Эзраа 10:11 - Библи

¹¹ Мүнөө Эзэнэйнгээ урда, эсэгэнэрэйнгээ Бурханай урда, гэмээ наманшалагты, Тэрэнэй хүсэл бэелүүлэгты, ондоо газарай зонһоо, буса түрэлтэ һамгадһаа өөрыгөө холодуулагты!

Эзраа 10:11 Referencias Cruzadas

2 Угай бэшэг 30:22

Эзэнэй һайндэрые һайнаар үнгэргэжэ байгааша левидүүдые Хэзэкияа магтаба. Амгалан байдалай түлөө үргэл үргэн, үбгэ эсэгэнэрэйнгээ Эзэн Бурханиие магтан, иигэжэ долоон хоногой туршада тэдэ һайндэрэй эдеэ бариба.

Эзраа 10:10

Санаартан Эзраа бодожо, тэдэндэ хэлэбэ: – Таанар буса түрэлтэнэй басагадаар һамга хэһэндээ гэмдэ оробо гээшэт, тиигэжэ бүхы Израилиин гэм зэмые арьбадхабат.

Эзраа 10:12

Тэндэ сугларһан зон булта шанга дуугаар харюусаба: – Шинии хэлэһэн юумые гүйсэд бүтээхэбди.

Эзраа 10:3

Бидэ Бурхантайгаа хэлсээ баталая. Бурханайгаа хуули заршамые һайхашаан хүндэлдэг танай заабари даган, бидэ бултадаа һамгадаа түрэһэн үхибүүдтэйнь түрхэмүүдтэнь ябуулаябди. Тиихэдэ булта хуулита ёһоороо болохол!

Эзраа 9:1

Эдэ бүгэдын үнгэрһэнэй удаа Израилиин угуудай гулбаанар, аха захатан намда ерэжэ хэлэбэ: – Израильшууд, санаартад, левидүүд буса түрэлтэ арадуудһаа, тэдэнэй бузарһаа илгаржа гараагүй, ханаһаануудай, хээдүүдэй, пэриззиинүүдэй, евүүсүүдэй, аммоонуудай, моһаабуудай, египедшүүдэй болон эмооршуудай

Нэхэмьяа 13:3

Зон энэ хуулиин удхые мэдэһэнэй һүүлээр Израильһаа бүхы ондоо яһатаниие таһалба.

Нэхэмьяа 9:2

Израилиин үри һадаһад хариин зонһоо илгаран таһараад, хүл дээрээ байжа, өөһэдынгөө эсэгэнэрэй, мүн өөһэдынгөө нүгэлнүүдые наманшалан мүргэбэ.

Псалманууд 32:5

Тэрэ зүб болон шударга байдалда дуратай, дэлхэй энэрэл хайраарнь дүүрэнхэйл.

Һургаал 28:13

Нүгэлөө нюун далдалагша амжалтада хүрэхэгүй. Харин гэмээ мэдэрэн наманшалагша хайрада хүртэдэг.

Исай 56:4

Эзэн иимэ тайган хүндэ иигэжэ айладхана: «Амаралтын үдэр сахижа, Намда таарамжатай юумэ шэлэн, хэлсээгээ сахин, Намайе хүндэлжэ байгаа һаатнай,

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Эзэкээл 18:30

Би, Эзэн Бурхан, таанадай хүн бүхэниие хэһэн хэмээрнь шүүхэб! Нүгэлнүүдэйтнай таанадые хосороохогүйн тула муу хэрэгүүдые хэхэеэ болигты, нүгэлөө наманшалагты.

Иоанн 9:24

Тиин һохор түрэһэн хүниие хоёрдохиёо дуудажа асараад: – Үнэн сэхэ руунь хэлэхэб гэжэ ши Бурханда тангаригаа үгэ! Манай мэдэһээр, Тэрэтнай нүгэлтэн, – гэжэ еврейнүүдэй ахамадууд хэлэбэ.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Колоссынхидтэ 1:10

Тиигэбэл таанад Эзэнэй хүсэһэн ёһоор ажамидаржа, Тэрээндэ һайшаагдаха юумые хэжэ байхат. Таанад дэмбэрэлтэй хэрэгүүдые бүтээжэ, Бурханиие бүрил һайн мэдэрдэг болохо һэнта.

Нүүнэй Иисүүс 7:19

Тиигээд Иисүүс Ахаанда хэлээ: – Хүбүүмни! Эзэндэ, Израилиин Бурханда алдар соло үгэ, Тэрээнэй урда сэхэеэ хэлэ, намһаа нюунгүй юу хэһэнээ намда соносхо.