Эзраа 3:2 - Библи

² Ёцадаагай хүбүүн Иисүүс санаарта аха дүүнэртэеэ, мүн Шалтиээлэй хүбүүн Зэрубабээл аха дүүнэртэеэ хамһажа, Израилиин Бурханда түгэс шатаалта үргэл үргэхын тула Моисейн хуулида бэшэгдэһэнэй ёһоор үргэлэй шэрээ дархалбад.

Эзраа 3:2 Referencias Cruzadas

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

1 Угай бэшэг 23:14

Харин Моисей Бурханай хүн, тэрэнэй хүбүүд левиин обогто оруулагданхай.

1 Угай бэшэг 3:17

Ехонияагай хүбүүд: Ассиир, тэрэнэй хүбүүн Шалтиээл,

1 Угай бэшэг 3:19

Пэдаяагай хүбүүд: Зэрубабээл болон Шимэй. Зэрубабээлэй хүбүүд: Мэшуллаам ба Ханаанияа, Шэломиит тэдэнэй дүү басаган болоно.

2 Угай бэшэг 6:6

Мүнөө Минии нэрын оршохоор Иерусалимые һунганаб, Минии арад түмэн Израилиие хүтэлхыень Давидые шэлэнэб».

Эзраа 10:18

Буса түрэлтэдэй басагаар һамга хэһэн хүбүүд санаартадайшье дунда олдоо – Ёцадаагай хүбүүн Иисүүсэй болон аха дүүнэрэйнь хүбүүд: Маашэяа, Элиээзэр, Ярииб, Гэдаалияа.

Эзраа 10:20

Иммээрэй хүбүүдһээ: Ханаани, Зэбаадьяа.

Эзраа 10:21

Хариимай хүбүүдһээ: Маашэяа, Элияа, Шэмаяа, Ехиһээл, Уззияа.

Эзраа 10:22

Пашхуурай хүбүүдһээ: Эльйоэнай, Маашэяа, Ишмаһээл, Нэтанээл, Ёзабаад, Элэасаа.

Эзраа 3:8

Бусагшадай Иерусалимдахи Бурханай гэртэ хүрэһэн сагһаа хойшо, удаадахи жэлэйнь хоёрдохи һарада Шалтиээлэй хүбүүн Зэрубабээл, Ёцадаагай хүбүүн Иисүүс, тэдэнэй бүхы аха дүүнэрынь, санаартад болон левидүүд гэхэшэлэн баряанһаа бусаһан зон булта Һүмэ барилгын эхи табиба. Эзэнэй һүмэ барилгын хүдэлмэри хинан шалгахаар хоринһоо дээшэ наһатай левидүүдые томилбо.

Эзраа 5:2

Тиихэдэнь Шалтиээлэй хүбүүн Зэрубабээл, Ёцадаагай хүбүүн Иисүүс гэгшэд Иерусалимдахи Бурханай гэрэй барилга шэнээр эхилбэ, тэдэнтэй хамта Бурханай лүндэншэд, тэдэниие дэмжэгшэд булта хүдэлөө.

Нэхэмьяа 12:1

Иисүүстэй ба Шалтиээлэй хүбүүн Зэрубабээлтэй хамта бусажа ерэһэн левидүүд ба санаартад эдэ болоно: Сэраяа, Ерэмияа, Эзраа,

Нэхэмьяа 12:8

Тиигээд левидүүд: Иисүүс, Биннуй, Кадмиһээл, Шэрээбияа, Иуда, Маттаанияа. Маттаанияа өөрынгөө түрэл гаралнуудтай хамта баяр баясхалангай дуунуудые эмхидхээ.

Египедһээ гаралга 27:1

Акаци модоор үргэлэй шэрээ хэхэш. Тэрэ хадаа дүрбэлжэн байха ёһотой – утаараа табан тохой ба үргэнөөрөө табан тохой, үндэрынь гурбан тохой болохо.

Хаггай 1:1

Персиин агууехэ хаан Даариин хаан шэрээ эзэлһэн сагһаа хойшо хоёрдохи жэлэй зургаадахи һарын түрүүшын үдэр Эзэн Хаггай лүндэншэдэ хандан, Иудын захирагша, Шалтиээлэй хүбүүн Зэрубабээлдэ ба ахамад санаарта Ёцадаагай хүбүүн Иисүүстэ айладхалыень дамжуулхые захирба.

Хаггай 1:12

Шалтиээлэй хүбүүн Зэрубабээл, Ёцадаагай хүбүүн Иисүүс болон бусад арад түмэн Хаггай лүндэншые Эзэн Бурханаар эльгээгдэһэн мүн гэжэ мэдэржэ, Эзэн Бурханайнгаа Хаггай лүндэншөөр дамжуулһан үгэ дуулаба. Тиигээд тэдэ Эзэнһээ айжа, Тэрэниие хүндэлжэ эхилбэ.

Хаггай 1:14

Түмэн Сэрэгтэ Эзэн Бурханайнгаа Һүмэ соо ажал хэхыень Иудын захирагша, Шалтиээлэй хүбүүн Зэрубабээлдэ ба ахамад санаарта Ёцадаагай хүбүүн Иисүүстэ болон баряанһаа бусаһан үлдөөсэ арад зондо Эзэн һүр һүлдыень хүдэлгүүлбэ. Тиигээд тэдэ ерэжэ, Һүмэ заһабарилжа эхилбэ.

Хаггай 2:21

– Иудын захирагша Зэрубабээлдэ иигэжэ хэлэ: тэнгэри, газарые Эзэн доһолгоохонь,

Хаггай 2:23

Энэ болбол Түмэн Сэрэгтэ Эзэн айладхана мүн! Шалтиээлэй хүбүүн Зэрубабээл, тэрэ үдэр Эзэн шамайе, Өөрын богоолые, шэлэн абажа, Өөрын нэрэһээ зонхилдог болгохо. Энэ хадаа Түмэн Сэрэгтэ Эзэн айладаа мүн!

Захарияа 3:1

Тэрэ Эзэнэй Эльгээмэлэй үмэнэ зогсожо байһан ахамад санаартан Иисүүсые намда харуулба, баруун таладань тэрээнтэй тэмсэдэг эрлигые баһа зааба.

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Захарияа 6:11

Титим алта мүнгөөр урлажа, Ёцадаагай хүбүүн, ахамад санаартан Иисүүсэй толгой дээрэ таби.

Тоололго 28:2

– Израильшуудта иимэ захяа хэлэ: Намда һайшаагдаха талхан болон аятай һайхан хэншүү үнэртэ шатаалта үргэлнүүд Минии урда тодорхойлогдоһон сагтаа асарагдадаг байхын түлөө таанад харюусалгатайт.

Лука 3:27

Ёдаа – Иоанамай, Иоанам – Рэсаагай, Рэсаа – Зэрубабээлэй, Зэрубабээл – Шалтиээлэй, Шалтиээл – Нириин хүбүүн,

Ударидагшад 6:24

Гидоон тэндэ үргэлэй шэрээ бүтээгээд, тэрэнээ «Эзэн энхэ тайбан үршөөнэ» гэжэ нэрлэбэ. Абиээзэрэй уг удамуудай ажаһуудаг Опраа хотодо үргэлэй тэрэ шэрээ мүнөө болотор байдаг юм.