Эзраа 3:8 - Библи

⁸ Бусагшадай Иерусалимдахи Бурханай гэртэ хүрэһэн сагһаа хойшо, удаадахи жэлэйнь хоёрдохи һарада Шалтиээлэй хүбүүн Зэрубабээл, Ёцадаагай хүбүүн Иисүүс, тэдэнэй бүхы аха дүүнэрынь, санаартад болон левидүүд гэхэшэлэн баряанһаа бусаһан зон булта Һүмэ барилгын эхи табиба. Эзэнэй һүмэ барилгын хүдэлмэри хинан шалгахаар хоринһоо дээшэ наһатай левидүүдые томилбо.

Эзраа 3:8 Referencias Cruzadas

1 Угай бэшэг 23:4

Тэдэнһээ Эзэнэй гэртэ алба хэхээр томилогдоошод – хорин дүрбэн мянган, хинадаг дарганар болон зарга шүүгшэд – зургаан мянган,

1 Угай бэшэг 3:17

Ехонияагай хүбүүд: Ассиир, тэрэнэй хүбүүн Шалтиээл,

Эзраа 10:18

Буса түрэлтэдэй басагаар һамга хэһэн хүбүүд санаартадайшье дунда олдоо – Ёцадаагай хүбүүн Иисүүсэй болон аха дүүнэрэйнь хүбүүд: Маашэяа, Элиээзэр, Ярииб, Гэдаалияа.

Эзраа 3:2

Ёцадаагай хүбүүн Иисүүс санаарта аха дүүнэртэеэ, мүн Шалтиээлэй хүбүүн Зэрубабээл аха дүүнэртэеэ хамһажа, Израилиин Бурханда түгэс шатаалта үргэл үргэхын тула Моисейн хуулида бэшэгдэһэнэй ёһоор үргэлэй шэрээ дархалбад.

Эзраа 4:24

Тиигэжэ Иерусалимдахи Бурханай һүмын барилга зогсошоо. Персиин Даарий хаанай хан шэрээдэ һууһаар хоёрдохи жэл болотор иимэ байдал үргэлжэлөө юм.

Эзраа 4:3

– Манай Бурханда мантай хамта таанар Һүмэ барилсахагүйт. Персиин хаан Киирэй захирһанай ёһоор, Израилиин Бурханда бидэ өөһэдөө Һүмэ барихабди, – гэжэ Зэрубабээл, Иисүүс болон Израилиин угуудай гулбаанар арсалта хэбэ.

Эзраа 5:16

Шэшбаццаар ошожо, Иерусалимдахи Бурханай гэрэй һуури табилгые эмхидхээ. Тэрэ сагһаа мүнөө болотор энэ барилга үргэлжэлһөөр, үшөө дүүргэгдээгүй».

Эзраа 5:2

Тиихэдэнь Шалтиээлэй хүбүүн Зэрубабээл, Ёцадаагай хүбүүн Иисүүс гэгшэд Иерусалимдахи Бурханай гэрэй барилга шэнээр эхилбэ, тэдэнтэй хамта Бурханай лүндэншэд, тэдэниие дэмжэгшэд булта хүдэлөө.

Хаггай 1:1

Персиин агууехэ хаан Даариин хаан шэрээ эзэлһэн сагһаа хойшо хоёрдохи жэлэй зургаадахи һарын түрүүшын үдэр Эзэн Хаггай лүндэншэдэ хандан, Иудын захирагша, Шалтиээлэй хүбүүн Зэрубабээлдэ ба ахамад санаарта Ёцадаагай хүбүүн Иисүүстэ айладхалыень дамжуулхые захирба.

Захарияа 4:9

– Зэрубабээлэй гарнууд энэ гэрэй һуури табиһан гээшэ. Тэдэ гарнууд лэ эсэстэнь хүргэг. Тиихэдэнь Түмэн Сэрэгтэ Эзэн намайе таанарта эльгээгээ гэжэ мэдэхэт.

Захарияа 6:12

Тэрээндэ иигэжэ хэлэ: Түмэн Сэрэгтэ Эзэн иигэжэ айладажа байна: Тэрэ эрын нэрэ – Угай түлөөлэгшэ. Түлөөлэгшын угайнь һалаа урган олошоржо, Эзэнэй Һүмэ бүтээхэ.

Тоололго 4:3

Гушанһаа таби хүрэтэр наһатай бүхы эрэшүүлыень бүридхэн тооло. Тэдэ эрэшүүл майхан һүмын үргэл болон мүргэлэй ёһололгын алба хэг.