Галадуудта 5:11 - Библи

¹¹ Аха дүүнэрни, хэрбээ бэлгээ отолуулга аша туһатай гэжэ минии айладабал, намайе хашан мүрдэхэгүй байгаа. Тиигэбэл Иисүүс Христоосой хэрээһэн тухай һургаал би номнохогүй һэм, зонойшье дунда үймөөн болохогүй һэн.

Шэнэ Хэлсээн

¹¹ Аха дүүнэрни, хэрбээ бэлгээ отолуулхада аша туһатай юм гэжэ минии хөөрэжэ байбал, намайе хашан мүрдэхэгүй байгаа. Тиигэбэл Иисус Христосой хэрээһэн тухай һургаал би номнохогүй һэм, хүн зонойшье дунда худхаляа хуймаа гарахагүй һэн.

Галадуудта 5:11 Referencias Cruzadas

Исай 8:14

Би зониие арюудханаб, Иудын, Израилиин хан түрэнүүдтэ бүдэрдэг шулуун, торожо унадаг шулуун мэтэ байхаб. Иерусалимай улад зониие бариха урьха занга мэтэб.

Хэрэгүүд 16:3

Павел тэрэниие хажуудаа абажа ябаха һанаатай байгаа. Тимофейн эсэгэнь грек хүн гэжэ мэдэдэг энэ нютагай еврейнүүдэй аша туһада тэрэ хүбүүнэй бэлгэ отолуулба.

Хэрэгүүд 21:21

Тэдэ зон тан тухай: «Тэрэ бусад арадуудай дунда ажаһуудаг еврейнүүдые Моисейн Хуулиһаа холодуулан, хүбүүдээ бү отолуулагты, ёһо гуримуудаа бү сахигты гэжэ һургана», – гээд хэлсэнэ.

Хэрэгүүд 21:28

– Израильшууд! Туһалыт! – гэжэ һүхирэлдэбэ. – Энэл хүн манай улад зон, Хуули, газар доромжолһон һургаал хүн бүхэндэ хаа хаанагүй номноно. Мүнөө грегүүдые һүмэдэ асаржа, нангин газар бузарлаа!

Коринфынхидтэ 1-дэхи 1:18

Христоосой хэрээһэн дээрэ үхэһэн тухай мэдээсэл хосорогшодто ямаршье удхагүй тэнэг юм, харин абарагдажа байһан бидэндэ тэрэ мэдээсэл Бурханай һүр хүсэн болоно.

Коринфынхидтэ 1-дэхи 1:23

Харин бидэ саазалуулагдаһан Христоос тухай, еврейнүүдэй дурые гутаадаг, бусад арадуудта, ямаршье удхагүй байдаг мэдээсэлые номнонобди.

Коринфынхидтэ 1-дэхи 15:30

Бидэшье юундэ аюул оһолтой үргэлжэ нюураараа туланабибди?

Галадуудта 2:3

Юун гэжэ һананат? Замаймни нүхэр Тит гэдэг грек хүбүүе бэлгээ отолуула гэжэ хэншье баалаагүй.

Галадуудта 3:1

Ай, мунхаг тэнэг галаадууд! Хэн таниие эльбэдэбэ гээшэб? Минии номноходо хэрээһэндэ саазалагдаһан Христоосые таанад нюдөөрөө хаража байһандал байгаа бэшэ һэн гүт?

Галадуудта 4:29

Тиихэдэ хүнүүдэй хэлсээгээр түрэһэн хүбүүн Бурханай найдуулгаар түрэһэн хүбүүе яажа хашан мүрдөө һэм, тиигэжэл мүнөө таанадыешье мүрдэнэ.

Галадуудта 6:12

Хүнүүдтэ һайшаагдаха дуратай зон бэлгээ отолуулхыетнай баадхана, тиихэдээ тэдэнэр Христоосой хэрээһэнэй түлөө хашуулха мүрдүүлхэ дурагүй байна.

Галадуудта 6:17

Саашадаа хэншье намда зоболон бү асараг, юуб гэхэдэ, би Иисүүсэй шархануудые бэе дээрээ абажа ябанаб.