Эзраа 3:5 - Библи

⁵ Энээнһээ удаалан түгэс шатаалта үргэл бүтээлгэ болобо, һарын шэнэдэшье, Эзэндэ зорюулагдаһан һайндэрнүүдтэшье, али хэн нэгэнэй Эзэндээ һайн дураараа үргэл үргэхэдэшье, түгэс шатаалта үргэл үргэжэл байба.

Эзраа 3:5 Referencias Cruzadas

2 Угай бэшэг 31:14

Имнаагай хүбүүн Корээ левит Эзэнэй Һүмын зүүн зүгэй үүдэнүүдэй харуулшан бэлэй. Тэрэ Эзэндэ үргэгдэһэн зүйлнүүдэй эрхилэгшэ, хэрэгтэй, шухала юумэ хубаажа үгэдэг бэлэй.

Эзраа 3:6

Долоодохи һарын нэгэн шэнын үдэр Эзэндээ түгэс шатаалта үргэл үргэжэ эхилээ һэн. Тиихэдэ Эзэнэй һүмын һуури үшөө табигдаадүй байгаа.

Нэхэмьяа 10:34

Хуули соо бэшэгдэһэнэй ёһоор, Эзэн Бурханайнгаа үргэлэй шэрээдэ шатааха түлеэ жэл бүри ямар угуудай түлөөлэгшэд заагдаһан болзортонь Бурханай гэртэ асарха тухай бидэ – санаартад, левидүүд ба арад зоной түлөөлэгшэд жээрэб татабабди.

Ерэмияа 33:18

Левит санаартад хододоо Намда алба хэжэ байха, түгэс шатаалта үргэл үргэдэг байха.

Левит 1:2

– Израильшуудта соносхон иигэжэ хэлээрэй: али нэгэнтнай Эзэндэ үргэл хэхэ гээ һаа, адуу малаар – эбэртэ бодо малаар, хони ямаагаар үргэл хэг.

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 23:2

– Израильшуудта Эзэнэй һайндэрнүүд тухай, нангин суглаагаа тэрэ үдэрнүүдтэ татаха тухай тунхагла. Энэ минии һайндэрнүүд гээшэ:

Тоололго 28:14

Үргэхэ буруун буха үргэлдөө хахад гиинэ үзэмэй дараһан архи, үргэхэ хуса үргэлдөө гурбанай нэгэ хуби гиинэ үзэмэй дараһан архи, тахилай эрэ хурьганда дүрбэнэй нэгэ хуби гиинэ үзэмэй дараһан архи асарагты. Энэ түгэс шатаалта үргэл – жэлдээ һара бүхэндэ үргэхэ үргэлнүүд.

Тоололго 28:19

Эзэндэ бэлэг болгожо, ямаршье эрэмдэггүй иимэ мал – эбэртэ бодо малһаа хоёр буруун буха, бэеэ хүсэһэн нэгэ хуса, долоон эрэ хурьга түгэс шатаалта үргэл болгон тахигты.

Тоололго 28:27

Эзэндэ аятай һайхан хэншүү үнэр гаргахаяа эбэртэ бодо малһаа хоёр буруун буха, бэеэ хүсэһэн нэгэ хуса, долоон түлгэн хурьга түгэс шатаалта үргэлдэ асарагты, тэдэтнай эрэмдэг бэшэ байха ёһотой.

Тоололго 29:13

Эзэндэ һайшаагдадаг, аятай һайхан үнэр гарадаг түгэс шатаалта иимэ үргэлнүүдые асарагты: арбан гурбан буруун буха, бэеэ хүсэһэн хоёр хуса, арбан дүрбэн эрэ хурьга. Тэдэнэртнай эрэмдэггүй байха ёһотой.

Тоололго 29:2

Эзэндэ аятай һайхан хангал үнэр гарган, түгэс шатаалта үргэлдэ нэгэ буруун буха, бэеэ хүсэһэн нэгэ хуса, долоон эрэ хурьга асаржа үргэгты. Тэдэтнай эрэмдэг бэшэ байха ёһотой.

Тоололго 29:39

Һайндэрнүүдэй үедэ таанад Эзэндэ эдэ үргэлнүүдые үргэхэ ёһотойт. Энэ хадаа таанадай тангариглажа гү, али ехэ оролдолго гаргажа тахиһан түгэс шатаалта, талханай, сэржэмэй, амгалан байдалай үргэлнүүдһээ гадуур үргэгдэхэ юм.

Тоололго 29:8

Эзэндэ аятай һайхан хангал үнэр гаргахаяа түгэс шатаалта үргэлдэ гэжэ иимэ үргэлнүүдые асарагты: нэгэ буруун буха, бэеэ хүсэһэн нэгэ хуса, долоон эрэ хурьга. Эдэтнай эрэмдэг бэшэ байха ёһотой.

Хуули дабталга 12:17

Бурханда үргэхэ үргэлөө – орооһо таряанайнгаа, үзэмэй дараһан архиингаа, мүн оливын тоһонойнгоо Бурханда үргэгдэхэ арбанай нэгэ хубиие, томо болон жэжэ малайнгаа түрүүшын түл, шахаа тангаригаартнай хараалагдаһан үргэл, өөһэдын һайн дуранай үргэл, хубиин үргэл ажаһуудаг газартаа бү эдигты.

Хуули дабталга 12:6

Түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөһэдынгөө хубиин үргэл, шахаа тангаригаартнай хараалагдаһан үргэл, өөһэдын һайн дуранай үргэл, томо болон жэжэ малай түрүүшын түл тиишээ асарагты.