Галадуудта 4:8 - Библи

⁸ Урдань таанад Бурханиие мэдэхэгүй ушарһаа үнэн дээрээ бурхад бэшэ «бурхадуудта» алба хэжэ байгаат.

Шэнэ Хэлсээн

⁸ Урдань таанад Бурханиие мэдэхэгүй байһан дээрэһээ үнэн дээрээ бурхад бэшэ «бурхадуудта» алба хэжэ байгаа бэлэйт.

Галадуудта 4:8 Referencias Cruzadas

2 Угай бэшэг 13:9

Эзэндэ алба хэдэг Аһарооной угай санаартадые болон левидүүдые таанад үлдэжэ, хари газарай арадуудай зониие санаартад болгон табяат. Буха болон долоон хони абаад ерэһэн лэ хүн таанадай хуурмаг бурхадуудай санаартан бологшо.

Египедһээ гаралга 5:2

– Эзэн гээшэш хэн гээшэб? Юундэ би Тэрэнэй үгэ дуулажа, израильшуудые табиха болоо хүмбиб? Эзэн гэжэ мэдэхэшьегүйб, тэдэ зониие табихашьегүйб, – гэжэ фараон харюусаба.

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Ерэмияа 10:25

Танда мүргэдэггүй үндэһэ яһатан дээрэ, мүн Таниие тоодоггүй улад зон дээрэ уур хилэнгээ адхыт. Тэдэ арад зонииетнай алаа, һалгаагаа, хюдаа, орон нютагыемнай һандаргаагаа.

Ерэмияа 16:20

Хүн өөртөө бурхадые хэжэ шадаха гү? Үгы! Тиигээ һаань, тэдэ – ёһотой Бурхан бэшэ байхал! – гэжэ хэлэнэ.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Иоанн 1:10

Тэрэ хадаа юртэмсэ дэлхэй соо байгаа, юртэмсэ дэлхэй Тэрээгээр зохёон бүтээгдэһэншье һаа, Тэрээниие дэлхэйнхид танибагүй.

Хэрэгүүд 14:12

Тэдэ зон Барнаабые Зевс гэжэ, Павелые ехээр юумэ хэлэдэг байһанайнь түлөө Һэрмээс гэжэ нэрлэбэд.

Хэрэгүүд 17:23

Юундэб гэхэдэ, танай мүргэл шүтөөнүүдые хаража байхадаа, «мэдэгдээгүй Бурханда» гэжэ бэшээтэй үргэлэй шэрээ би оложо харааб. Танай мэдээгүй аад, шүтэжэ мүргэжэ байһан эгээл тэрэ Бурхан тухай би номножо байнаб.

Римэйхиндэ 1:23

Тэдэнэр алдарта, мүнхэ Бурханда һүгэдэхын орондо һүнэн һалаха хүнүүдтэ гү, али шубуудта, амитадта, мүлхигшэдтэ адли онгонуудта шүтэнэ.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан Өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Коринфынхидтэ 1-дэхи 12:2

Һүзэглөөгүй байхадатнай таанадые оло дахин төөрюулдэг, дуугүй онгонуудта шүтэхэдэ түлхидэг байгаа гэжэ мэдэнэт.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Галадуудта 4:3

Бидэшье бага балшар наһандаа энэ дэлхэйн эмхи гуримгүй хүсэнүүдэй мэдэлдэ байгаабди.

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Фессалоникиинхидтэ 1-дэхи 4:5

Бурханиие мэдэхэгүй бусад арадуудта адли зальхай забхай хүсэлэнгүүдтэ бү абтагты.

Нүүнэй Иисүүс 24:15

Эзэндэ шүтэхэ дурагүй һаа, хэндэ алба хэхэеэ мүнөө шэлэгты, голой саана ба Египедтэ танай эсэгэнэрэй алба хэһэн бурхадта алба хэхэ гүт, али танай һуужа байһан газарай арадай, эмооршуудай, бурхадта гү? Би, минии гэр бүлэ Эзэндэ алба хэхэбди.

Нүүнэй Иисүүс 24:2

Иисүүс арад зондо хандаа: – Эзэн, Израилиин Бурхан иигэжэ хэлэнэ: «Эртэ урданһаа танай эсэгэнэр голой саана байгаа. Абраһаамай эсэгэ Тээраа, Нахоорой эсэгэ ондоо бурхадта албан хэдэг байгаа.

Пётрой 1-дэхи хандалга 4:3

Урдань таанад бусад арадуудай хэхэ дуратай юумэнүүдые хэжэ, нилээн саг үнгэргөөт. Зохихогүй юумэнүүдые үйлэдэжэ, зальхайржа, архидажа, һогтуу хүнүүдээр ниилэжэ, найрлажа, онгонуудта жэрхэдэһэтэйгээр мүргэжэ байгаат.

Иоаннай 1-дэхи хандалга 3:1

Хараад үзыт, Эсэгэ Бурхан маанадта ямар ехэ дуратай байгааб! Бидэнэр Бурханай үхибүүд гэжэ нэрлэгдэнэбди. Үнэхөөрөөшье тиимэбди! Газар дэлхэйнхид бидэниие Бурханай үхибүүд гэжэ мэдэнэгүй, юундэб гэбэл, Бурханиие тэдэ мэдэнэгүй бшуу.