Филимондо 1:1 - Библи

^1-3 Бидэнтэй хамта хүдэлдэг эрхим хүндэтэ Филимон, Иисүүс Христоосой түлөө түрмэдэ һууһан Павел ба һүзэглэгшэ Тимофей хоёр шамда бэшэнэ. Манай Бурхан Эсэгэһээ болон Эзэн Иисүүс Христоосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфии дүүдэмнай, бидэнтэй хамта алба хэдэг Архипта мэндые хүргөөрэй.

Шэнэ Хэлсээн

^1-3 Маанадтай хамта хүдэлдэг эрхим хүндэтэ Филимон, шамда Иисус Христосой түлөө түрмэдэ һууһан Павел ба һүзэглэгшэ Тимофей хоёр бэшэнэ. Манай Бурхан Эсэгэһээ болон Дээдын Эзэн Иисус Христосһоо үршөөл хайра ба амгалан тайбаниие айладханабди. Гэртэшни суглардаг һүзэглэгшэдэй бүлгэмдэ, хүндэтэ Апфи дүүдэмнай, бидэнтэй хамта алба хэдэг Архипда мэндые хүргөөрэй.

Филимондо 1:1 Referencias Cruzadas

Хэрэгүүд 16:1

Павел Дээрбэ ошоод, удаань Листра хүрэжэ ерэбэ. Тэндэ Эзэндэ һүзэглэдэг еврей эхэтэй, грек эсэгэтэй Тимофей гэжэ нэгэ шаби ажаһуугаа.

Коринфынхидтэ 1-дэхи 3:9

Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Коринфынхидтэ 2-дохи 1:1

Коринф хотын һүзэглэгшэдэй бүлгэм, Ахайяын нютагта байһан Бурханай бүхы хүнүүд, таанадые Бурханай эрхэ мэдэлээр Христоос Иисүүсэй элшэн болохоор дуудуулагдаһан Павел болон һүзэглэгшэ Тимофей мэндэшэлнэ.

Галадуудта 3:26

Мүнөө таанад булта Иисүүс Христоосто һүзэглэһэн этигэлээрээ Бурханай үхибүүд гээшэт.

Эфесэйхиндэ 3:1

Тиимэл шалтагаанаар би, Павел, еврей бэшэ таанадай түлөө Иисүүс Христоосһоо боложо хаалтада һуунаб.

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Эфесэйхиндэ 6:20

Тэрэ Һайн Мэдээсэл номноходоо ёһоорнь хэлэжэ байха зоригтой байхымни тула баһа зальбаржа байгты. Би, Бурханай элшэн, мүнөө тэрэ Мэдээсэл номноһонойнгоо түлөө түрмэдэ һуунаб.

Филиппынхидтэ 1:1

Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Филиппынхидтэ 2:25

Намда туһалхаар таанадай эльгээһэн, намтай хамта эндэ ажаллажа, тэмсэжэ байһан манай һүзэглэгшэ дүү Эпапродиитые бусаажа таанадта ябуулха хэрэгтэй гэжэ би бодобоб.

Филиппынхидтэ 4:3

Шишье, үнэн сэхэ хүдэлмэрилэгшэмни, баһа тэдэ эхэнэрнүүдтэ туһалаарай. Тэдэнэр намтай, Клементтэй болон бусадшье һүзэглэгшэдтэй хамта Һайн Мэдээсэлые эдэбхитэйгээр дэлгэрүүлээ юм. Тэдэ зоной нэрэнүүдынь мүнөө Бурханай номдо бэшэгдээ.

Колоссынхидтэ 1:1

Аха дүүнэр, Иисүүс Христоостой нэгэдэһэн Колоссы хотын һүзэгтэй Бурханай хүнүүд, Бурханай эрхэ мэдэлээр Христоос Иисүүсэй элшэн болоһон би Павел ба манай дүү Тимофей таанадые амаршалнабди. Бурхан Эсэгэһээ таанадта үршөөл хайра ба амгалан тайбаниие айладханабди.

Колоссынхидтэ 4:11

Иуст гэжэ нэрлэгдэдэг Иисүүс таанадта баһа мэндые хүргэнэ. Эдэ гурбан Бурханай эрхэ засагай мандахын тула намтай хамта хүдэлжэ байһан еврей һүзэглэгшэд юм, тиин тэдэ намда ехэл аша туһатай байгаа.

Фессалоникиинхидтэ 2-дохи 1:1

Эсэгэ Бурхан болон Эзэн Иисүүс Христоостой нэгэдэһэн Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална.

Тимофейдэ 2-дохи 1:8

Тиимэһээ манай Эзэн Иисүүс Христоос тухай гэршэлхэеэ бү айгаарай, Христоосой түлөө түрмэдэ һуужа байһан намһаа бү эшэжэ, улайжа байгаарай. Харин Бурханай үгэһэн хүсэ шадалаар Һайн Мэдээсэлэй түлөө зоболонгуудые дабажа гараарай.

Филимондо 1:23

Иисүүс Христоосой түлөө намтай суг түрмэдэ һуужа байһан Эпапраас, намтай хамта хүдэлжэ байһан

Филимондо 1:24

Марк, Аристарх, Дэмаас, Луканар шамда мэндые хүргэжэ байна.

Филимондо 1:9

шамда эльгэтэй ушарһаа шамайе зүбхэн гуйнаб. Мүнөө Иисүүс Христоосой түлөө түрмэдэ һууһан би Павел гуйжа байнаб.