Филиппынхидтэ 2:14 - Библи

^14-16 Ямаршье гэмгүй, арюун сэбэр, эрхим һайн Бурханай үхибүүдынь байхын тула таанад юушье хэхэдээ, бү гэмэрэлдэгты, арсалдаа бү гаргагты. Забхай зальхай, нүгэл шэбэлтэй зоной дунда амидархадаа амидарал хайрладаг мэдээсэлые хатуугаар баримталан, таанад тэдэ зоной дунда тэнгэридэ гэрэлтэжэ байһан одо мүшэдтэл адли яларан толоржо байха ёһотойт. Тиигэбэлтнай, Христоосой заларан ерэхэ үдэр би таанадаар бахархан омогорхохо шалтагаантай байхаб, бүхы оролдолгонуудни, үйлэ хэрэгүүдни дэмы үнгэрөөгүй гэжэ мэдэхэлби.

Шэнэ Хэлсээн

^14-16 Ямаршье гэмгүй, арюун сэбэр, эрхим һайн Бурханай үхибүүдынь байхын тула таанад юушье хэхэдээ бү гэмэрэлдэгты, арсалдаа бү гаргагты. Забхай зальхай, нүгэл шэбэлтэй зоной дунда амидархадаа амидарал хайрладаг мэдээсэлые хатуугаар баримталан, таанад тэдэ зоной дунда тэнгэридэ гэрэлтэжэ байһан одо мүшэдтэл адли яларжа толоржо байха ёһотойт. Тиигэбэлтнай Христосой заларан ерэхэ үдэр би таанадаар бахархан омогорхохо шалтагаантай байхаб, бүхы оролдолгонуудни, үйлэ хэрэгүүдни дэмы үнгэрөөгүй гэжэ мэдэхэлби.

Филиппынхидтэ 2:14 Referencias Cruzadas

Псалманууд 106:25

Тэрэ үгэ айладхаа – һалхин үлеэбэ, далайн долгинуудые дабалгатуулаба.

Һургаал 13:10

Бэеэ дээгүүр абхуулдаг зан гансал хэрэлдээндэ асардаг. Заабари шагнадагынь сэсэн байна.

Тоололго 14:27

– Хэрүүлшэ энэ арад Намда хэды болотор дураа гутахаб? Израильшуудай Намда гомдожо байхые Би соносожо байнаб.

Матвей 20:11

Тэдэ хүлһэеэ абаад, гэрэй эзэнэй урдаһаа гэмэрэлдэбэ.

Марк 14:5

Энэ тоһо бидэ гурбан зуун динаряар худалдаад, мүнгыень үгытэйшүүлдэ хубаажа үгэхэ байгаабди, – гэжэ тэрэ эхэнэрые зэмэлбэ.

Марк 9:14

Иисүүсэй гурбан шабинартайгаа хамта бусад шабинартаа ерэхэдэнь, тэдэнииень ехэ олон зон тойроод, Хуули заадаг багшанарай тэдээнтэйнь арсалдажа байхань харагдаба.

Лука 5:30

– Юундэ таанад алба татаашадтай, нүгэл хэгшэдтэй хамта эдеэлжэ, ундалжа һуунабта? – гэжэ фарисейнүүд болон Хуули заадаг багшанар Иисүүсэй шабинарта хандажа, гэмэр-гутар гэлдэбэ.

Хэрэгүүд 15:2

Энэ асуудалай талаар Павел Барнааба хоёр тэдэнтэй нилээд заргалдаба, арсалдаба. Тиимэһээ энэ асуудалые элшэнэртэй ба бүлгэмэй хүтэлэгшэдтэй зүбшөөд ерэхыень Павел Барнааба хоёрые хэдэн һүзэглэгшэдтэй хамта Иерусалим эльгээхэ гэжэ шиидэбэ.

Хэрэгүүд 15:39

Энээн дээрэһээ Павел Барнааба хоёр зүрилдөөд хахасабад. Барнааба Маркые дахуулаад, Кипр арал руу тамаран ошобо.

Хэрэгүүд 15:7

Арсалдаан гараһаар нилээд удаан сагай үнгэрһэн хойно Пётр бодожо: – Аха дүүнэрни! – гэбэ. – Бусад арадуудай дунда Һайн Мэдээсэл номнон этигэл түрүүлхымни тула Бурхан үни гэһээр намайе таанадай дундаһаа шэлэжэ абаа һэн гэжэ һайн мэдэнэт.

Хэрэгүүд 6:1

Шабинарай тоо олошорон нэмэгдэхэ тэрэ үдэрнүүдтэ грек хэлэтэй еврейнүүд нютагайнгаа еврейнүүдтэ гэмэрэлдэбэ, юундэб гэхэдэ, үдэр бүхэн хубаагдадаг хоол тэдэнэй бэлбэһэн эхэнэрнүүдтэ хүртэдэггүй байгаа.

Римэйхиндэ 12:18

Хүн бүхэнтэй эбтэй эетэй байхые хэшээжэ, бүхы шадалаараа шармайгты.

Римэйхиндэ 14:1

Этигэл һүзэгөөр һула хүнүүдые хүндэлжэ байгты, һанамжанууд тухайнь тэдэнтэй бү арсалдагты.

Римэйхиндэ 16:17

Аха дүүнэр, таанадай һуража абаһан бүхы юумые буруушаан, бэрхэшээл зоболон тулгаруулдаг, һүзэглэгшэдэй бүлгэмые хоорондонь хубаадаг хүнүүдһээ болгоомжолжо байгты гэжэ гуйнаб. Таанад тиимэ зонһоо зайсажа байгты.

Коринфынхидтэ 1-дэхи 10:10

Тэдэнэй зариманиинь гэмэрэлдээд, Үхэлэй Эльгээмэлээр амяа һүнөөлгөө. Тиимэһээ бидэ тэдэндэл адли гэмэрэлдэхэ ёһогүйбди.

Коринфынхидтэ 2-дохи 12:20

Таанадта ошоходоо, бидэ бэе бэедээ урмаа хухарна гүбди гэжэ һэргылнэб. Таанадай дунда хэрүүл ама, атаа жүтөө, уур сухал, хэрэлдээ, хардалга, хоблолго, омогорхолго, журамгүй байдал гараагүй аабза гэжэ айнаб.

Галадуудта 5:15

Харин бэе бэеэ таһара удара таталсажа, эдилсэжэ байһаар таанар өөһэдыгөө сүм хюдажа бү һалгаажархигты.

Галадуудта 5:26

Ехээрхүү дээрэлхүү зан гаргангүй, бэе бэедээ өөдэрхэн хэрүүлхэнгүй, атаархангүй ябаял даа.

Филиппынхидтэ 2:3

Юумэ хэхэдээ, өөр тухайгаал бү бодогты, али хүнэй магтаалда хүртэхын лэ тула бү оролдогты. Зүгөөр даруу номгон байгты, бусад зониие өөрһөө дээгүүр бодожо байгты.

Фессалоникиинхидтэ 1-дэхи 5:13

Хэжэ байһан ажалайнь түлөө тэдэнээ хүндэлжэ, тэдээндээ дуратай байгты. Өөһэд хоорондоо эбтэй эетэй байгты.

Фессалоникиинхидтэ 1-дэхи 5:15

Таанадта муу юумэ хэхэдэнь, харюудань муу юумэ бү хэгты, харин бэе бэедээ, хүн бүхэндэ ходо һайн юумэ хэхые оролдогты.

Еврейнүүдтэ 12:14

Хүн бүхэнтэй эбтэй эетэй байхые, арюун амидаралтай һуухые оролдожо байг, тиигээгүй хүнүүд Эзэн Бурханиие харахагүй.

Яковай хандалга 1:20

Таанад уурлаха сухалдахадаа, Бурханай хүсэһэн дэмбэрэлтэй юумэнүүдые бүтээжэ шадахагүйт.

Яковай хандалга 3:14

Теэд сэдьхэлдээ хорон атаархалтай, ганса бэеэ бододог аад, сэсэн ухаатайб гэжэ һайрхан, худал юумэ хэлэн, үнэн зүбые бү далдалагты.

Яковай хандалга 5:9

Аха дүүнэр, бэе бэедээ гомдохол бү баригты, тиигэбэл таанад гэмнүүлхэгүйт; Заргаша Бурхан үүдэнэй саана зогсоно.

Пётрой 1-дэхи хандалга 3:11

Тэрэ хүн дорой юумэнһээ буруу хаража, һайн һайханиие үйлэдэг, эб эеые бэдэрэн һэдэжэ, энхэ тайбан байдалые найруулжа байг.

Пётрой 1-дэхи хандалга 4:9

Бэе бэеэ гэртээ айлшалуулхадаа, элдэбээр бү гэмэрэлдэгты.

Иудын хандалга 1:16

Тэдэнэр бүхы юумэндэ дурагүйсэһэн гэмэрэлдэгшэд, тэдэнэр ташаяангы хүсэлэнгүүдээ дахажа ажамидардаг, ёһорхуу омог үгэнүүдээр өөһэдыгөө магтадаг, алта мүнгэндэ шуналтайгаар билдагуушалдаг.