Галадуудта 4:19 - Библи

¹⁹ Үхибүүдни, амидаралтнай Христоосоор халин дүүрэхын тула би түрэжэ байһан эхэнэртэл адли зобоноб.

Шэнэ Хэлсээн

¹⁹ Үхибүүдни, Христосто һүзэглэжэ байһантнай эли болохын тула би түрэжэ байһан эхэнэртэл адли зобожо байнаб, найдажа байнаб.

Галадуудта 4:19 Referencias Cruzadas

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Лука 22:44

Иисүүс дабашагүй гашуудалда абтажа, улам ехээр зальбарба; хүлһэниинь шуһанай дуһал мэтээр газарта дуһаба.

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 8:29

Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха.

Коринфынхидтэ 2-дохи 12:14

Гурбадахияа таанадтай ошожо уулзахаяа би бэлэн байнаб, тиихэдээ ашаан болохогүйб. Би алта мүнгэндэтнай һанаарханагүйб, харин өөһэдыетнай бэдэрнэб. Үхибүүд аба эжыдээ алта мүнгэ суглуулха бэшэ, харин аба эжынь үхибүүдтээ суглуулжа байха ёһотой.

Эфесэйхиндэ 4:13

Тиимэһээ бидэ бултадаа нэгэ этигэл һүзэгтэй болохо, Бурханай Хүбүүниие мэдэрхэ ёһотойбди. Бидэ Христоосой хүсэд болбосорһон хэмжээндэ хүрэн, хүсэд болбосорһон хүнүүд болохо ёһотойбди.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.

Филиппынхидтэ 1:8

Иисүүс Христоосой таанадта хайра дуратай байдагтал тон адляар миниишье та бүхэндэ хайра дуратай байһые Бурхан мэдэнэ.

Филиппынхидтэ 2:17

Танай этигэл һүзэгтнай, албантнай Бурханда үргэгдэһэн үргэлдэ адли юм. Тэрэ үргэлтэйтнай хамта миниишье шуһан үргэл болон адхарха ёһотой байжа магадгүй. Тиигэбэл би та бүхэнтэй хамта баярлажа байнаб.

Филиппынхидтэ 2:5

Таанад Иисүүс Христоостол адли һанал бодол түрүүлэгты:

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 2:1

Таанадай, Лаодики хотынхидой болон намайе нюураарни танихагүйшье хүнүүдэй түлөө эршэтэйгээр минии ажаллажа байһан тухай мэдэжэ байхыетнай хүсэнэб.

Колоссынхидтэ 3:10

Таанад шэнэ хүнүүд болобот. Таанадта Өөрыгөө бүрин мэдүүлхын тула Бурхан, Бүтээгшэ тиимэ хүнүүдые бүрил Өөртөө адли болгон шэнэдхэдэг.

Колоссынхидтэ 4:12

Иисүүс Христоосой зараса, таанадай үшөө нэгэн болохо Эпапраас таанадта баһа амар мэндые хүргэнэ. Тэрэ таанадай эрхим түгэс боложо, Бурханай эрхэ хүсэлые бүрин мэдэжэ байхын тула таанадай түлөө үргэлжэ Бурханда зальбардаг юм.

Фессалоникиинхидтэ 1-дэхи 2:7

Бидэ Христоосой элшэд юм хадаа таанадһаа мүнгэнэй туһаламжа абаха аргатай байгаабди. Зүгөөр бидэ үхибүүдтээ һаналаа табижа байдаг эхэнэр шэнги таанадтай ехэл зөөлэн байгаабди.

Филимондо 1:10

Христоосто этигээд, намаар заалгажа хүбүүмни болоһон Онисимай түлөө би шамайе гуйнаб. Түрмэдэ һууха үедөө би тэрээндэ ухаа заадаг эсэгэнь болооб.

Филимондо 1:19

Тэрэ үриень түлэхэб гэжэ би, Павел, өөрынгөө гараар бэшэжэ байнаб. Ши өөрөө ами наһаараа намда үритэй һэнши гэжэ би шамда һануулнагүйб.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Иоаннай 1-дэхи хандалга 2:1

Үхибүүдни, саашадаа нүгэл шэбэл хэхэгүйнтнай тула би энээниие бэшэнэб. Хэрбээ хэн нэгэнэй нүгэл хээ һаа, Эсэгэ Бурханай урда маниие Хамгаалагша, үнэн сэдьхэлтэ Иисүүс Христоос бии.

Иоаннай 1-дэхи хандалга 2:12

Үхибүүдни, би таанадта хандажа бэшэнэб: таанарай хэһэн нүгэл хилэнсэтнай Христоосой алдар нэрын аша туһада хүлисэгдэбэ.

Иоаннай 1-дэхи хандалга 5:21

Үхибүүд, өөһэдыгөө хуурмаг бурхадһаа һэргылжэ ябагты.

Иоаннай 3-дахи хандалга 1:4

Минии үхибүүд бодото зүб хэрэгтэ үнэн сэхэ зандаа гэжэ дуулахадаа, энээнһээ бүри ехэ баяр баясхалан намда байдаггүй.