Эзраа 9:2 - Библи

² басагадаар һамга хэхэһээ гадна хүбүүдтээ һамга абхуулна, тиигэжэ нангин шуһамнай буса түрэлтэдтэй холисолдожо байна. Энэ хуули буса ябадалда аха захатан, нэрэтэй түрэтэйшүүл эхи табяа.

Эзраа 9:2 Referencias Cruzadas

Эхин 6:2

хүн түрэлтэнэй басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

3 Хаан түрэнүүд 11:1

Соломоон хаан фараоной басаганһаа гадна хари оронуудай, Моһаабай, Аммооной, Эдоомой, Сидооной, мүн хээт зоной эхэнэрнүүдтэ дурладаг байгаа.

Эзраа 10:2

Элаамай угай Ехиһээлэй хүбүүн Шэханьяа Эзраада хэлэбэ: – Буса түрэлхитэдэй басагадаар һамга хэһэндээ бидэ Бурханай урда гэмтэйбди, гэбэшье Израильда найдал бии.

Эзраа 9:12

Тэрэ газарай шэмээр амидархаяа, тэндээ бүхэжэн ажаһуухаяа, хүбүүдтээ дамжуулан хэтэдэнь үгэхэеэ һанаа һаа, тэдэнтэй хэзээшье бү эбсэгты, зөөридэнь бү обтогты. Басагадаа тэдэнэй хүбүүдтэ бү үгэгты, хүбүүдтээ тэдэнэй басагаар һамга бү хүүлэгты».

Эзраа 9:14

Тииһэнэйтнай удаа бидэ дахин захяа заабариитнай эбдэжэ, эдэ жэрхэмшэгтэй арадтай түрэл түтим боложо ябаха аалди? Та уур сухалда абтажа, бидэниие үгы хэжэ болохо аалта? Амиды үлэһэншье, абарагдаһаншье үлэхэгүй гү?

Нэхэмьяа 13:17

Би Иудын ноёд һайдые зэмэлбэб. Тиигээд би тэдэнэртэ иигэжэ хэлэбэб: – Таанад яахадаа иимэ муу ябадал гаргажа, субботын үдэрые бузарланабта?

Нэхэмьяа 13:28

Ахамад санаартан Элиашиибай хүбүүн Ёядаагай хүбүүдэй нэгэн Хороон нютагай Санбаллаадай хүрьгэн байгаа; би тэрэниие өөрһөө үлдэбэб.

Египедһээ гаралга 19:6

харин таанад Минии санаартадай хаан түрэ, нангин арад болохо жэшээтэйт!» Эдэ үгэнүүдые Израилиин зондо дамжуулал даа.

Египедһээ гаралга 22:31

Томо жэжэ малда тэрэ баһал хабаатай: долоон хоногто эхынгээ хажууда байг, наймадахи үдэртэ Намда тэрэниие үгэхэш. Таанад Минии хадаа арюун зон байха ёһотойт – ангай бариһан амитанай мяха бү эдигты, һэе һэбхүүлынь нохойдо үгэгты.

Египедһээ гаралга 34:16

Тэдэнэй басагадые хүбүүдтээ һамган болгожо абабалтнай, танай хүбүүдые забхай ябадалда оруулха.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Левит 21:15

Муу эхэнэртэй ушараад, өөрынгөө үрэ өөрынгөө арад зон соо муу болгохо ёһогүй, юуб гэхэдэ, Би тэдэниие арюудхагша Эзэн гээшэб.

Малаахи 2:11

Иуда эсэргүү бодол гаргажа, Израильда болон Иерусалимда жэгшүүритэ үйлэ хэгдэбэ. Тэрэ Эзэниие шүтэдэг газарые бузарлажа, хариин бурханай үхинтэй гэрлээ.

Малаахи 2:15

Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Коринфынхидтэ 1-дэхи 7:14

Юундэб гэхэдэ, һүзэглэдэггүй эрэ һүзэглэдэг һамганайнгаа ашаар арюудхагдана, тон тиигэжэл һүзэглэдэггүй эхэнэр һүзэглэдэг нүхэрэйнгөө ашаар Бурханай урда арюудхагдана. Тиигээгүй һаа, тэдэнэй үхибүүдынь сэбэр бэшэ байха һэн, үнэндөө болбол тэдэ үхибүүд Бурханай урда арюун сэбэр юм.

Коринфынхидтэ 2-дохи 6:14

Эзэндэ һүзэглэдэггүй зониие бү һажаагты. Зүб юумэн буруу юумэнтэй хамта байжа шадаха аал? Яажа гэрэл туяа шэб харанхытай хамта байхаб?

Хуули дабталга 14:2

Юундэб гэхэдэ, таанад Эзэн Бурханай нангин арад ха юмта. Дэлхэйн арадууд сооһоо Эзэн таанадыел Өөрынгөө арад болгохо гэжэ шэлэһэн байна.

Хуули дабталга 7:6

Энээниие юундэ хэхэбта гэхэдэ, таанад Эзэн Бурханайнгаа нангин арад түмэн гээшэт. Дэлхэй дээрэ байгааша арадуудай дундаһаа таанадыел Өөрын арад болгохо гэжэ Эзэн Бурхантнай шэлэһэн байна.

Нүүнэй Иисүүс 22:15

Тэдэ Галаадай газарта ерээд, Рэүбээнэй хүбүүдтэ, Гаадай хүбүүдтэ, Мэнашшээгэй обогой хахад зондо ошоод хэлээ:

Нүүнэй Иисүүс 23:12

Хэрбээ таанарай буруу хараад, танай дунда үлэһэн арадуудта халдаа һаатнай, тэдээнтэй түрэл болоо һаатнай, тэдээндэ ябадаг болоо һаатнай, тэдээнэй танда ябадаг болоо һаа,