Эзраа 3:7 - Библи

⁷ Тиигээд шулуу хайгшадта болон модошо дархашуулда сагаан мүнгэн үгтэбэ, Персиин хаан Киирэй зүбшөөлөөр Ливаанһаа далайгаар Яафа хүрэтэр үнэтэ хуша модо асаруулхын тула Сидооной болон Тиирэй зондо эдихэ ууха юумэ, оливын тоһо үгэдэг болобо.

Эзраа 3:7 Referencias Cruzadas

2 Хаан түрэнүүд 5:11

Тиирэй хаан Хираам Давид руу элшэнэрые эльгээбэ. Тэдэ Ливаанай үнэтэ сэнтэй хуша модо асарба. Модошо ба шулууша дархашуул мүн лэ ерэбэ. Тэдэ Давидта ордон барижа үгэбэ.

3 Хаан түрэнүүд 5:6

Теэд Ливаанай үнэтэй хуша модон намда хэрэгтэй. Тиимэ ой модо намда үгыт даа. Модо отолхо тухай албатандаа захирыт, юуб гэхэдэ, иимэ ажалда сидоонуудһаа бэшэ дүй дүрэтэй хүнүүд олдохогүй, миниишье албата зон тэрэ ажалда хүдэлүүжэн лэ. Албатанайтнай ажалай түлөө би танай хэлэһэнэй ёһоор мүнгэ түлэхэб».

4 Хаан түрэнүүд 12:10

Тэрэ хайрсагай мүнгөөр дүүрэхэдэ, хаанай бэшээшэн ахамад санаартан хоёр Эзэнэй һүмэдэ оруулагдаһан мүргэлшэдэй үргэһэн мүнгые хайрсагһаа гаргажа тоолоод, тэдэ мүнгэ уутада хэжэ ябталаад,

4 Хаан түрэнүүд 12:13

Теэд Эзэнэй һүмын һанда ороһон мүнгэнһөө Эзэнэй һүмын табагуудта, хабшуурнуудта, соргонуудта, сүршэхэ аршаан хэдэг аяга ба домбонуудта болон алта мүнгөөр хэһэн элдэб бүхы хэрэгсэлнүүдтэ гаргашалагдабагүй.

2 Угай бэшэг 34:10

Удаань энэ мүнгэн Эзэнэй һүмэ заһабарилжа байгааша хүдэлмэришэдтэ дамжуулха зорилготойгоор тэрэ заһабарилгын ажал хинагша зондо үгтөө һэн.

Эзраа 3:6

Долоодохи һарын нэгэн шэнын үдэр Эзэндээ түгэс шатаалта үргэл үргэжэ эхилээ һэн. Тиихэдэ Эзэнэй һүмын һуури үшөө табигдаадүй байгаа.

Эзэкээл 27:17

Иудын хан түрэ болон Израиль эгээл эрхим шэниисэ Минниидһээ, бообо, зүгын бала, оливын тоһо, эдеэ буйлуулдаг, үнэр оруулдаг зүйлнүүдые шинии эд бараагай түлөө түлбэри болгон үгэдэг байгаа.

Иона 1:3

Иона Эзэнһээ зугадан, Таршииш ошохоёо зорибо, Яафада хүрэжэ ерэбэ, Таршииш тээшэ тамарха онгосо бэдэржэ олобо, түлбэрииень сүм түлэбэ, онгосо руу оробо, Таршиишта Эзэнһээ хорохо зорилготойгоор бултантай хамта тамаралгада гараба.

Хэрэгүүд 12:20

Ирод хаан Тиир, Сидоон хотынхидтэ тон ехээр сухалдаба. Тиимэһээ тэдэнь өөһэд хоорондоо хэлсэжэ, хаанай ордоной захирагша Блаастые бэе тээшээ татаад, тэрээнтэй сугтаа хаанда ошожо, эб найрамдал тогтоохо тухай гуйба. Юундэб гэхэдэ, Тиир, Сидоон хотынхид Иродэй газарһаа эдеэ хоолоор хангагдадаг бэлэй.

Хэрэгүүд 9:36

Яафа хотодо Табитаа гэжэ нэрэтэй нэгэ шаби басаган ажаһуугаа. (Табитаа гээшэнь «Зээрэн» гэһэн удхатай) Тэрэ басаган хүнүүдтэ һайе хэдэг, ядарһан дуталдаһан зондо туһалдаг байгаа.

Хэрэгүүд 9:38

Тэрэ үедэ Пётр элшэн Лиддада ерээд байгаа. Лидда хотын Яафаһоо холо бэшэ хадань һүзэглэгшэд түргэхэн манда хүрэжэ ерыт даа гэһэн гуйлтатайгаар хоёр хүниие Пётрто эльгээбэ.

Хэрэгүүд 9:43

Пётр үшөө нилээн Яафадо Симон гэжэ арһа элдэгшэ хүнэйдэ байрлаба.