Филиппынхидтэ 1:27 - Библи

²⁷ Эдэ бүгэдэндэ нэмэжэ хэлэбэл, таанад Христоос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Шэнэ Хэлсээн

²⁷ Эдэ бүгэдэндэ нэмэжэ хэлэбэл, таанад Христос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Филиппынхидтэ 1:27 Referencias Cruzadas

1 Угай бэшэг 19:12

Ёһааб иигэжэ хэлэбэ: – Хэрбээ араамшуудай намһаа үлүү хүсэтэй байгаа һаань, ши намда туһалхаш. Харин аммоонуудай шамһаа хүсэтэй байгаа хадань, би шамда туһалхаяа ерэхэб.

Псалманууд 122:3

Маанадые хайрлыт, Эзэн, хайрлыт, юуб гэбэл, бидэ угаа ехээр доромжологдообди.

Псалманууд 133:1

[Үгсэлгын дуун.] Зай, Эзэнэй бүгэдэ богоол таанар, Нангин үргөө соонь байгааша та бүгэдэнэр, һүни Тэрээндэ магтаал үргыта!

Һургаал 22:23

Эзэн ядуу хүнүүдэй гомдол шүүн шиидхэжэ, тэдэниие зобооһон хүнүүдэй амииень абана.

Ерэмияа 32:39

Ажамидарха сагтань ори ганса зорилго тэдээндэ заажа үгэхэб: өөһэдын болон уг удамайнгаа аша туһада тэдэ Намайе хүндэлэн байг лэ.

Матвей 12:25

Тэдэ фарисейнүүдэй һанал бодол мэдэжэ байһан Иисүүс тэдээндэ иигэжэ хэлэбэ: – Хэдэн бүлэг боложо хубааралдаад, хоорондоо хёморолдоһон алишье хаан орон хооһорон, бутаран һалаха. Баһа хоорондоо хубааралдажа хёморолдоһон алишье хото, үгы һаа гэр бүлэ мүн лэ бутаран һалаха.

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Хэрэгүүд 24:24

Хэдэн үдэрэй үнгэрһэн хойно Феликс Друзиилла һамгатаяа (тэрэнь еврей эхэнэр) ерэжэ, Павелые дуудажа асаруулаад, Христоос Иисүүстэ һүзэглэдэг тухайгаа хөөрэхыень шагнаба.

Хэрэгүүд 4:32

Һүзэглэгшэд булта нэгэ һанал бодолтой һэн. Тэдэнэй хэнииньшье хубита зөөри зөөшэеэ минии гэдэггүй, байһан бүхы юумээрээ бэе бэетэйгээ хубаалдадаг һэн.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Римэйхиндэ 1:9

Зальбарха бүхэндөө таанад тухай дурдажа, таанадтай хэзээшьеб уулзуулхыень гуйдаг байһыемни Бурхан мэдэхэ. Би Хүбүүн тухайнь Һайн Мэдээсэл номнон, үнэн зүрхэнһөө Тэрээндэ алба хэнэб.

Римэйхиндэ 10:8

Юундэб гэбэл, «Бурханай үгэ шамтай хамта байна, хэлэ амандашни, зүрхэ сэдьхэлдэшни оршоно». Эгээл тэрэ мэдээсэлые бидэ таанадта номнонобди.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Римэйхиндэ 15:29

Таанадта ерэхэдээ, би Христоосой буян хэшэгээр таанадтай элбэг дэлбэгээр хубаалсахаб гэжэ мэдэнэб.

Коринфынхидтэ 1-дэхи 1:10

Аха дүүнэр, хоорондоо хубааралдажа байхагүйн тула һаналаа нэгэдүүлжэ байгты, нэгэ һанал бодолтой, нэгэ зорилготой байгты гэжэ Манай Эзэн Иисүүс Христоосой нэрэ түрөөр та бүхэндэ гуйн ханданаб.

Коринфынхидтэ 1-дэхи 15:58

Тиимэһээ, инаг хайрата аха дүүнэрни, Эзэнэй түлөө хэһэн ямаршье ажалтнай дэмы бэшэ гэжэ мэдэн, Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Коринфынхидтэ 2-дохи 9:13

Таанадай Христоос тухай мэдээсэлые баримталжа байһые, тэрэнээ баталан өөһэдтэйнь болон бусад зонтой бардам хубаалсажа байһые хараһандаа тэдэ Бурханиие алдаршуулна.

Галадуудта 1:7

Христоосой һургаалһаа ондоо үнэн зүб һургаал үгы юм! Харин таанадые үймүүлжэ, Христоосой һургаалые буруудхаха һанаатай хүнүүд лэ бии.

Эфесэйхиндэ 1:13

Таанадшье баһа өөрынгөө абаралга тухай үнэн зүб Бурханай үгэ дуулаад, Христоосто этигээт, тиин Бурхан Арюун Һүлдэеэ таанадта үгэн, Өөрынгөө тамга таанад дээрэ дараба.

Эфесэйхиндэ 1:15

Тиимэһээ таанадай Эзэн Иисүүстэ һүзэглэжэ, Бурханай хүнүүдые бүгэдыень энхэржэ хайрлажа ябадаг тухай дуулахадаа,

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Филиппынхидтэ 1:5

юундэб гэхэдэ, таанад Һайн Мэдээсэл дэлгэрүүлхэдэмни анха түрүүшын үдэрһөө эхилэн мүнөө болотор намда туһалжа хамһалсажа байгаат.

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Филиппынхидтэ 2:24

Би өөрөөшье Эзэнэй эрхэ мэдэлээр һаядаа таанадта ошохоб гэһэн бата этигэлтэйб.

Филиппынхидтэ 3:18

Олон хүнүүд Христоосой хэрээһэндэ хадуулжа үхэһэн ябадалда эсэргүүсэһэн дайсад мэтэ ажамидардаг гэжэ би таанадта урдань оло дахин хэлээ һэм, мүнөөшье нулимсаа гарган дабтанаб.

Филиппынхидтэ 3:20

Харин бидэнэр тэнгэриин харьяалай хүнүүд гээшэбди, бидэ тэнгэриһээ өөһэдынгөө Абарагша, Эзэн Иисүүс Христоосой ерэхые аргагүй ехээр хүлеэнэбди.

Филиппынхидтэ 4:1

Инаг хайрата аха дүүнэрни, би таанадые ехэл үгылжэ байнаб. Таанад намайе баяр жаргалаар дүүргэнэт, таанадаар би омогорхоноб. Инаг хайрата аха дүүнэрни, иигэжэл Эзэндэ үнэн сэхэ байгты.

Колоссынхидтэ 1:10

Тиигэбэл таанад Эзэнэй хүсэһэн ёһоор ажамидаржа, Тэрээндэ һайшаагдаха юумые хэжэ байхат. Таанад дэмбэрэлтэй хэрэгүүдые бүтээжэ, Бурханиие бүрил һайн мэдэрдэг болохо һэнта.

Фессалоникиинхидтэ 1-дэхи 3:6

Мүнөө Тимофей бусажа ерээ, танай һүзэг ба дуран тухай һайн мэдээсэл асараа. Таанад бидэниие ходо һайнаар дурданат, таанадые харахаяа ехээр хүсэдэгтэмнайл адляар таанадшье бидэниие харахаяа ехэл хүсэнэт гэжэ тэрэ дуулгаа.

Фессалоникиинхидтэ 1-дэхи 4:1

Аха дүүнэрни, Бурханда һайшаагдадаг ажамидарал ямар байдаг бэ гэжэ таанад бидэнһээ һураа бэлэйт. Мүнөөшье таанад тиимэ ажамидаралтай байнат. Тиин саашадаашье тиигэжэл ажамидарагты гэжэ бидэ мүнөө Эзэн Иисүүсэй нэрээр таанадые гуйха, аргадаха байнабди.

Тимофейдэ 1-дэхи 1:11

Һайн Мэдээсэлэй үнэн зүб һургаалые намда алдарта ба үршөөлтэ Бурхан айладхажа байхыемни даалгаһан байна.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй, һүзэгөө алдаа.

Тимофейдэ 2-дохи 4:7

Бүхын барилдаанда би һайн барилдааб, урилдаанай тэмсээндэ гүйжэ дүүргээб, этигэл һүзэгөө алдаагүйб.

Тидтэ 2:10

юумыень хулуунгүй, харин гүйсэд үнэн сэхэ байхыень һургаарай. Тэдэнэр ямаршье юумэ хэхэдээ, Абарагша Бурханаймнай һургаалда туһатай юумэ хэжэ байха ёһотой.

Филимондо 1:5

Бурханай бүхы зондо эльгэтэй байһан тухайшни, Эзэн Иисүүс Христоосто һүзэглэжэ байһан тухайшни дуулажа байдагби.

Яковай хандалга 3:18

Эб найрамдал найруулагшад эб найрамдалай үрэ тарихадаа, үнэн зүбэй ургаса хададаг юм.

Пётрой 2-дохи хандалга 3:11

Эдэ бүхы юумэнүүдэй иимэ аргаар һүнэжэ байхада, таанад ямархан хүнүүд байха ёһотойбта? Таанад гэгээн амидаралтай, өөһэдыгөө Бурханда зорюулһан байха ёһотойт,

Пётрой 2-дохи хандалга 3:14

Тиимэһээ, хайрата аха дүүнэрни, тэрэ Үдэрые хүлеэжэ байхадаа, Бурханай урда ямаршье бузаргүй, арюун сэбэр байхые, Бурхантай энхэ тайбан оршожо байхые оролдыт даа.

Иудын хандалга 1:3

Хүндэтэ аха дүүнэрни, бидэ бүгэдын абарагдаха тухай би бэшэхэ һанаатай байгааб. Тиихэ зуураа Бурханай зондо нэгэтэ, гэхэдэ хэтын хэтэдэ үгтэһэн һүзэгэй түлөө таанад тэмсэхэ ёһотойт гэжэ уряалан бэшэхэ хэрэгтэй гэжэ тоолоноб.