Эзраа 9:9 - Библи

⁹ Бидэ богоолнуудбди, харин богоолшолгыншье үедэ Та, манай Бурхан, бидэниие орхёогүйт. Персиин хаашуулые манда зөөлөөр хандуулжа, маниие һөөргөө өөдэлхэ, Иудадаа, Иерусалимдаа бусажа аршалагдаха, һандаралда ороһон Бурханайнгаа һүмэ дахинаа һэргээн бодхоохо арга манда олгоот.

Эзраа 9:9 Referencias Cruzadas

Эзраа 2:68

Бусажа ерэһэн угуудай гулбаанарай зариман Иерусалимдахи Эзэнэй һүмые һуури дээрэнь бодхоохо гэжэ һайн дураараа үргэл хэбэд.

Эзраа 7:6

Эзраа Эзэнһээ, Израилиин Бурханһаа, заяатай, Моисейн хуулинуудые һайн сахидаг, Хуули заадаг багша байгаа. Эзэнэй Эзраае харгалзажа байдаг тула тэрэнэй һанаһан юумэнүүдые хаан бултыень хүсөөдэг байгаа.

Эзраа 7:8

Хаанай хан шэрээдэ һууһаар долоодохи жэлэй табадахи һарада тэдэ Иерусалим хүрэжэ ерээ.

Эзраа 9:10

Мүнөө иимэ юумэнэй болоод байхада, Бурхамнай, юун гэжэ хэлэхэбибди?! Захяа заабариһаатнай нээрээ хадуураабди.

Нэхэмьяа 2:17

Харин мүнөө би тэдэнэртэ иигэжэ хэлэбэб: – Ямар гай тодхорто байһанаа таанад хаража байнат. Иерусалим һандаргагдаа, хаалга үүдэнүүдынь галда шатаагданхай. Иерусалимай хэрэм ханануудые бодхооёл, өөһэдһөө эшхэбтэр муухайе зайлуулаял!

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Псалманууд 138:7

Танай Һүлдэһөө би хайшаа ошожо шадахабиб? Танай нюурһаа хайшаа зугадажа шадахабиб?

Исай 14:3

Эзэн зоболон, үймөөн һамуунһаа, хүшэр хүндэ ажалһаа зониие сүлөөлхэ.

Исай 5:2

Тэрэнээ тойруулан малтажа, шулуунуудһаань сэбэрлээ. Эгээл эрхим үзэмэй жэмэс һуулгаа. Алим жэмэс хамгаалхаяа сэсэрлигэй дунда самхаг баряа. Уһан үзэм шахаха шахуурга малтан зохёогоо. Тиигээд һайхан үзэмэй жэмэс гараха гэжэ найдан хүлеэжэ байхадань, гашуун үзэмэй жэмэс ургаал!

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 61:4

Тэдэ зон эртэ урда сагта һандарһан хотонуудые һэргээн бодхоохо.

Эзэкээл 11:16

Эдээндэ Минии иигэжэ айладаһые дуулга: «Би тэдэниие ондоо арадууд руу абаашан, ондоо орон нютагуудаар тараагаашье һаа, ошоһон газарнуудтань Би Өөрөө түр зуура тэдэнэй Һүмэ болооб».

Даниил 9:25

Иерусалим хотые дахин бариха тухай зарлигай гараһаар оливын тоһоор арюудхан шэлэгдэһэн удамаршын тодортор долоо дахин долоон хоног, удаань үшөө жаран хоёр долоон хоног үнгэрхэ гээд мэдэжэ, ойлгожо бай. Тиигээд хотын талмай, хотые тойроод малтадаг бүһэлүүр нүхэн дахин һэргээгдэхэ, гэбэшье эдэ бүгэдэ гай гасалантай жэлдэ хэгдэхэ.

Хаггай 1:9

Ехэ юумэ хүлеэнэт, теэд бага юумэн болоно. Гэртээ асарһан юумыетнай Би хумхаа тооһон болгохоб. «Ямар ушарһаа?» – гээд асуухадатнай, Би, Түмэн Сэрэгтэ Эзэн, иигэжэ харюу үгэхэб: «Хүн бүхэнтнай өөрын гэр шэмэглэн сүлөөгүй ажаллана, харин Минии Гэр хооһон, һандархай байна. Энээнэй түлөө!»

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.