Филиппынхидтэ 1:1 - Библи

¹ Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Шэнэ Хэлсээн

¹ Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисус Христосой зарасанар болохо Павел Тимофей хоёр бэшэнэ.

Филиппынхидтэ 1:1 Referencias Cruzadas

Марк 13:34

Бүхы юумэеэ зарасанартаа даалгаад, холын аянда гараһан хүнтэй энэ байдал сасуулмаар юм. Тэрэ хүн зараса бүхэндөө даабари үгөөд, үүдэнэй харуулшанда һэргэг байхыень захидаг.

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Хэрэгүүд 1:20

Энээн тухай «Бурханай дуунуудай ном» соо: «Тэрэнэй гэр байрань хооһорог, тэндэнь хэншье ажаһуухаа болиг», – гэжэ бэшэгдэнхэй. Үшөө ондоо газарта: «Тэрэнэй һуури ондоо хүн эзэлэг лэ», – гэжэ бэшээтэй байдаг.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 9:13

– Эзэн, аа! Танда һүзэглэдэг Иерусалимынхидта энэ хүн хэды ехэ хоро хүргөөб гэжэ би мэдэнэб. Энэ хүн тухай би олон хүнүүдһээ дуулаа һэнби.

Римэйхиндэ 1:1

Бурханай хайра дурада хүртэһэн, Тэрэнэй нангин арадынь байхаар дуудуулагдаһан Римэй бүгэдэ зон, таанадта Иисүүс Христоосой зараса, элшэнгээр һунгагдаһан Павел бэшэнэ. Манай Эсэгэ Бурхан ба Эзэн Иисүүс Христоос таанадта хайраяа болон амгалан тайбаниие үршөөг лэ!

Коринфынхидтэ 1-дэхи 16:10

Хэрбээ Тимофейн таанадта ошобол, танай дунда айлта зоболтогүй байха тухайнь бодооройт, тэрэ намдал адли Эзэнэй аша туһада ажаллана.

Коринфынхидтэ 2-дохи 1:1

Коринф хотын һүзэглэгшэдэй бүлгэм, Ахайяын нютагта байһан Бурханай бүхы хүнүүд, таанадые Бурханай эрхэ мэдэлээр Христоос Иисүүсэй элшэн болохоор дуудуулагдаһан Павел болон һүзэглэгшэ Тимофей мэндэшэлнэ.

Галадуудта 1:10

Иигэжэ хэлэхэдээ би хүнүүдэй һайшаалда хүртэхэеэ оролдоно гүб, али Бурханай һайшаалда гү? Иихэдээ хүнүүдэй һанаанда һайн болохоёо оролдоно гүб? Хэрбээ би хүнүүдэй урда хойгуур гүйдэг байгаа һаа, Христоосой зараса байхагүй һэм.

Галадуудта 3:26

Мүнөө таанад булта Иисүүс Христоосто һүзэглэһэн этигэлээрээ Бурханай үхибүүд гээшэт.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Эфесэйхиндэ 1:1

Иисүүс Христоостой нэгэдэһэн Эфес хотын һүзэгтэй Бурханай хүнүүд, Бурханай эрхэ мэдэлээр Иисүүс Христоосой элшэн болоһон Павел таанадые амаршална.

Эфесэйхиндэ 1:15

Тиимэһээ таанадай Эзэн Иисүүстэ һүзэглэжэ, Бурханай хүнүүдые бүгэдыень энхэржэ хайрлажа ябадаг тухай дуулахадаа,

Эфесэйхиндэ 6:24

Манай Эзэн Иисүүс Христоосто һүнэшэгүй хайра дураар дуратай хүн бүхэн үршөөл хайратай байһай!

Филиппынхидтэ 2:19

Таанад тухай мэдээ дуулажа, өөрыгөө урмашуулха һанаатайб. Тиимэһээ Эзэн Иисүүсэй эрхэ мэдэлээр таанадта һаядаа Тимофейе эльгээхэб гэжэ найданаб.

Филиппынхидтэ 2:5

Таанад Иисүүс Христоостол адли һанал бодол түрүүлэгты:

Филиппынхидтэ 3:12

Би зорилго эрмэлзэлдээ хүрөөб, хэхэ ёһотой юумэеэ бүгэдыень хээб, эрхим түгэс болооб гэнэгүйб. Гэхэдээ Иисүүс Христоос намайе ямар шагналда хүртөөхөөр Өөртөө татаа һэм, тэрэ шагналыень абаха гэжэ би оролдоноб.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Филиппынхидтэ 3:8

Бүри үнэтэй сэнтэй юумэнһээ, минии Эзэн Иисүүс Христоосые мэдэрхэһээ гадна бусад бүхы юумэнүүдые би хэрэггүй ба дэмы хооһон гэжэ тоолоноб. Христоосһоо боложо би бүхы юумэнһээ арсааб. Христоосые оложо, Тэрээнтэй сүм нэгэдэхын тула би бусад бүхы юумые юун дээрэшье тоолоногүйб.

Фессалоникиинхидтэ 1-дэхи 1:1

Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална. Эсэгэ Бурхан ба Эзэн Иисүүс Христоос таанадта үршөөл хайра ба амгалан тайбаниие үршөөг лэ!

Фессалоникиинхидтэ 1-дэхи 2:2

Филипп хотодо байхадамнай ямар муугаар бидэндэ хандажа, бидэниие баһажа доромжолһыень таанад мэдэнэт. Манда эсэргүүсэһэн зоной олон байһаншье һаань, Һайн Мэдээсэлые номнохо зориг бидэндэ Бурхан үгөө юм.

Фессалоникиинхидтэ 2-дохи 1:1

Эсэгэ Бурхан болон Эзэн Иисүүс Христоостой нэгэдэһэн Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Тимофейдэ 1-дэхи 3:8

Һүзэглэгшэдэй бүлгэмэй туһалагшад баһал һайхан зантай, билдагуушалдаггүй хүнүүд байха ёһотой. Тэдэ үзэмэй дараһан архинда болон алта мүнгэндэ шунахай бэшэ,

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисүүс Христоосой элшэн Павел бэшэнэ. Бурхан Эсэгэ болон манай Абарагша Иисүүс Христоос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, һунгаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээгээ. Энэ үнэн зүйл мүнхын амидаралда найдаха гол түшэг болоно. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ Өөрынгөө һургаалда нээгээ. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номноноб.

Тидтэ 1:7

Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханда алба хэдэг, Тэрэнэй эрхилэгшэ ушарһаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Филимондо 1:1

Бидэнтэй хамта хүдэлдэг эрхим хүндэтэ Филимон, Иисүүс Христоосой түлөө түрмэдэ һууһан Павел ба һүзэглэгшэ Тимофей хоёр шамда бэшэнэ. Манай Бурхан Эсэгэһээ болон Эзэн Иисүүс Христоосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфии дүүдэмнай, бидэнтэй хамта алба хэдэг Архипта мэндые хүргөөрэй.

Еврейнүүдтэ 13:23

Манай дүү Тимофей түрмэһөө гараа гэжэ мэдэжэ байгты. Хэрбээ тэрэнэй һаяар хүрэжэ ерэбэлнь, би тэрээнтэй хамта таанадаа эрьехэб.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Пётрой 1-дэхи хандалга 2:25

Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Пётрой 2-дохи хандалга 1:1

Манай Бурхан ба Абарагша болохо Иисүүс Христоосой үршөөһэн үнэн сэдьхэлэй ашаар маанадтал адли һүзэгтэй болоһон хүнүүд, таанадта Иисүүс Христоосой зараса болон элшэн Симон Пётр бэшэнэ.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 1:20

Минии гартаа баряад байхые шинии хараһан долоон одонуудай, алтан долоон дэнгүүдэй нюусань иимэ: долоон одонууд һүзэглэгшэдэй долоон бүлгэмүүдэй Эльгээмэлнүүд мүн, шинии хараһан долоон дэнгүүд һүзэглэгшэдэй долоон бүлгэмүүд мүн гээшэ.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».

Гэршэлгэ 2:12

Пээргэмэй һүзэглэгшэдэй бүлгэмэй түлөөлэгшэдэ бэшээрэй: «Хоёр тээһээ хурса эритэй һэлмэтэ иигэжэ хэлэнэ:

Гэршэлгэ 2:8

Смирнын һүзэглэгшэдэй бүлгэмэй түлөөлэгшэдэ иигэжэ бэшээрэй: «Үхөөд байһанаа амидырһаниинь, Түрүүшынхи, Һүүлшынхинь гээшэб:

Гэршэлгэ 22:9

Теэд Эльгээмэл намда иигэжэ хэлээ: «Боли даа, иимэ юумэ бү хэ! Би шам шэнгил, шинии лүндэншэд – аха дүүнэр шэнгил, энэ номой үгэнүүдые сахин бэелүүлэгшэдтэйл адли зарасаб. Ши Бурханда һүгэдэн мүргэ!»