Гэршэлгэ 1:1 - Библи

¹ Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Шэнэ Хэлсээн

¹ Һаяар юун болохоёо байнаб гэжэ бүгэдыень зарасанартаа харуулхын тула Иисус Христосой гэршэлгые Бурхан тэрээндэ даалгаа һэн. Христос Өөрынгөө зараса Иоаннда Бурханай Эльгээмэлые ябуулжа, энээн тухай соносхоһон юм.

Гэршэлгэ 1:1 Referencias Cruzadas

Даниил 8:16

Уһан татуур Улай дээгүүр иимэ абяан дуулдаба: – Габриһээл! Энэ үзэгдэлые тэрээндэ ойлгуула.

Даниил 9:21

Иигэжэ мүргэжэ байхадамни урид үзэгдэлдөө минии харагша Габриһээл ниидэн ерэжэ, урдамни бии болобо. Энэ болбол үдэшын үргэлэй үедэ бэлэй.

Даниил 9:23

Шинии мүргэн зальбаржа эхилхэдэ, зарлиг гараа һэн. Тиигээд шэлэжэ абтаһан шамда тэрэниие дуулгахаяа ерээб. Тэрэ зарлигые ойлго, үзэгдэлые таажа аба.

Амоос 3:7

Үнэн дээрээ Эзэн Бурхан зарасанартаа, лүндэншэдтээ, нюусаяа нээгээгүйдээ юушье хэдэггүй.

Иоанн 12:49

Би Өөрһөө хэлэнэгүйб, ушарынь гэхэдэ, Намайе эльгээһэн Эсэгэ юу хэлэхэб, яагаад номнохоб гэһэн захяа Намда үгөө юм.

Иоанн 15:15

Саашадаа таанадые Минии зарасанар гэжэ нэрлэхэгүйб, зараса гээшэ эзэнэйгээ юу хэдэгые мэдэнэгүй бшуу. Би таанарые хани нүхэдни гэжэ нэрлэнэб: Эсэгэһээ мэдэжэ абаһан бүхы юумэеэ дуулгабаб.

Иоанн 17:8

Намда Танай дамжуулан үгэһэн үгэнүүдые Би тэдэндэ дамжуулбаб, эдэ үгэнүүдыетнай тогтоон абаа, тиин Намайе Танһаа ерээ гэжэ үнэхөөрөө ойлгоо, Намайе Та эльгээгээт гэжэ этигээ.

Иоанн 3:32

Тэрэ нюдөөрөө хараһанаа, шэхээрээ дуулаһанаа Өөрөө гэршэлэн хэлэнэ, теэд Тэрэнэй гэршэ баримтада хэншье этигэнэгүй.

Иоанн 8:26

Таанар тухай хэлэхэ, таанарые гэршэлэн зэмэлхэ олон юумэн Намда бии, теэд Намайе эльгээһэн Эсэгэһээ дуулаһанаал энэ дэлхэйнхидтэ хэлэнэб, харин Намайе эльгээгшэ үнэн зүб юм.

Римэйхиндэ 16:25

Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

Галадуудта 1:12

Би тэрэниие хүнүүдһээ дуулаагүйб, нэгэшье хүн намайе тэрээндэ һургаагүй, харин Иисүүс Христоос тэрэниие намда нээгээ.

Эфесэйхиндэ 3:3

Бурхан нюусаяа намда нээжэ үгөө. Энээн тухай би түрүүн тобшохоноор бэшэһэн байгааб.

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисүүс Христоосой элшэн Павел бэшэнэ. Бурхан Эсэгэ болон манай Абарагша Иисүүс Христоос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, һунгаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээгээ. Энэ үнэн зүйл мүнхын амидаралда найдаха гол түшэг болоно. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ Өөрынгөө һургаалда нээгээ. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номноноб.

Гэршэлгэ 1:19

Ши юу хараабши, мүнөө ямар юумэн боложо байнаб, хожом юун болохоб – энээн тухай ши бэшээрэй.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 17:1

Долоон аягатай долоон Эльгээмэлнүүдэй нэгэниинь ерээд, намтай хөөрэлдэжэ эхилбэ: «Наашаа ерэ даа, олон гол мүрэнүүдэй эрьедэ һуугша аргагүй забхай Янхан эмые ямар хатуу шанга хэһээлтэдэ оруулха байһыень шамда харуулхамни.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».

Гэршэлгэ 19:9

Удаань намда Эльгээмэл иигэжэ хэлэбэ: «Буулгажа бэшээд аба! Үргэлэй Хурьганай түрэ найрта урилга абагшад жаргалтай! Энэ Бурханай хэлэһэн ёһотойл үнэн зүб үгэнүүд гээшэ!»

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 21:9

Удаань гай аюулай һүүлшын долоон дүүрэн аягатай долоон Эльгээмэлэй нэгэниинь ерэжэ, намтай хөөрэлдэбэ: «Харалши даа, би шамда бэриеэ – Үргэлэй Хурьганай һамгые үзүүлхэб!» – гэбэ.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.

Гэршэлгэ 22:6

Эльгээмэл намда иигэжэ айладхаа: «Эдэ үгэнүүдтэ этигэхэдэ болохо, эдэ үгэнүүд үнэн зүб юм. Лүндэншэдтэ Өөрынгөө һүлдые үгэгшэ Эзэн Бурхан һаяар ямар юумэнэй болохые Өөрынгөө зарасанарта харуулхынь тула Эльгээмэлээ ябуулаа».

Гэршэлгэ 22:8

Би, Иоанн энээниие дуулааб, харааб. Энэниие дуулаад, хараад байхадаа, эдэ бүгэдые намда харуулһан Эльгээмэлэй хүлдэнь унажа, һүгэдэн мүргөөб.

Гэршэлгэ 22:9

Теэд Эльгээмэл намда иигэжэ хэлээ: «Боли даа, иимэ юумэ бү хэ! Би шам шэнгил, шинии лүндэншэд – аха дүүнэр шэнгил, энэ номой үгэнүүдые сахин бэелүүлэгшэдтэйл адли зарасаб. Ши Бурханда һүгэдэн мүргэ!»

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.

Гэршэлгэ 5:7

Үргэлэй Хурьган хаан шэрээдэ дүтэлэн ерэжэ, тэндэ Һуугаашын баруун гарһаань ном абаба.