Филиппынхидтэ 1:6 - Библи

⁶ Тиихэдэ таанадай дунда үлзы һайхан үйлэ хэрэг бүтээжэ эхилһэн Бурхан Иисүүс Христоосой заларан ерэхэ үдэр хүрэтэр тэрэ хэрэгээ залируулангүй бүтээжэл байха гэһэн хатуу этигэлтэй байнаб.

Шэнэ Хэлсээн

⁶ Тиихэдэ таанадай дунда үлзы һайхан үйлэ хэрэг бүтээжэ эхилһэн Бурхан Иисус Христосой заларан ерэхэ үдэр хүрэтэр тэрэ хэрэгээ залируулангүй бүтээжэл байха гэһэн хатуу этигэлтэй байнаб.

Филиппынхидтэ 1:6 Referencias Cruzadas

Псалманууд 138:8

Минии тэнгэри руу ошоходо, Та тэндэ байнат. Минии Үхэлэй орон соо ороо заһабал, Та мүн лэ тэндэ байнат.

Иоанн 6:29

– Бурханай эльгээһэн хүндэ таанар этигэгты, тиихэдээл Бурханай хэрэгые бүтээһэн болохот, – гэжэ Иисүүс харюусаба.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 16:14

Тэдэ эхэнэрнүүдэй дунда Тиатир хотын Лидия гэжэ нэрэтэй, улаан бүд наймаалдаг Бурханда һүзэглэдэг эхэнэр бидэниие шагнажа байгаа. Эзэн Павелай хэлэжэ байһан үгэнүүдые энэ эхэнэрэй дуулажа абахын тула оюун ухааень нээбэ.

Коринфынхидтэ 1-дэхи 1:8

Манай Эзэн Иисүүс Христоосой ерэхэ үдэр ямаршье гэмгүй байхынтнай тула Тэрэ таанадые һүүл хүрэтэрнь батадхажа байхал.

Коринфынхидтэ 2-дохи 1:15

Эдэ бүхы юумэнүүдтэ хатуу этигэлтэй байһан хадаа хоёрдохиёо буян хэшэгтэ хүртэхынтнай тула би түрүүн таанадта ошохые түсэблэжэ байгааб.

Коринфынхидтэ 2-дохи 2:3

Дахин ошоод, намайе баярлуулха ёһотой хүнүүдһээ гашуудаха дурагүй байһандаал би түрүүн бэшэһэн байгааб. Минии баяртай байхада таанадшье булта баяртай байдагта гэһэн хатуу этигэлтэй байнаб.

Коринфынхидтэ 2-дохи 7:16

Таанадта бүрин найдажа болохо байһандаа би ехэл баяр жаргалтай байнаб.

Коринфынхидтэ 2-дохи 9:4

Зүгөөр Македониин зоной ошоходо, тэрэтнай бэлэн байха ёһотой. Үгы һаа, бидэшье, үшөө ехээр таанадшье эшэхэ улайха болохолта.

Галадуудта 5:10

Гэхэтэй сасуу таанад зүбөөр бодомжолжо байхат гэһэн найдалга Бурхан намда үгэнэ. Харин таанадые зүб харгыһаа хадууруулһан хүн, хэншье байг, илгаагүй зэмэлэгдэхэ.

Эфесэйхиндэ 4:12

Тэрэ Бурханай хүнүүдые Бурханда алба хэхэ ажалда бэлдэхын тула, Христоосой бэеые бодхоохын тула тиигээ.

Филиппынхидтэ 1:10

Тиигэбэл таанад үнэн зүбые шэлэхэ аргатай байхат. Тиигээд Иисүүс Христоосой заларжа ерэхэ үдэр таанад арюун сэбэр, ямаршье гэмгүй байхат.

Филиппынхидтэ 1:29

Ушарынь хэлэбэл, таанад Христоосто гансал һүзэглэн алба хэхэ бэшэ, харин Тэрэнэй түлөө зоболон амсан үүргээ бэелүүлхэ табилантайт.

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Филиппынхидтэ 2:13

Ушарынь гэхэдэ, Бурхан Өөрөө сэдьхэлдэтнай хүсэлнүүдые бадараадаг, хэхэ ёһотой юумэеэ хэжэ байха тээшэ таанадые хүтэлдэг.

Колоссынхидтэ 2:12

Таанад уһаар арюудхагдахадаа, Христоостой хамта үхөөт, тиихэдээл Тэрэниие амидыруулһан Бурханай хүсэндэ этигэжэ, Христоостой хамта амидыруулагдаат.

Фессалоникиинхидтэ 1-дэхи 1:3

Эсэгэ Бурханай урда тээ этигэл һүзэгөө хэрэг дээрээ бэелүүлдэг байһыетнай, хайра дуран ажалыетнай бэхижүүлдэг байһыень, Эзэн Иисүүс Христоосто бэхи батаар найдажа байдагыетнай бидэ үргэлжэ һанадагбди.

Фессалоникиинхидтэ 2-дохи 1:11

Тиимэһээл бидэ таанадай түлөө ходо зальбаржа байдагбди. Зохистой ажамидархынтнай тула Бурхан таанадые дуудаа. Тиин тэрэ ажамидаралые Бурхан таанадта үршөөг лэ. Дэмбэрэлтэй юумэ бүтээхэ гэһэн хүсэлэнгүүдыетнай Бурхан Өөрынгөө хүсөөр бэелүүлэг лэ, этигэлтэйгээр хэжэ байһан хэрэгүүдыетнай эсэстэнь хүргэг лэ.

Фессалоникиинхидтэ 2-дохи 3:4

Таанад бидэнэй захирһан юумые хэхэт, саашадаашье хэжэ байхат гэһэн хатуу этигэл Эзэн бидэндэ үгэнэ.

Филимондо 1:21

Хэлэһэн юумыемни хэхэш гэһэн этигэлтэйгээр эдэ бүхэниие шамда бэшэнэб. Хэлэһэнһээмни үлүүшье юумэ хэжэ болохош гэжэ би мэдэнэб.

Еврейнүүдтэ 10:35

Зоригоо бү алдагты, тиигэбэл агууехэ шагналда хүртэхэт.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

Пётрой 2-дохи хандалга 3:10

Гэхэтэй сасуу Эзэнэй Үдэр хулгайшандал адли һанамсаргүй байхада ерэхэ. Тэрэ Үдэр огторгой шангаар дуугаран үгы болохо, огторгойдо байһан нара, һара, одо мүшэд шатажа һүнэхэ, газар дэлхэй болон дээрэнь оршоһон бүхы юумэнүүд галда шатан усадхагдаха.