэ орожо, мүнөөхи хоёрынь хүл дээрээ бодошобо, тиихэдэнь тэндэ хаража байһан хүнүүд айхын ехээр айжа мэгдэбэ.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».

Гэршэлгэ 12:6

Харин эхэнэр сүл губи руу тэрьелжэ ошобо. Тэндэ эхэнэрэй байха байрые Бурхан түхеэрээ һэн. Мянга хоёр зуун жаран үдэрэй турша соо тэрэ байрадань эхэнэрые харууһалжа байха.

Гэршэлгэ 21:10

Тиин Арюун Һүлдөөр намайе аргагүй үндэр хада дээрэ абаашаад, тэнгэри дээрэһээ Бурханһаа доошоо буужа ябаһан Арюун нангин Иерусалим хотые намда харуулба.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 22:19

Энэ номой уридшалан хэлэгдэһэн үгэнүүд сооһоо ямар нэгэн юумэ хаһажа хаяа болболынь, тэрэнэй амидаралай модоной үрэ жэмэс эдихэ эрхые, Нангин Хотодо орохо эрхые Бурхан хаһаха. Энэ модон ба энэ хото тухай энэ ном соо бэшээтэй.