Гэршэлгэ 10:5 - Библи

⁵ Далай дээрэ, газар дээрэ байхыень минии хараһан Эльгээмэл баруун гараа огторгой өөдэ үргэбэ.

Шэнэ Хэлсээн

⁵ Далай дээрэ, газар дээрэ байхыень минии хараһан Бурханай Эльгээмэл баруун гараа огторгой өөдэ үргэбэ.

Гэршэлгэ 10:5 Referencias Cruzadas

Эхин 14:22

Гэбэшье Абрам иигэжэ харюусаба: – Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб.

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Псалманууд 146:5

Манай Эзэн агууехэ, хүсэ шадалынь угаа ехэ, оюун ухааниинь хизааргүй.

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Египедһээ гаралга 6:8

Абраһаамда, Исаак болон Яковта үгэхэб гэжэ тангариглаһан орон дэбисхэртэ таанадые оруулхаб, уг удамарайтнай эзэлэн һууха газар болгожо үгэхэб. Би Эзэн мүн гээшэб!»

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Эзэкээл 20:23

Иигээд элһэн сүл губида ондоо шахаа тангариг үргэбэб, үндэһэ яһатадай дундуур тэдэниие тараан сасахаб гэжэ тангариглаа бэлэйб.

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Эзэкээл 20:42

Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.

Эзэкээл 20:5

Минии, Эзэн Бурханай, Израилиие Өөрын арад түмэн болгон шэлэһэн, Египет орон нютагта тэдээндэ Өөрыгөө харуулжа, өөһэдынь болон үри һадаһадайнь Бурхан болохоб гэжэ Яковай обогто тангариг үргэһэн тухайм тэдээндэ дуулгаарай.

Эзэкээл 36:7

Тойроод байгааша арадуудтнай өөһэдөө наада энеэдэнэй зүйл болохо гэжэ Би, Эзэн Бурхан, шахаа тангаригаа үгэнэб.

Эзэкээл 47:14

Энэ газарые уг залгамжалгын газар болгон үршөөхэб гэжэ Би гараа үргэн тангариглаа бэлэйб. Мүнөө энэ газарые зүбөөр хубаарилан эдлэгты.

Даниил 12:7

Голой урасхал өөдэ байгааша, улһан хубсаһа үмдөөшэ тэрэ нэгэн хоёр гараа тэнгэри өөдэ һунгаад, иигэжэ хэлэбэ: – Хэтэ мүнхын Бурханай нэрээр тангаригланаб: гурбан жэлэй үнгэрхэдэ, нангин арад түмэнэй хүсэ шадалай дууһахада энэ дүүрэхэ.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Хэрэгүүд 17:23

Юундэб гэхэдэ, танай мүргэл шүтөөнүүдые хаража байхадаа, «мэдэгдээгүй Бурханда» гэжэ бэшээтэй үргэлэй шэрээ би оложо харааб. Танай мэдээгүй аад, шүтэжэ мүргэжэ байһан эгээл тэрэ Бурхан тухай би номножо байнаб.

Римэйхиндэ 1:20

Бурханай харагдадаггүй мүнхэ һүр хүсэн болон Бурханай мүн шанарынь газар дэлхэйн бүтээгдэхэһээ эхилэн Тэрэнэй бүхы бүтээһэн юумэнүүдые хаража үзэһэнэй ашаар эли ойлгогдоно. Тиимэһээл үнөөхи зондо өөһэдыгөө хамгаалха юумэн байхагүй.

Хуули дабталга 32:40

Гараа огторгой руу һарбайжа, Өөрын амиды байһаар тангаригланаб:

Еврейнүүдтэ 6:13

Бурхан Абраһаамые найдуулхадаа, найдуулһанаа бэелүүлхэб гэһэн дашаа тангариг үгөө. Өөрһөөнь дээгүүр хүнэй үгы юм хада Бурхан Өөрынгөө нэрээр тангариглаа.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.

Гэршэлгэ 10:2

Дэлгээтэй багахан ном тэрэнэй гарта байба. Тиигээд баруун хүлөө далай дээрэ, зүүн хүлөө газар дээрэ табиба.

Гэршэлгэ 14:7

«Бурханһаа айжа түбэгшөөжэ байгыт! Тэрэнэй алдар солые суурхуулан магтажа байгыт! Юуб гэбэл, Бурханай зарга шүүбэри хэхэ сагынь ерээд байнал! Огторгой тэнгэриие, газар дайдые, далай мүрэнүүдые Бүтээгшын урда һүгэдэн мүргыт!»

Гэршэлгэ 16:17

Долоодохи Эльгээмэл өөрынгөө аяга соохиие агаар руу сасан адхаба. Тиихэдэнь «Бүтэбэ даа!» – гэһэн шанга абяан Һүмын хаан шэрээгэй зүгһөө дуулдаба.

Гэршэлгэ 4:11

– Манай Эзэн Бурхан, Та али бүхы алдар солодо, нэрэ хүндэдэ, засаг түрэдэ хүртэмөөр байнат! Бүхы юумэн Танаар бүтээгдээ, Танай хүсэл зоригоор байгуулагдаа.

Гэршэлгэ 4:9

Хаан шэрээ дээрэ Һуугаашада – хэтэ мүнхэдөө Амидарагшада алдар соло, нэрэ түрэ, баяр баясхалангаа тэдэ амитадай хүргэхэдэнь,