Галадуудта 3:29 - Библи

²⁹ Хэрбээ Христоостой нэгэдэбэл, таанад Абраһаамай үри һадаһад гээшэт, тиигээд Абраһаамда найдуулһан бүхэниие залгамжалан абахат.

Шэнэ Хэлсээн

²⁹ Хэрбээ Христостой нэгэдээд байбал, таанад Абраһамай үри һадаһад гээшэт, тиигээд Абраһамда найдуулһан бүхэниие залгамжалжа абахат.

Галадуудта 3:29 Referencias Cruzadas

Матвей 3:9

Үбгэ эсэгэмнай Абраһаам юм гэжэ өөһэд тухайгаа бү бодогты, юундэб гэхэдэ, Бурхан энэ хэбтэһэн шулуугааршье Абраһаамда үри хүүгэдые бүтээжэ шадаха юм гэжэ танда хэлэхэ байнаб.

Римэйхиндэ 8:17

Бидэ Тэрэнэй үхибүүдынь хадаа Өөрын хүнүүдтэ хадагалажа байһан буян хэшэгэйнь залгамжалагшад гээшэбди, баһа Христоосто бэлдээтэй юумые Христоостой хамта залгамжалхабди. Христоосой зоболонгуудые хубаалсаа юм хадаа, Тэрэнэй алдарташье хүртэлсэхэбди.

Коринфынхидтэ 1-дэхи 15:23

Гэхэдээ хүн бүхэн өөрынгөө ээлжээгээр, хамагай түрүүн Христоос, тиигээд Тэрэнэй ерэхэдэ, бүхы Тэрэнэй хүнүүд амидыруулагдаха.

Коринфынхидтэ 2-дохи 10:7

Таанад юумэнүүд тухай гансал гадаада талаарнь тухайлнат. Христоосой мэдэлдэ байнаб гэһэн бата этигэлтэй хүн өөртэйнь тон адляар Христоосой мэдэлдэ бидэнэйшье байһые мэдэрхэ ёһотой.

Галадуудта 3:16

Харин Абраһаамда, тэрэнэй үридэ Бурхан найдуулга үгөө. Үри хүүгэдтэш гэжэ хэлэгдээгүй, харин үридэшни гэжэ нэгэл хүн тухай хэлэгдээ, тиин тэрэ нэгэнь – Христоос гээшэ.

Галадуудта 3:18

Юундэб гэхэдэ, хэрбээ уг залгамжалга Хуулиин ёһоор үгтэдэг һаа, найдалга хэрэггүй байгаа. Гэбэшье Бурхан Абраһаамые найдуулһан ёһоороо шагналдаа хүртөөгөө юм.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Галадуудта 3:7

Абраһаамдал адли Бурханда һүзэглэдэг зон Абраһаамай үри һадаһад гэжэ таанар мэдэжэ байгты.

Галадуудта 4:1

Уг залгамжалагша балшар үхибүүн ябахадаа бүхы юумэнэй эзэн байбашье, зарасаһаа юугээрээшье илгардаггүй.

Галадуудта 4:7

Иихэдээ ши зараса бэшэ, харин Христоосоор дамжан, Бурханай хүбүүниинь, уг залгамжалагшань болобош.

Галадуудта 5:24

Өөһэдыгөө Христоос Иисүүстэ зорюулһан хүнүүд махабад бэеэ хорхойтолготойнь, хурисал ташаяантайнь хэрээһэндэ хадаа.

Галадуудта 6:16

Энэ гурим сахидаг хүн бүхэн, Израилиин Бурханай хүнүүд энхэ тайбанда, үршөөл хайрада оршохонь болтогой!

Эфесэйхиндэ 3:6

Тэрэнь бусад арадууд Һайн Мэдээсэлэй ашаар баһал Бурханай үршөөлдэ хүртэхэ, тэдэнэр баһал нэгэ бэеын эрхэтэн болохо, Бурханай Иисүүс Христоосоор дамжуулһан найдуулга баһа тэдэндэ үгтэхэ гэһэн удхатай юм.

Еврейнүүдтэ 1:14

Тиихэдээ Эльгээмэлнүүд хэд гээшэб? Тэдэ Бурханда алба хэжэ, абарагдаха ёһотой хүнүүдтэ туһалхаар Бурханай эльгээһэн һүлдэнүүд гээшэ.

Еврейнүүдтэ 11:18

«Исаагаар дамжан, ши Минии үгэхэб гэһэн үри хүүгэдтэй болохош», – гэжэ Бурхан тэрээндэ хэлэбэ.

Еврейнүүдтэ 11:7

Ерээдүйдэ тохёолдохо уһан галаб тухай хэнэйшье уридшалан мэдээгүй байхада Ной этигэл һүзэгөөрөө Бурханһаа һэргылэмжэ абаад, Бурханай үгөөр байжа, өөрыгөө болон өөрынгөө гэр бүлые абарха корабль баряа. Эсэстэнь, газар дэлхэйнхид гэмнэгдээд, Ной этигэл һүзэгөөрөө Бурханһаа үнэн сэдьхэлтэнэй залгаламша болобо.

Еврейнүүдтэ 6:17

Найдуулһан юумыень абаха ёһотой байһан хүнүүдтэ эрхэ хүсэлөө хубилгахагүй байһанаа элеэр харуулхын тулада Бурхан найдуулгаа тангаригаараа баталаа.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Гэршэлгэ 21:7

Илагша бүхы эдэ юумэнүүдые Намһаа абаха. Би тэрэнэй Бурханиинь болохоб, тэрэ Минии хүбүүмни болохо.