Филиппынхидтэ 3:1 - Библи

¹ Аха дүүнэрни, Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Шэнэ Хэлсээн

¹ Аха дүүнэрни, Дээдын Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Филиппынхидтэ 3:1 Referencias Cruzadas

1 Угай бэшэг 15:28

Бүхы израильшууд шаг шууяа татан, эбэр бүреэ дуугарган, бүреэнүүдэй, хэнгэрэгэй хүгжэм доро, хуур, арфа дээрэ наадан, Эзэнэй хэлсээнэй ханза тэлэн абаашаха замдань дууряан ябаба.

1 Угай бэшэг 16:10

Нангин нэрыень магтан дуулагты. Эзэндэ эрмэлзэгшэ зоной зүрхэ сэдьхэл баясан байг лэ!

1 Угай бэшэг 29:22

Тэрэ үдэр Эзэнэй урда урма баяртайгаар эдеэлбэ, ундалбад; үглөөдэрынь Давидай хүбүүн Соломоониие хан шэрээдэ залан һуулгабад, Эзэнэй урда тэрэниие зонхилогшоор томилон тоһоор түрхибэ, ахамад санаартанаар Цадоогые һунгабад.

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Иоов 22:26

Тиигэбэл ши Түгэс Хүсэтэдэ түшэг тулга оложо, сэдьхэлшни тэнигэр болохо, Бурхан тээшэ харахаш.

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Псалманууд 32:11

Эзэнэй шиидхэбэри хэтэ мүнхэдөө хубилхагүй, тогтоолынь үеын үедэ байхал.

Псалманууд 33:1

[Давид Абимээлэхэй урда галзуурһан дүрэ үзүүлжэ үлдүүлээд ябаһан үедөө зохёогоо.] א Алээп

Псалманууд 37:4

Танай хилэнһээ боложо, бэедэм элүүр газар үгы, нүгэлһөөм боложо, яһамни үбдэнэ.

Псалманууд 42:4

Баяр, хүхюу байдал үршөөдэг Бурханай үргэлэй шэрээдэ дүтэлэн ошохоб. Ятагаар хүгжэмлэн, Танда, Бурхандаа, өөрын Бурхандаа, магтаал үргэхэб.

Псалманууд 5:11

Бурхан, тэдэниие хэһээгыт! Һанамжалһан юумэнь өөһэдэйнь толгой дээр бууг! Нүгэлтэй тэдэниие намнажа үлдыт! Тэдэ Таниие буруушаана бшуу!

Псалманууд 97:1

[Псалма.] Эзэндэ шэнэ дуу дуулагты, юуб гэбэл, Тэрэ гайхамшаг хэрэгүүдые хээ. Баруун гарынь, арюун шандааһаниинь илалта Тэрээндэ туйлуулаа.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 65:14

Тэдэ баясан хүхилдэн байха, харин таанад сүхэрэн-орилон байхат.

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Цэпаанияа 3:14

Сионой басаган, дуугаа дуула! Израилиин зон, баяртайгаар хашхаралдыт! Иерусалим, үнэнхэ зүрхэнһөө баясан, сэнгэн байгаарай!

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Матвей 5:12

Баярлажа, хүхижэ ябагты! Тэнгэридэ таанадта агууехэ шагнал бэлдээтэй байна. Эртэ урда ажамидарһан лүндэншэдые баһал иигэжэ хашажа үлдэжэ байһан юм.

Лука 1:47

Бурхан тухай, намайе Абарагша тухай сэдьхэн, һүр һүлдэмни урма баяраар халина.

Римэйхиндэ 5:11

Бурханай маанадтай эб найрамдал тогтоохоор Эзэн Иисүүс Христоосые эльгээһэн ушарта бидэ аргагүй баяртай байнабди.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Эфесэйхиндэ 6:10

Эсэстэнь иигэжэ хэлэһүү: Эзэнэй һүр хүсөөр бэхижэгты.

Хуули дабталга 12:18

Эдэ бүгэдые Эзэн Бурханайнгаа урда, Тэрэнэй шэлэһэн газарта эдеэрэйт. Таанад хүбүүд, басагадтаяа, бүхы зарасанартаяа, хото соотнай байдаг левидүүдтэй хамта эдэниие эдижэ, Эзэн Бурханайнгаа урда хүхилдэн, хэһэн ажалаараа сэдьхэлээ ханан байгты.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.

Филиппынхидтэ 4:8

Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

Фессалоникиинхидтэ 1-дэхи 4:1

Аха дүүнэрни, Бурханда һайшаагдадаг ажамидарал ямар байдаг бэ гэжэ таанад бидэнһээ һураа бэлэйт. Мүнөөшье таанад тиимэ ажамидаралтай байнат. Тиин саашадаашье тиигэжэл ажамидарагты гэжэ бидэ мүнөө Эзэн Иисүүсэй нэрээр таанадые гуйха, аргадаха байнабди.

Фессалоникиинхидтэ 1-дэхи 5:16

Ходо баяртай байгты.

Яковай хандалга 1:2

Аха дүүнэрни, элдэб олон бэрхэшээл зоболонгуудые үзэхэдөө, өөһэдыгөө жаргалтайбди гэжэ тоологты.

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты.

Пётрой 1-дэхи хандалга 4:13

Зүгөөр, Христоосой зоболонгуудые хубаалсажа байһандаа баясажа байгаарайт, Тэрэнэй һүр жабхалантайгаар ерэхэ Үдэрнь таанад баясахат, хүхихэт.

Пётрой 2-дохи хандалга 3:1

Хайрата аха дүүнэрни, таанадта хоёрдохиёо бэшэнэб. Түрүүн бэшэһэн юумэнүүдээ һануулан, зосоотнай арюун һанал бодолнуудые түрүүлхэ гэжэ оролдобоб.

1 Хаан түрэнүүд 2:1

Ханнаа иигэжэ зальбаран мүргэбэ: – Эзэн зүрхыем баяраар билтаруулаа, Бурханай туһаар хүсэн түгэс болооб. Дайсадаа наада харан хүхинэб, Эзэнэй туһалһанда угаа баяртайб.