Эзраа 10:3 - Библи

³ Бидэ Бурхантайгаа хэлсээ баталая. Бурханайгаа хуули заршамые һайхашаан хүндэлдэг танай заабари даган, бидэ бултадаа һамгадаа түрэһэн үхибүүдтэйнь түрхэмүүдтэнь ябуулаябди. Тиихэдэ булта хуулита ёһоороо болохол!

Эзраа 10:3 Referencias Cruzadas

4 Хаан түрэнүүд 11:17

Санаарта Ёядаа арад зоноо Эзэнэй арад болгохын тула Эзэндэ үнэн сэхэ байха тухай хэлсээ Эзэнэй болон арад түмэнэй, хаанай хоорондо баталба. Тиигээд хаан эсэгэдэ үнэн сэхээр алба хэхэ тухай хэлсээ хаанай болон арад түмэнэй хоорондо баталба.

2 Угай бэшэг 29:10

Мүнөө би Израилиин Эзэн Бурхантай хэлсээ баталха гэжэ шиидээб, тиихэдэм Тэрэ бидэндэ уурлахаяа болихо аалам.

2 Угай бэшэг 30:12

Бурхан үйлэ хэрэг ябуулжа, Иудын улад зониие хаанай болон түшэмэлнүүдэй захяа заабари нэгэн хүн шэнгеэр дүүргэхөөр болгобо.

2 Угай бэшэг 34:21

– Ошогты, Эзэнһээ нам тухай, Израилиин, Иудын үлөөшэ арад зон тухай һурагты: Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Эзраа 10:11

Мүнөө Эзэнэйнгээ урда, эсэгэнэрэйнгээ Бурханай урда, гэмээ наманшалагты, Тэрэнэй хүсэл бэелүүлэгты, ондоо газарай зонһоо, буса түрэлтэ һамгадһаа өөрыгөө холодуулагты!

Эзраа 10:44

Эдэ бүгэдэ буса түрэлтэдэй басагадаар һамга хэһэн, зариманайнь һамгад тэдэндэ үхибүү түрэжэ үгэһэн байгаа.

Эзраа 10:9

Иуда болон Бэньямиинтэнэй газарай зон гурбан хоногой туршада Иерусалимда булта сугларба. Энэ юһэдэхи һарын хориной үдэр һэн. Бурханай гэрэй урдахи талмай дээрэ бүхы зон хүйтэн борооһоо ба боложо байгаа үйлэ хэрэгһээ шэшэрэлдэн һуугаа һэн.

Эзраа 9:4

Тиихэдэмни нүүжэ ерэгшэдэй гэм зэмэтэ ябадалай түлөө Израилиин Бурханһаа айһан зон булта намда сугларба. Би гашуудалда баригданхай, үдэшын үргэл болотор һуубаб.

Нэхэмьяа 10:1

Өөһэдынгөө тамгануудые табиба гэбэл: Хахальяагай хүбүүн, засаг баригша Нэхэмьяа, харин тиигээд Цэдэкиия,

Нэхэмьяа 8:14

Тэдэнэр Хуули дотор Эзэнэй Моисейгээр дамжуулһан тэмдэглэл олобо, израильшууд долоодохи һарын һайндэрые тусхайгаар бодхооһон һарабша доро үнгэргэхэ ёһотой гээд байба,

Нэхэмьяа 9:38

Ушар иимэһээ бидэ хэлсээ бэшэжэ зохёогоод, манай удамаршад, левидүүд, санаартад тэрэниие өөһэдынгөө тамгануудаар баталбад.

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Хуули дабталга 29:12

Эзэн Бурхантаяа хэлсээ баталхын, шахаа тангаригаа үгэхын тула эндэ ерэнхэйт. Эзэн Бурхантнай хэлсээ мүнөөдэр таанадтай баталхань.

Нүүнэй Иисүүс 9:6

Тэдэ Гилгаалда Израилиин зоной тогтоһон газарта, Иисүүстэ ерээд: – Ехэ холо газарһаа ерээбди, тиимэһээ мантай эб найрамдал тухай хэлсээ баталыт, – гэжэ хэлэбэ ха.