Филиппынхидтэ 1:17 - Библи

¹⁷ Харин намда атаархаһан номногшод Христоос тухай үнэн зүрхэнһөө айладханагүй. Тэдэ намайе түрмэдэ бүри ехээр зобоолгохо зорилготойгоор лэ номноно.

Шэнэ Хэлсээн

¹⁷ Харин намда атаархаһан номногшод Христос тухай үнэн зүрхэнһөө айладханагүй. Тэдэ намайе түрмэдэ бүри ехээр зобоолгохо зорилготойгоор лэ номноно.

Филиппынхидтэ 1:17 Referencias Cruzadas

Лука 21:14

Тиигээд өөһэдыгөө хамгаалжа юу хэлэхэ тухай эртэнһээ һанаагаа бү зобооройгты.

Хэрэгүүд 22:1

– Аха дүүнэр, эсэгэнэр! Минии үмэглэлгын үгэ мүнөө шагнажа хайрлыт!

Хэрэгүүд 26:1

Үмэглэлтын үгөө хэлэхыеш зүбшөөнэбди, – гэжэ Павелда Агрииппа хэлэбэ. Тиихэдэнь Павел гараа үргөөд, өөрыгөө хамгаалан иигэжэ хэлэбэ:

Хэрэгүүд 26:24

Иигэжэ Павелай өөрыгөө үмэглэжэ байхада Фест: – Павел, шинии ухааншни муудаа! Ши ехэ эрдэм номһоо боложо үбэштэйрөөш, – гэжэ шангаар хашхарба.

Римэйхиндэ 2:8

Харин өөһэд тухайгаал бододог, үнэн зүбые буруушаадаг, тиихэдэ буруу хэрэг үйлэдэхэ дуратай зондо Бурхан уур сухалаа, хоро шараяа харуулха.

Филиппынхидтэ 1:18

Зай, яахаб даа. Христоос тухай үнэн зүрхэнһөөшье һургахада, үнэн зүрхэнһөөн номноһон хэбэр үзүүлэншье һургахада, би адлил баясанаб. Саашадаашье баясажа байхаб.

Филиппынхидтэ 1:7

Таанад хододоо минии зүрхэ сэдьхэл соо оршонот! Тиимэһээл иигэжэ таанадта һанаагаа табижа байдагни зүб юм. Түрмэдэшье байхадамни, Һайн Мэдээсэлые хамгаалха, хатуугаар баталха эрхэ сүлөөтэйшье байхадамни, та бүгэдэ намда Бурханай даалгаһан ажалда хабаадалсажа туһалжа ябадаг һэнта.

Филиппынхидтэ 2:3

Юумэ хэхэдээ, өөр тухайгаал бү бодогты, али хүнэй магтаалда хүртэхын лэ тула бү оролдогты. Зүгөөр даруу номгон байгты, бусад зониие өөрһөө дээгүүр бодожо байгты.

Тимофейдэ 1-дэхи 2:7

Тиимэһээ һүзэг ба хайра дурын үгэ айладхахаар һургагша ба элшэнээр табигдан, би бусад арадуудта эльгээгдэһэн байгааб. Би худал юумэ хэлэнэгүйб, үнэниие хэлэнэб.

Тимофейдэ 2-дохи 2:9

Тэрэл Һайн Мэдээсэлэй түлөө би зобожо, үшөө тиихэдэ дээрмэшэндэл мэтэ гэнжээр хүлеэтэй байнаб. Зүгөөр Бурханай үгые гэнжээр хүлихэ аргагүй.

Тимофейдэ 2-дохи 4:16

Түрүүшынхиеэ өөрыгөө хамгаалхадамни булта намайе орхижо ошоо һэн. Тэдэ зониие Эзэн бү зэмэлэг лэ.