Эзраа 4:4 - Библи

⁴ Тиихэдэнь тэрэ газарай зон Һүмэ барилгада али болохоор һаалта хэдэг, Иудын зоной хүсэ шадалыень бууруулха гэжэ оролдодог болобо.

Эзраа 4:4 Referencias Cruzadas

2 Хаан түрэнүүд 4:1

Абнээрэй Хэброондо наһа бараһан тухай Саулай хүбүүн Иш-Боошэт дуулажа, зоригынь мохобо, бүхы Израильшье һүрдэбэ.

Эзраа 3:3

Буса газарай зонһоо айжа байбашье, үргэлэйнгөө шэрээ анханай һууридань табижа, үдэшэ, үглөө бүхэндэ Эзэндээ түгэс шатаалта үргэлөө үргэжэ эхилбэд.

Эзраа 4:5

Персиин ноёд, түшэмэлнүүдтэ эдилгэ үгэжэ, хаан Киирэй байхаһаа эхилээд, Персиин Даарий хаанай хан шэрээдээ һууха хүрэтэр тэрэ барилга урагшань ябуулаагүй юм.

Нэхэмьяа 4:11

Харин манай дайсад иигэжэ хэлэбэд: – Бидэ гэнтэ добтолжо, тэдэниие бута сохиходомнай, тэдэнэр юушье хэжэ шадангүй, юушье ойлгонгүй үлэшэхэ, тиигээд ажалыень зогсоон һаатуулхабди.

Нэхэмьяа 4:2

тэрэ өөрынгөө түрэлнүүдтэ, Самариин сэрэгшэдтэ иигэжэ хэлэбэ: – Эдэ баарһад иудейнүүд тэндэ юу хэхэ болоноб? Хотые һэргээжэ, эдэнэр үргэл үргэхэ гэжэ гү? Шандаруу болоһон энэ богһоо шэнээр бодхооһон шулуун ханануудынь нэгэ доро дүүрэшэхэл.

Нэхэмьяа 6:9

Эдэ хүнүүд маанадые айлгаха гээд һэдэбэ, маанадые өөһэдынгөө ажал дүүргэнгүй орхихо гээд найдаһан байба. Харин би энэ хэрэгээ бүри эршэмтэйгээр эрхилбэб!

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Даниил 10:13

Персиин хаан хорин нэгэн үдэрэй туршада намда эсэргүүсээ. Персиин хаашуулай урда байхадам, эгээл хүсэтэй Бурханай Эльгээмэл сахюусан Михаээл намда туһалхаяа ерээ бэлэй.

Даниил 10:20

Тиихэдэм тэрэ: – Минии шам руу юунэй түлөө ерэһые ойлгожо байна гүш? Үнэн бэшэгтэ юун гэжэ бэшээтэйе би шамда дуулгахаб. Мүнөө би һөөргэлжэ, Персиин удамаршатай дайлалдахаб. Дүүргэхэдэм, Грециин удамарша бии болохо. Танай сахюусан Михаээлһээ бэшэ хэншье намда туһалнагүй.