Филиппынхидтэ 2:7 - Библи

⁷ Харин орондонь хамаг эрхэ түрэеэ Тэрэ дуратайгаар орхёод, зарасын дүрсэ дүрсэлжэ, маанадтал адли болон, хүн түхэлтэй мүндэлбэ.

Шэнэ Хэлсээн

⁷ Харин орондонь хамаг эрхэ түрэеэ тэрэ дуратайгаар орхёод, зарасын дүрсэ дүрсэлжэ, маанадтал адли болон, хүн түхэлтэй мүндэлбэ.

Филиппынхидтэ 2:7 Referencias Cruzadas

Псалманууд 22:6

Танай Һайн һайхан болон хайра энэрэл наһанайм туршада намайе хододоо дахан ябаха. Эзэнэй үргөө соо би удаан сагта оршохоб.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 49:3

Тэрэ намда иигэжэ айладхаа бэлэй: «Ши Минии зараса гээшэш, Израиль. Шамһаа боложо зон Намайе магтан байха».

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Даниил 9:26

Жаран хоёр долоон хоногой үнгэрхэдэ, шэлэгдэһэн удамарша алуулагдаха, хэншье тэрээнтэй үлэхэгүй. Удаань хариин удамарша сэрэгээрээ үер мэтэ ерэжэ, хото болон нангин үргөөе һандарган һүйдхэхэ, дайн дажарай дүүрэтэр гай һандарал үргэлжэлхэ.

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 12:18

«Энэ болбол Минии шэлэжэ абаһан зараса, сэдьхэлдэмни таарама инаг хайрата Хүбүүмни гээшэ. Арюун Һүлдэеэ тэрээндэ хайрлахаб, Тэрэ бүхы арадуудта Зарга шүүбэри тухаймни айладхаха.

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Марк 9:12

Иисүүс харюусаба: – Үнэхөөрөө Элияа түрүүн ерэжэ, бүхы юумэ бэлдэхэ ёһотой. Тиихэдээ юундэ Хүн түрэлхитэнэй Хүбүүн ехээр зобохо, Тэрээнһээ арсаха юм гэжэ Нангин Бэшэг соо хэлээтэй байдаг бэ?

Лука 22:27

Хүнүүд хэниие дээгүүр гэжэ тоолодог бэ, хоол барижа байһан хүниие гү, али тэрээндэ заруулжа байһан хүниие гү? Хоол барижа байһан хүниие шухала гэжэ бододог бэзэ даа! Харин Би танай дунда зарасада мэтэ байнаб.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Римэйхиндэ 1:3

Бурхан Һайн Мэдээсэл номнохыемни намайе шэлэжэ абаа. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан амалаа. Тэрэ Мэдээсэлынь Бурханай Хүбүүн, манай Эзэн Иисүүс Христоос тухай. Иисүүс хүнэй бэе бэелхэдээ Давидай үри һадаһан боложо түрөө. Харин Тэрэнэй һүр хүсэтэй Бурханай Хүбүүн байһыень, үхөөд амидырхадань Арюун Һүлдэ харуулаа. Бүхы яһатаниие, тиихэдэ Иисүүс Христоосой дуудаһан таанадые һүзэгтэй, мэдэлдэ оросотой болгохын тула Бурхан Хүбүүгээрээ дамжан, Тэрэнэй аша туһада намайе элшэн болгон үршөөгөө.

Римэйхиндэ 15:3

Юундэб гэбэл, Христоосшье ганса бэеэ бодожо байгаагүй. Харин: «Таниие доромжолһон баһалтанууд Нам дээрэ буугаа», – гэжэ Нангин Бэшэг соо бэшэгдэһэнэй ёһоор болоо.

Римэйхиндэ 15:8

Бурханай үбгэ эсэгэнэртэ үгэһэн найдуулгын бүтэһые харуулан, Христоос еврейнүүдэй зарасань болон ерээ гэжэ би хэлэнэб.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Коринфынхидтэ 2-дохи 13:4

Хэрээһэн дээрэ хадуулан саазалуулхадаа, Тэрэ һула байбашье, Бурханай хүсэ шадалаар амиды ябаа. Тэрээнтэй нэгэдэхэдээ, бидэ ахир һуланууд байнабди, тиин Тэрээнтэй хамта Бурханай хүсэ шадалаар амиды ябахыемнай таанад харахат.

Коринфынхидтэ 2-дохи 8:9

Таанад манай Эзэн Иисүүс Христоосой үршөөл хайрые мэдэнэт. Тэрэ баян байһан аад, танай аша туһада үгытэй ядуу болоо. Өөрынгөө үгытэй ядуу байдалаар Тэрэ таанадые баяжуулаа.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Филиппынхидтэ 2:6

Тэрэ анханһаа Бурханай шанартай аад, Бурхантай нэгэ зиндаада байха ёһотойб гэжэ Өөр тухайгаа бодоогүй.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Еврейнүүдтэ 13:3

Түрмэдэ һууһан хүнүүд тухай тэдэнтэй суг хаагдаһан мэтэл һанажа байгты. Зобожо байһан хүнүүдтэй адли зоболсон, тэдэниие һанажа байгты.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.